情人節𠱁女絕技 香港嘉里酒店下午茶

各位兄弟,我真係唔明啲女人點解咁鍾意食Afternoon Tea!其實佢地都係為咗影張相呃Like姐。我家A姐講咗好多次話要去食Afternoon Tea,就順佢一次意,去咗香港嘉里酒店 Kerry Hotel Hong Kong嘅大堂茶座,一邊享受維港景,一邊嘆錫蘭滋達下午茶 Zesta Afternoon Tea。下午茶以錫蘭滋達茶葉為靈感,每款都有唔同茶味為成份!

錫蘭滋達下午茶
鬆餅
Zesta伯爵茶鬆餅同傳統鬆餅,各兩件。鬆餅好香牛油味,再配埋奶油忌廉、野莓果醬同杏脯果醬,又幾好味喎!

鹹點:伯爵茶醃海鱒魚配柑橘蜂蜜
厚切海鱒魚上面鋪滿伯爵茶香料,配埋甜甜哋嘅柑橘蜂蜜,清新醒胃!

鹹點:茶燻鵪鶉蛋沙律迷你漢堡包配魚子醬
一拎開玻璃罩,就聞到好香茶燻味,白煙徐徐上升,仙境一樣。濃郁嘅鵪鶉蛋沙律同微熱嘅漢堡包好夾,加埋上面嘅魚子醬,零舍矜貴!

鹹點:車厘茄配羊奶芝士及蕃茄紅茶果凍
切片車厘茄,新鮮多汁,同羊奶芝士好夾,加埋紅茶果凍,味道豐富特別!

鹹點:煙鴨胸配蜜桃吉士醬開心果金寶
惹味嘅煙鴨胸配上香甜嘅蜜桃吉士醬,再加上開心果,一鹹一甜,異常咁夾!

甜點:綠茶忌廉白朱古力慕絲配柚子醬
綠茶忌廉白朱古力慕絲打到好香滑,加埋清甜嘅柚子醬,清新開胃!

甜點:烏龍茶慕絲配香梨燕麥金寶
淡淡的烏龍茶味配上香梨燕麥金寶,口感豐富!

甜點:70% 朱古力紅茶慕絲泡芙
紅茶慕絲泡芙由70%朱古力製成,紅茶香同朱古力好夾,味道濃郁!

甜點:伯爵茶柑橘撻配栗子忌廉
栗子忌廉香滑可口,有濃郁嘅栗子味,酸酸地嘅柑橘,令伯爵茶Mousse味道更凸出!

供應日期:即日起至2019年3月31日
供應時間:星期一至五,下午2時半至5時半 / 星期六、日及公眾假期,下午2時至6時
價錢:$538 兩位用,包括咖啡或香茶 (另設加一服務費)

錫蘭滋達下午茶情人節升級獻禮
情人節期間,錫蘭滋達下午茶升級,加配2杯Veuve Clicquot凱歌皇牌香檳同甜品大師Julien嘅招牌作士多啤梨忌廉芝士Eton Mess,真係Sweet到爆,𠱁女一流!

供應日期: 2019年2月14日至16日
供應時間:星期一至五,下午2時半至5時半 / 星期六、日及公眾假期,下午2時至6時
價錢:$788兩位用,包括2杯Veuve Clicquot凱歌皇牌香檳及情人節士多啤梨忌廉芝士Eton Mess乙客 (另設加一服務費)

仲有呀,大家只需要喺Instagram Upload下午茶照片, Tag @KerryHotelHK 同加#KerryHotelHK,就可以免費獲贈汽泡酒或沙冰一杯。

香港嘉里酒店大堂茶座 Kerry Hotel Hong Kong Lobby Lounge
地址:紅磡紅鸞道38號香港嘉里酒店1樓101號舖
電話:+852 2252 5888

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!

Facebook:A姐M佬 玩樂日記
Instagram:AandMdiary
Pinterest:AandMDiary
Openrice:A姐M佬
報料或合作:keepintouch@aandmdiary.com

Leave a Reply

Your email address will not be published. Required fields are marked *