同A姐食好啲 上環La Parole

做善事又食到好好味嘅法國大餐,真係有意義得嚟,又食得好開心!請緊嘅係呢間位於上環嘅La Parole。呢間餐廳同社會企業合作,扣除成本開支後,全數撥捐非牟利機構: 庭恩兒童中心,以幫助低收入家庭有語言障礙嘅小朋友。

Menu只有兩個選擇,分別係5道菜同6道菜。而一點完餐,就送上餐包,除咗盬牛油,仲有黑橄欖醬同蕃茄蒜蓉醬,我哋就最鍾意鹽牛油,簡簡單單夠晒開胃。

龍蝦蟹肉小紅蘿蔔碎卷
用上爽口彈牙嘅新鮮龍蝦肉,配上一絲絲嘅蟹肉,賣相精緻,配埋新鮮芒果醬或蛋黃醬,令味道濃厚,鮮味更突出!

烤乳豬配法國新薯
乳豬皮脆卜卜勁香口,而肉質十分細嫩,形成強烈口感上嘅對比。三款醬汁包括用新鮮水果打造,微甜嘅蜜桃川椒醬、辛辣嘅蜜糖芥末醬同中式傳統海鮮醬。每款醬都各有特色,而我哋最鍾意就係蜜糖芥末醬,令豬肉味更突出,加上油脂唔多,唔會食到膩。

新鮮龍蝦湯
上枱已經聞到濃烈嘅龍蝦味,酒紅色嘅湯色,龍蝦味超濃,湯底夠厚身,感覺到餐廳絕不吝嗇龍蝦,將精華完全融入湯之中。

香煎白鱔
白鱔新鮮厚肉,超彈牙,油脂豐富,一啲都唔味腥!配上特製柚子汁,淡淡嘅柚子味,簡約得嚟,無蓋過白鱔嘅鮮味,更顯大廚功架。

黑加侖子雪葩
食到中段,餐廳送上黑加侖子雪葩,作為醒胃之選。店員細意加上gin,更帶出黑加侖子嘅鮮爽味道。

香煎法國夏洛萊頂級牛柳
A姐主菜揀咗三成熟嘅牛柳,控制得好好,唔會煎到太老,嫩滑無比,加上墨汁海鹽,令牛味更香濃,啖啖都充滿肉汁!配菜有大蘑菇同長青豆。

橡果西班牙黑毛豬
而我就揀咗店員推介五成熟嘅橡果西班牙黑毛豬,更食得出豬嘅肉香味。肉質軟腍,配上鮮菠蘿肉嘅菠蘿肉桂醬,令豬肉嘅油膩感大大減低。味道大大提升。


香橙梳乎厘
嘩!好大個呀!頂層皮烤到微焦,好香口。而中間入口好鬆軟,充滿空氣感,好軟棉棉,好幸福呀!配上香橙雪葩,夠晒豐富。

Leonidas Chocolate Cake
朱古力香滑味濃,仲用咗微微帶苦嘅dark chocolate,唔會太甜,仲好有層次!


La Parole
地址:上環文咸東街22-26號柏廷坊3樓
電話:+852 2436 4099
營業時間:星期一至六 12:00 – 15:00,18:00 – 23:00(星期日休息)

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!

Facebook:A姐M佬 玩樂日記
Instagram:AandMdiary
Pinterest:AandMDiary
Openrice:A姐M佬
報料或合作:keepintouch@aandmdiary.com

Leave a Reply

Your email address will not be published. Required fields are marked *