好味就係維記 中環維記牛奶Pop Up Store

今日去開中環見客,點知客就未見到,但就比我路過見到化身一日維記星級店長嘅陳家樂!我A姐同C同事即刻心心眼衝入去啦。原來依家期間限定,由75日至831日喺中環威靈頓街維記牛奶開設Pop Up Store,入面仲有唔少全港獨有嘅雪糕味道,真係「好味就係維記」啦!

喺Pop Up Store入面,搵到24款新口味雪糕杯,當中包括開心果、鐵觀音、玫瑰鹽焦糖、豆腐、紫薯、柚子、特級雲呢拿、阿華田、榴槤、綠茶、紅豆、薄荷朱古力、曲奇忌廉、奶茶、芝麻、香芋、椰子、荔枝、菠蘿、士多啤梨、芒果、朱古力至尊、雲呢拿、咖啡。

我同C同事聽住維記星級店長陳家樂嘅推介,佢再幫我哋開埋雪糕,真係成個人軟晒,好彩呢度無賣軟雪糕姐。

24款雪糕杯點揀好?如果你得一個胃,首推開心果!

如果你個胃比較大,可以試埋特級雲呢拿同鐵觀音。呢3款味道都好驚喜,食落好有層次,新鮮度滿分!而唔食得太甜嘅朋友,鐵觀音就啱晒你,濃厚嘅中國茶味,夠晒獨特!我同C同事最後2個人食咗5杯,下次要試埋其他先得!

而Pop Up Store入面,除咗雪糕,仲有維記全線產品,簡直就係維記嘅旗覽店!包括維記嘅牛奶,無論全脂、半脂、高鈣低脂定脫脂高鈣都有。

雪糕甜筒就有榴槤、香芋、綠茶同阿華田等等口味,做下午茶一流;除咗一般嘅雪米糍口味,仲有近年大熱嘅紅豆夾心同蜜桃等新口味;仲有唔同味道嘅乳酪飲品,又清新又有益。

OMG!掛住睇陳家樂,完全唔記得咗要見客添!不如下次見客就去維記牛奶 Pop Up Store啦。

維記牛奶 Pop Up Store
地址:中環威靈頓街33號地下
營業時間:201875日至831日 星期日至三:10:00-20:00;星期四至六:10:00-22:00

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:keepintouch@aandmdiary.com

Leave a Reply

Your email address will not be published. Required fields are marked *