尋找兒時祖樂比 味道不同快樂蜂Jollibee

細個嘅時候,因為住喺沙田,A媽間唔時就會帶我去新城市食祖樂比Jollibee!麥當奴就有大大隻麥當奴叔叔,而祖樂比就有大大隻祖樂比蜜蜂!仲記得,當年佢嘅炸雞同意粉係好好味㗎!10年前去菲律賓旅行,仲會突登去祖樂比食lunch。到3年前,經過中環,路過當年祖樂比最後一間分店,興致勃勃入去食隻熱狗下午茶,雖然感受到異國風情,但味道真係……唔會有下次囉!

到今日,經過北角見到有新開張,連名都由祖樂比變成快樂蜂原來M佬由細到大都無食過架!所以今日入去試多次,俾多次機會佢啦!結果係……

炸薯條:薯條仲幼過其他對手,薯味唔濃。

炸雞:炸雞係夠脆、好嫩滑,仲好大舊添,但炸粉都好多,雞肉唔夠Juicy,仲無乜雞味。

磨菇飯:汁唔多,磨菇少都算,最重要係啲飯生米,完全無動機去食第二啖。

呢間快餐店嘅最大特色就好似去咗菲律賓旅行,享受異國風情,但味道就大不如前。M佬仲話KFC平咁多,下次食炸雞都唔會揀佢。唔知係我食多咗好多好西,定真係佢變咗呢?

快樂蜂 Jollibee
地址:北角英皇道370至374號振華大廈地下 / 中環干諾道中13號歐陸貿易中心地下 / 中環干諾道中61號福興大廈地下 / 旺角亞皆老街16號旺角商業中心1樓
營業時間:11:00-21:00

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:aandmdiaryhk@gmail.com

Leave a Reply

Your email address will not be published. Required fields are marked *