今次仲唔「蠔」番餐 灣仔The Oyster House

話說,嗰日係我哋send咗第1億個message,就梗係賀一賀佢啦! (你唔好理我點數,我話1億就1億)! M佬就話要「蠔」番餐,補補佢,可以之後再做過!! 哈哈!!

話明蠔番餐,就一定要食生蠔啦! 同我攞最新鮮同最肥美嘅生蠔嚟,唔好唔收貨!! Today’s French味道較淡,好易入口。Majestic No.1都係比較咸,好重海水味。Belon OOOO係咁多隻最重海水味,肉質比較薄。

the-oyster-house_wan-chai_western-restaurant_todays-french_spanish-large_%e7%81%a3%e4%bb%94_%e7%94%9f%e8%a0%94-4

the-oyster-house_wan-chai_western-restaurant_todays-french_spanish-large_%e7%81%a3%e4%bb%94_%e7%94%9f%e8%a0%94-3

the-oyster-house_wan-chai_western-restaurant_todays-french_spanish-large_%e7%81%a3%e4%bb%94_%e7%94%9f%e8%a0%94-7

嘩!! 呢隻Spanish Large,有M佬隻手掌咁大,好cray cray呀!! 識食梗係成隻食,唔好分開食!! 我要好努力咁張開我嗰櫻桃小咀先食到!! 我哋極力推介Spanish Large,又睇得又打得,好濃蠔味,少少海水味,啱啱好,最正係夠肥味!! 正到我哋食完encore多兩隻!!!

the-oyster-house_wan-chai_western-restaurant_todays-french_spanish-large_%e7%81%a3%e4%bb%94_%e7%94%9f%e8%a0%94-2食完生蠔都係覺得唔夠喉,整嗰seafood platter先,星期一二$99真係好扺。生蠔,法國黃金螺,北海道帶子,日式磯煮鮑魚,紐西蘭青口,各兩隻! 相比頭先食嘅生蠔,呢個seafood platter就普通咗少少,不過以$99嚟講,性價比係高!! 磯煮鮑魚最正,好清甜!!

the-oyster-house_wan-chai_western-restaurant_todays-french_spanish-large_%e7%81%a3%e4%bb%94_%e7%94%9f%e8%a0%94-1

the-oyster-house_wan-chai_western-restaurant_todays-french_spanish-large_%e7%81%a3%e4%bb%94_%e7%94%9f%e8%a0%94見到我嘅至愛 — 意大利雲吞,就梗係唔理嗰M佬啦,鬼叫佢唔食芝士咩,真係嘥晒!! 嗰波芝士意大利雲吞都有好多粒,嗰餡好足料,勁creamy。強烈建議大家揀黑松露蘑菇汁,好香好match!!

the-oyster-house_wan-chai_western-restaurant_todays-french_spanish-large_%e7%81%a3%e4%bb%94_%e7%94%9f%e8%a0%94-8

M佬嗰食肉獸就梗係嗌肉 — 香烤加拿大天然豬鞍!!! 偷食咗近邊肥膏位,真係超香,又非常淋身,學蕭叔叔話齋,真係好tender,好juicy!!

the-oyster-house_wan-chai_western-restaurant_todays-french_spanish-large_%e7%81%a3%e4%bb%94_%e7%94%9f%e8%a0%94-9

原本諗住嗌心太軟,不過太飽啦,really cannot!! 下次send夠2億個message嚟過!

The Oyster House
地址:灣仔謝斐道154號地下C號舖
營業時間:星期一至日: 12:00-23:00
電話:+852 2511 1212

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:aandmdiaryhk@gmail.com

Leave a Reply

Your email address will not be published. Required fields are marked *