平民素食自助餐 銅鑼灣放下素

成日出街食飯,唔係打邊爐就燒烤,真係要食返清啲,要Detox下,食素就啱晒啦!銅鑼灣登龍街嘅放下素,以親民嘅價錢為大家帶嚟素食自助餐,午市由$58起,而晚市則由$108起,有80多種唔同嘅食物選擇!

餐廳以簡約為主,餐具每人一份,一方面保護環境,減少洗碗碟嘅水,另一方面減少食物浪費。另外,餐廳跟雇傭學腹腔人士,協助弱勢社群就業,真係好有意義!食物又真係幾多選擇,分中式同西式,有湯,糖水,前菜,沙律吧同炸物等。

前菜
開胃前菜嘅選擇都幾多,有冰鎮秋葵、冰鎮菜心、涼拌青瓜雲耳、涼拌紅薯粉同涼拌萵筍。秋葵同菜心都非常新鮮,點埋芥末豉油,好清新!另外,涼拌青瓜雲耳,味道酸甜,非常開胃!

炸物
無諗過呢度嘅雜物選擇都幾多,有炸素蠔、南瓜天婦羅同茄子天婦羅。啱啱新鮮炸起,外皮香脆。嗰素蠔真係幾似!另外仲有香煎蘿蔔糕,蘿蔔味香濃,口感軟綿綿得嚟又唔會太厚粉,正!

中式主菜
有超過10款嘅中式主菜,其中包括:涼瓜炒蛋、手撕包菜、四季豆炆茄子、豉油王杏包菇、黃金角炆素雞、哥哥做羅漢、咕嚕麵筋、冬瓜豆卜、粉絲娃娃菜同香菇粟米炒飯等。我哋A姐M佬首推涼瓜炒蛋,滑蛋炒得好香,涼瓜清熱解毒。另外,粉絲娃娃菜好有驚喜,粉絲同娃娃菜都吸晒高湯味,好入味!

西式主菜
西式主菜嘅選擇比中式少,但係貴精不貴多,其中包括:拿破崙薄餅、蘇格蘭蛋、自製素漢堡扒熱香餅、咖喱薯餅、燕麥提子曲奇同英式薯角等。拿破崙薄餅,熱辣辣,餅底薄脆,番茄醬好香,正。黑松露意粉,黑松露味濃。蘇格蘭蛋,以紫薯除渣外皮包着蛋,味道甜甜的,不錯。


特別欣賞呢度有中湯同西湯嘅選擇。木棉花冬瓜湯,清熱去濕,不過味道比較淡。西湯就係南瓜湯,南瓜味香濃。

甜品
呢度最特別就係有自製乾果,仲有部機喺度俾大家睇住佢整,將新鮮嘅水果抽走水份,成為水果乾,味道清甜!另外,仲有心甜意合糖水、薑醋蛋、自製涼粉撈同生果,真係好多選擇!

放下素 Let Go Vegetarian
地址:銅鑼灣登龍街28號永光中心3樓
營業時間:星期一至日 11:45 – 14:30, 18:00 – 21:45
電話:+852 2832 2032

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
報料或合作:keepintouch@aandmdiary.com

Leave a Reply

Your email address will not be published. Required fields are marked *