酒吧難得嘅小滋味 深水埗DW Lounge

真係唔明邊個發明返工㗎?返工真係好攰呀,我好想開個Post求包養呀(一定要畀M佬知)!但現實係未被包養之前,我仍須努力!係努力嘅同時,放工都要鬆一鬆。今日就約埋同事放工去深水埗DW Lounge Happy Hour啦,我哋叫咗StellaStrawberry Punch,喺邊飲酒嘅同時,仲可以玩飛標、遊戲機、board game或者唱下K!

玩完飲完正想轉場Dinner,原來呢度都有嘢食叫,仲係自設廚房,唔似一般酒吧咁叫外賣,由隔離街行過嚟就算。因為我哋仲想繼續飲,所以都係留喺度食算喇。但又估唔到呢度嘅嘢食又幾唔錯喎!

黑松露薯條

炸到脆卜卜嘅薯條,外脆內軟,好有口感,加埋濃香嘅黑松露,絕對唔錯。

黑椒蒜香牛柳粒

濃烈嘅黑椒同蒜令成碟牛柳粒加晒分!一啖一口牛,係佐酒嘅一流選擇。

Ocean Treats Focaccia Pizza

咩叫Focaccia?聽店員講,原來係一種意大利包,包身較厚,十足厚多士一樣。上枱喇!包身真係好厚,呢個Pizza嘅配料好多,有蝦、三文魚、蕃茄、青瓜、芝士、帶子、蘑菇、洋蔥,食材夠多,食落好有口感之餘,包邊仲好香脆!

忌廉汁蘆筍三文魚長通粉

好香嘅嘅忌廉汁香味,三塊大大片嘅煙三文魚,同埋鮮綠色嘅蘆筍,仲有車厘茄、洋蔥等,賣相好靚。忌廉汁比例啱啱好,夠晒Creamy㗎!

黑松露野菌燴意大利飯

黑松露配野菌真係無敵之選!軟硬適中嘅意大利飯,配合埋黑松露野菌,呢個選擇真係無得輸,好好味呀!

DW Lounge
地址:深水埗長沙灣道42號雙喜大廈地下
營業時間:星期一至日 15:00-04:00
電話:+852 3709 8353

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:aandmdiaryhk@gmail.com

Leave a Reply

Your email address will not be published. Required fields are marked *