熱辣辣聖誕夜 旺角韓式炸雞Outdark

A姐: 今年聖誕去邊好?
M佬: 不如去芬蘭?
A姐: 我無咁多假啦……
M佬: 咁呀…… 我哋不如去澳洲過一個熱辣辣嘅聖誕節啦!今晚嚟嗰Preview先…….

嚟嗰Preview?咁姐係去邊呀? 呢個M佬就帶我去咗旺角Outdark,韓國炸雞關咩事?一入到餐廳,就見到好多聖誕佈置,真係好似已經到咗十二月,就等我哋今晚過一個熱辣辣嘅聖誕節!

柚子米酒


食韓國菜,梗係要飲埋米酒,咁先Perfect!呢到有好多味,有原味、蜂蜜、蘋果芒果、士多啤梨、柚子同西瓜味。我哋揀咗柚子味,好易入口,又夠凍,冰感十足,酒精濃度只有 5%,啱晒我!

雙拼炸雞(全份) 甜辣炸雞+香蒜蜜糖炸雞

嚟Outdark,認食梗係食炸雞啦 (餐廳名Outdark中嘅Dark同韓文雞同音)!貪心嘅我哋叫咗雙拼炸雞,揀咗甜辣炸雞同香蒜蜜糖炸雞,咁就可以一次過食晒兩隻味。炸雞新鮮炸起,非常香口,外脆內嫩,啖啖肉,正!

甜辣炸雞唔算好辣,甜味仲重。香蒜蜜糖炸雞有好香蒜味之外,仲有陣陣蜜糖香,味道好有層次。炸雞分量十足,堆到成座山咁高。加埋粗薯條同薯格,真係好飽飽!特別欣賞薯條同薯格加咗牛油蜜糖粉,好似食麥記Shake Shake薯條咁。炸雞仲配醃蘿蔔同四款醬汁: 醬油、芥辣、甜辣醬同辛辣醬!

鍋巴海鮮湯

M佬每次食煲仔飯都一定會食晒啲飯焦,夠晒香口。呢個鍋巴海鮮湯,有好多飯焦,不過一定要快快食,如果唔係吸咗啲湯,就唔脆啦! 嗰湯好足料,有蝦、蜆同埋成隻炸魷魚,真係好滿足!

豬肉炒粉絲

食韓國嘢,梗係食炒粉絲啦! 熱辣辣,炒得好香又入味!

DIY飯團

記得之前同M佬喺釜山食過,今日又可以重溫。嘩!嗰飯真係勁熱,隔住隻手套都熱到阿媽都唔認得。不過自己親手整飯團,真係好好玩,紫菜同香油味啱啱好,正!

Outdark
地址:旺角彌敦道613號飛達商業中心2樓
營業時間:星期一至日17:00-02:00
電話:+852 2892 0877

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:aandmdiaryhk@gmail.com

Leave a Reply

Your email address will not be published. Required fields are marked *