素食星人天堂 青衣半自助餐樸生•素食

各位姊妹,每逢夏天,每個星期唔係去沙灘,就係船P,咁就當然要保持最佳狀態!減肥真係女人嘅一生使命,要食得清淡,食素就啱晒,不過又要飽肚,可以點?呢間青衣城樸生•素食,主打韓式素食半自助餐啱晒,今日就拉埋我嗰M佬陪我去試下先!

沙律吧
沙律吧嘅選擇一啲都唔少,有羽衣甘藍、羅馬生菜、糖蓮藕、黑豆、泡菜,杞子同杏仁片等,全部都好新鮮爽口,加埋柚子醬汁,開胃一流。

熱湯 + 熱粥
如果大家想暖下胃,一定唔可以錯過熱湯同熱粥部!泡菜蕃茄豆腐湯,泡菜味唔濃,有淡淡嘅蕃茄同豆腐清香味,好健康。另外,養生南瓜杞子雪耳粥非常足料,煲到橙黃色,質地厚身,好滿足!

DIY韓式素部隊鍋
部隊鍋食就食得多,素部隊鍋就真係第一次食!大家將自己喜歡的材料放入鐵鍋,有素麵、素午餐肉、豆卜、金菇、秋葵同年糕等。再加湯底,有素清湯同年糕湯選擇,然後喺自己坐位上嘅電磁爐煲,滾下滾。特別欣賞素午餐肉,口感真係好似食緊肉,仲見到肉絲,正!

韓式拌飯
未完呀!呢到仲有韓式伴飯,勁好料畀你揀,有粟米、青瓜、胡蘿蔔、紫菜、藜麥同果仁等,加埋麻油,好香口!

M佬主菜之選:素芝士黑松茸石頭鐵飯
呢個全素石頭飯,賣相好靚,有芽菜、菠菜、豆腐粒同黑松茸,上面鋪滿DAIYA純素芝士,再加埋辣醬一齊撈,真係好惹味!

A姐主菜之選:素芝士加拿大茄子漢堡
呢個漢堡同一般漢堡無咩分別,雖然無咗塊肉,反而凸出茄子蕃茄嘅鮮味,特別欣賞秘製醬汁,Perfect match,仲配有紫薯片,好味又健康!

甜品
甜品選擇唔算多,不過味道唔錯,有素蛋撻、芝士蛋糕同朱古力撻。大家一定要食公和豆腐花,入口香滑,豆味香濃,加埋黃糖,無得彈!

樸生•素食 Bobsang Green
地址:青衣青敬路33號青衣城一期1樓119B號舖
電話:+852 3105 0986
營業時間:星期一至五 12:00 – 22:30 / 星期六至日 11:30 – 22:30 公眾假期

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!

Facebook:A姐M佬 玩樂日記
Instagram:AandMdiary
Pinterest:AandMDiary
Openrice:A姐M佬
報料或合作:keepintouch@aandmdiary.com

Leave a Reply

Your email address will not be published. Required fields are marked *