九龍灣韓國餐廳Kim’s Spoon 韓燒加部隊鍋 烤豬腩肉配辣海鮮鍋

嗱嗱嗱!我哋兩個出哂名鐘意打邊爐架啦,無論麻辣鍋、雞煲、日式和牛鍋……我哋一個星期至少都要打一次嘅!之但係,韓國嘅部隊鍋就真係好少食,因為M佬話嚟嚟去去都係得啲腸仔、火腿、餐肉、公仔麵,諗嚟諗去都係早餐一份,但就收我百幾二百蚊,所以每次經過,我都只可以喺門外面,偷偷昅吓啲大大隻嘅Oppa…吖,唔係,係偷偷聞吓啲部隊鍋!不過,有一日去開九龍灣拍拖行街街,路過呢間韓國餐廳 Kim’s Spoon,門口已經聞到好香,見到佢嗰豬腩肉配海鮮鍋又好似幾吸引喎,明明話唔鐘意Oppa嘅M佬就捉咗我入去試喇!

九龍灣韓國餐廳Kim’s Spoon韓燒加部隊鍋_烤豬腩肉配辣海鮮鍋 (6)

九龍灣韓國餐廳Kim’s Spoon韓燒加部隊鍋_烤豬腩肉配辣海鮮鍋 (7)

一入到去,真係驚喜大發現!平時大家去開韓國餐廳,點都會有幾塊泡菜俾你做前菜,雖然部份餐廳可以畀你添加,但同我一樣咁鐘意食泡菜嘅你哋,一定會發覺,加得多都會唔好意思。點知呢度每一台都有成缸泡菜擺係度,味道又啱啱好,一定可以滿足各位泡菜!

九龍灣韓國餐廳Kim’s Spoon韓燒加部隊鍋_烤豬腩肉配辣海鮮鍋

而今晚嘅主菜終於上台啦……嘩!真係好豐富呀!呢個鍋有平時部隊鍋嘅香味同湯底,真係可以用滿到瀉嚟形容,好多料。

九龍灣韓國餐廳Kim’s Spoon韓燒加部隊鍋_烤豬腩肉配辣海鮮鍋 (3)

喺開始打邊爐之前,唔知大家會唔會試吓個湯底呢?我哋一定會喺開始前試吓,因為有好多餐廳會用水溝淡個湯底,借助你越打越濃,根本就唔會試出個原味。唔通打邊爐最緊要係個爐咩?講番呢度個湯,味道唔會好濃,但辣味香味夠,仲有少少海鮮嘅清新味道添!

九龍灣韓國餐廳Kim’s Spoon韓燒加部隊鍋_烤豬腩肉配辣海鮮鍋 (8)

九龍灣韓國餐廳Kim’s Spoon韓燒加部隊鍋_烤豬腩肉配辣海鮮鍋 (4)

試完湯,真係唔客氣喇!先試吓中間嘅肥瘦層層疊嘅烤豬腩肉。平時食嘅五花腩,真係2塊都very enough,但呢度嘅腩肉一層肥一層瘦,入口又唔會膩,加上中間不停烤住,所以食落口都唔會好油,而且肉味香濃,姐妹們真係食多件都No worry呀!

喺時候食嗰辣海鮮鍋啦,真係唔好講笑,呢個鍋用料絕對無偷工減料,有蝦、青口、蜆、魷魚、泡菜…… 我哋覺得最正嘅係蝦,好新鮮,爽口彈牙,又好入味添!最正係有韓式粉絲,吸晒啲湯底。不過,提吓大家,入面嘅粉絲要早少少食,如果唔係食到尾就會淋哂,無晒咬口喇!

九龍灣韓國餐廳Kim’s Spoon韓燒加部隊鍋_烤豬腩肉配辣海鮮鍋 (5)

食燒肉同打邊爐,就梗係要飲啲凍嘢,我哋叫一黃一藍嘅特飲。黄色嗰杯係桃香柚子梳打,味道較淡。我哋鐘意藍色嗰杯多啲,佢係藍橙檸檬梳打,有塊檸檬可以篤下,香好多。

九龍灣韓國餐廳Kim’s Spoon韓燒加部隊鍋_烤豬腩肉配辣海鮮鍋 (9)

九龍灣韓國餐廳Kim’s Spoon韓燒加部隊鍋_烤豬腩肉配辣海鮮鍋 (10)

九龍灣韓國餐廳Kim’s Spoon韓燒加部隊鍋_烤豬腩肉配辣海鮮鍋 (2)Kim’s Spoon
地址:牛頭角牛頭角道77號淘大商場三期2樓S172-173號舖
營業時間:星期一至日: 11:30-16:00; 17:30-22:30
電話:+852 2707 9936

(記住Like同Share畀朋友)


想緊貼A姐M佬嘅吃喝玩樂資訊,快啲Follow埋下面嘅Channel啦!

Facebook:A姐M佬 玩樂日記
Instagram:AandMdiary
Pinterest:AandMDiary
Openrice:A姐M佬
報料或合作:aandmdiaryhk@gmail.com

Leave a Reply

Your email address will not be published. Required fields are marked *