澳洲和牛大戰日本和牛 荃灣稻八日式火鍋炸物放題

2017年6月3日,今日無預期嘅大雨,無預期嘅黑雨警告,但換來今年首個酷熱天氣警告!酷熱天氣警告就梗係要留喺室內嘅地方啦,無限量飲住Asashi再嘆邊爐,真係一大享受呀!我哋去咗邊?之唔係去咗荃灣稻八日式火鍋炸物放題囉!呢度嘅入門價係$158至享受價$368,8款湯底,但食日式火鍋就一定要揀壽喜燒湯底啦!我嘅寶貝A姐問究竟日式和牛好味啲吖定澳洲和牛好味啲呢?以價錢嚟睇,應該日本和牛好味啲,但口味嘅嘢,人人都唔同,一於叫晒兩款比拼吓!

喺等緊牛嘅時候,先出去攞吓嘢食先!除咗有沙律吧日式小食火鍋配料菜類丸類麵類)之外,仲有一部DIY天婦羅機,首先喺雪櫃度選擇,想要嘅食材,如紫薯腸仔南瓜茄子蓮藕冬菇秋葵福袋年糕灸燒芝士丸芋頭魚餅,加上天婦羅漿同麵包糠,再放入部機度炸2分鐘,就有得食喇!真係好玩又好食呀!

日本國產黑毛和牛

三角腩:入口即溶嘅感覺太美好喇!肉質鮮嫩,油脂分佈均勻,記住淥5至6秒就食得喇!

肉眼上蓋:脂肪比例較多,但入口香滑,唔油膩,牛味係三種之中最濃郁!

牛肩肉:脂肪比例相對較少,口感十足,唔韌仲好香牛肉味!

澳洲M6和牛盛合

牛胸肉:肉質軟腍,無根幼嫩,接近入口即溶!

牛舌:牛味十足,爽口,可惜唔係厚切!

牛小排:油脂分佈細密,有咬口,牛味突出!

牛下腹腩肉:油脂比例較多,質地嫩滑,牛味十足!

A姐就鍾意入口即熔嘅日本國產黑毛和牛,我就鍾意澳洲M6和牛盛合,學獎門人話齋,呢局打和!

牛白肉

來自牛胸骨軟骨位嘅牛白肉,供應唔多,淥一分鐘就食得,夠晒彈牙,牛味十足,好有口感呀!

今次主力食和牛,留肚之下,所以無食到極上安格斯牛小排特級美國穀飼牛美國進口牛肉,另外,呢個套餐仲包括海鮮盛會,有虎蝦帆立貝廣島蠔魷魚仔青口魷魚八爪魚仔,樣樣都夠晒新鮮,而我哋最鍾意就係隻虎蝦,夠晒彈牙!

除咗牛肉同海鮮,肉食A姐又點會錯過羊肉美國自然豚肉片北海道雞片呢!份量十足,又好味!

全餐都係火鍋,悶唔悶啲呀?!我聽到A姐嘅呼喚喇,即刻叫個刺身畀佢先,有三文魚八爪魚榮螺油甘魚甜蝦希靈魚大北寄貝吞拿魚馬刀貝象拔蚌,以日式火鍋店嚟講,刺身種類夠晒多,最鍾意就係肉質結實又好有口感同好香嘅油甘魚,真係必食推介。

至於飲品方面,選擇超多,可樂雪碧芬達,仲有道地康師傅等,紙包裝有檸檬茶蜜瓜味荳奶等,樽裝有果汁豆漿等。食到尾聲,甜品除咗有7款口味嘅雪米糍,仲有Dreyer’s雪糕,識食一定要食開心果口味啦!

稻八日式火鍋炸物放題 Inahachi Shabu Shabu
地址:荃灣德海街18號富利達中心1樓
營業時間:星期一至日 17:00-03:00
電話:+852 6347 3636

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:aandmdiaryhk@gmail.com

Leave a Reply

Your email address will not be published. Required fields are marked *