維港煙花景 銅鑼灣酒鍋

今晚打邊爐有A姐呢個靚人陪我,仲有靚湯底同新鮮材料,咁就叫滿足?今日嚟到位於銅鑼灣V Point嘅酒鍋,居高臨下,望住成個維港醉人靚景,估唔到打邊爐都可以咁浪漫!A姐話下次想嚟呢到打住邊爐睇煙花,提我記往早啲訂枱喎!

炸三文鮮魚皮
喺等緊個鍋滾起前,就食住小食先啦!呢個炸三文鮮魚皮炸到金黃色,大大塊,熱辣辣,脆卜卜,好味到停唔到口。

酒火入鍋
一個大鍋有齊5款湯底:木瓜鍋、蕃茄波士頓龍蝦鍋、清湯蘿蔔牛腩、四川麻辣鍋同潮州沙嗲鍋。木瓜鍋加入咗酒,所以店員點上火,除咗令酒精輕輕揮發,視覺效果更佳;而蕃茄波士頓龍蝦鍋我哋嘅共同最愛,湯底濃郁,好鮮甜;而清湯蘿蔔牛腩相對清淡,反而突出蘿蔔嘅鮮甜;而四川麻辣鍋夠刺激,大量指天椒同花椒,夠麻夠辣又夠香;最後,潮州沙嗲鍋雖然唔算突出,但沙嗲鍋穩打穩實,一向都深得港人喜愛。

頂級安格斯牛小排
牛小排油脂均勻,肉味濃郁,輕輕一淥就食得。我哋就推介將頂級安格斯牛小排配上潮州沙嗲鍋。

海鮮拼盤
樣樣都好新鮮,而蜆係無沙超鮮甜!我哋就推介將海鮮配上蕃茄波士頓龍蝦鍋。

開心小企鵝、黑啤熊
個樣好cute呀,雖然A姐真係唔忍心放佢哋入鍋,但又真係好好味!其實開心小企鵝同黑啤熊即係黑白墨魚丸,好彈牙,仲有粒粒墨魚架。我哋就推介將開心小企鵝同黑啤熊配上潮州沙嗲鍋。

洋蔥豬肉蝦蛋餃
蛋餃出面較少食到,因為個皮好容易爛,呢到相對較厚,以包住入面厚厚嘅餡料,餡料豐富,好有口感,而我哋就推介將洋蔥豬肉蝦蛋餃配上四川麻辣鍋。

蔬菜拼盤
所有蔬菜都非常新鮮,仲有唔同顏色,好吸引!而我哋就推介將蔬菜拼盤配上清湯蘿蔔牛腩。

什菌拼盤
份量多,冬菇、雞脾菇、金菇、靈芝菇等等,而我哋就推介將什菌拼盤配上清湯蘿蔔牛腩。

稻庭烏冬
索晒湯嘅稻庭烏冬就最正,而我哋就推介將稻庭烏冬配上蕃茄波士頓龍蝦鍋或潮州沙嗲鍋。

蜂巢豆腐
同樣係索湯嘅食材,而我哋就推介將蜂巢豆腐配上四川麻辣鍋,夠晒過癮。

檸檬薏米水
打邊爐好多人都怕熱氣,飲番杯檸檬薏米水就啱晒。

酒鍋 The Drunken Pot
地址:銅鑼灣登龍街18號V Point 27樓
營業時間:星期一至四及星期日 12:00 – 01:00;星期五至六、公眾假期及公眾假期前夕 12:00 – 02:00;
電話:+852 2323 7098

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
大眾點評:A姐M佬
Trip Advisor:AandMDiary
報料或合作:keepintouch@aandmdiary.com

Leave a Reply

Your email address will not be published. Required fields are marked *