全越南最好味越南粉 人氣長龍店屯門錦麗

我A姐真係好唔鍾意排隊㗎!特別係著住高踭鞋嘅日子,仲要我等?我話之你係全越南最好味嘅越南粉吖!但每日返工行過apm錦麗,見到大排長龍,仲傳嚟一陣超濃郁嘅牛肉粉香味,我個胃話我知:我!真!係!好!想!食!呀!終於今日同M佬去探朋友,經過屯門市廣場新店,一於試試想食好耐嘅錦麗!

越式春卷
金黃色嘅春卷,賣相已經一流!鍾意入面有勁爽口嘅蘿蔔絲同勁軟腍嘅芋頭,配料仲有豬肉、紅蘿蔔、雞蛋、紅蔥頭、木耳同粉絲,用生菜包住春卷加上酸菜同魚露,口感一流。

法式牛油蒜蓉雞翼
牛油同蒜蓉味勁突出,外皮脆卜卜,雞翼大大隻,入味又滑,好味推介!

大蝦扎肉米紙卷
米紙捲皮超煙韌,配上新鮮嘅大蝦、扎肉、粉絲、青瓜同沙律菜,點埋魚露,好有越南feel。

錦麗綜合粉
識食嘅A姐教落,識食一定係咁食:上枱先飲一啖湯,結果最後飲咗好多啖,因為湯嘅牛味真係好香濃,飲到差啲要加湯呀!而越南正宗食法就一定加入撕碎咗嘅九層塔同鵝蒂放入湯中,鍾意落幾多就落幾多,心後就加入青檸、辣椒同芽菜,值得一提係佢個芽菜,好粗壯好man㗎!再試多啖湯,成件事昇華晒!而呢碗綜合粉,有齊生牛肉、熟牛肉同牛丸。熟牛肉夠晒軟腍,油香滿分;而生牛肉好滑,牛味香濃;而大愛都係口感彈牙,勁爆汁嘅牛丸。想食得再地道啲,食前將牛肉加啲是差拉辣椒醬同甜醬,甜甜辣辣都相當唔錯。

錦麗牛丸粉
綜合粉有齊生牛肉、熟牛肉同牛丸,而我最鍾意就係牛丸,所以encore咗個呢個牛丸粉,牛丸真係好有牛味㗎!又彈牙勁爆汁,必試!

最後叫‵埋杯雪梨崩大碗,夠解喝又唔係死甜!

錦麗 Pho Le
地址:分店資料

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!

Facebook:A姐M佬 玩樂日記
Instagram:AandMdiary
Pinterest:AandMDiary
Openrice:A姐M佬
報料或合作:keepintouch@aandmdiary.com

Leave a Reply

Your email address will not be published. Required fields are marked *