弘大至熱選 Kim’s Spoon

鍾意食韓國菜嘅A姐,不知不覺間已經當咗 Kim’s Spoon 係佢嘅 canteen,得閒行過見到(其實落巴士實見到),如果有新Menu,佢就會心思思想入去食。結果…今日就係咁……畀佢見到全新Menu: 弘大至熱選,我哋又去Kim’s Spoon喇!

弘大至熱選套餐包括:美國肩胛翼板牛肉、甜辣炸雞、忌廉香辣炒年糕、芝士漢堡泡菜炒飯、麵包、沙律同薯條。上枱真係好佩服Kim’s Spoon,因為每次有新Menu都會有新嘅Container,真係次次都唔同㗎喎。今次就係長長嘅木板,我同A姐都係度諗,成本都唔少!

美國肩胛翼板牛肉

先將牛油查上去個熱Pan度,再放上牛肉,一放上去,滋滋聲仲聞到好香好香嘅牛肉味。牛肉唔肥但夠腍身,牛肉味都好濃,再點埋特製嘅黑椒燒汁,就更加惹味!

甜辣炸雞

次次去Kim’s Spoon都好鍾意食佢哋個炸雞,除咗份量多,醬汁又好特別,最重要係好Juicy!

忌廉香辣炒年糕

未食之前,真犯好驚係劣食,估唔忌廉同年糕又幾夾喎,令年糕更香滑,而且中和番泡菜嘅辣味,仲有大量泡菜同魚糕,正。

芝士漢堡泡菜炒飯 + 麵包、沙律同薯條

芝士表面用紫菜砌咗個蛋黃哥,淨係賣相都贏晒!芝士味道好香濃,漢堡扒厚肉,但就略嫌泡菜炒飯嘅泡菜唔夠。其實食完上面嘅菜式,都已經夠飽,如果都唔夠,仲有麵包、沙律同薯條,呢餐真係夠晒full。

Kim’s Spoon
地址:北角英皇道560號健威坊LG樓層L9B-D號舖
營業時間:星期一至日: 11:00-22:00
電話:+852 2907 0832

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:aandmdiaryhk@gmail.com

Leave a Reply

Your email address will not be published. Required fields are marked *