新加坡國家博物館National Museum of Singapore 了解獅城古與今兼欣賞teamLab

世界之大,永遠比我哋想像更大。多謝萊特兄弟,令我哋可以飛,多謝廉航,令我們可以飛多幾轉,感受異地嘅文化風光。今次我哋就嚟個週末快閃新加坡,玩轉獅城。出發前,M佬話一定要嚟新加坡國家博物館National Museum of Singapore,了解新加坡嘅歷史同睇teamLab。好啦,就等我上Klook買定飛先。

新加坡國家博物館係新加坡歷史最悠久嘅博物館,好鍾意白色殖民時期嘅建築風格,室內都係貫徹純白,畀人一個好舒適嘅感覺。

大圓廳 (一樓)
一入門口,抬頭望上去,就見到呢個簡潔嘅玻璃圓形屋頂,忍唔住要影張相先。

博物館嘅常設展覽分為新加坡歷史館 (Singapore History Gallery)新加坡生活館 (Singapore Living Gallery)

新加坡歷史館 (一樓)
呢個係整個博物館最大嘅展館,講述新加坡嘅歷史變遷。展覽以大量文物、照片、影片同場景展現當時嘅面貌。

700年前只係一個捕魚為主嘅獅子城。

十九世紀變成英國殖民地。

二戰期間被日本統治,成為昭南島。

後期宣布獨立,成為今日亞洲重要城市之一。

新加坡生活館 (二樓)
新加坡生活館由四個展廳組成 — 摩登都會、苦難昭南、成長歲月同多元聲音,以文物同真人真事反映當時人民嘅生活面貌同文化。

摩登都會:講述殖民地下新加坡嘅衣著飲食等社會面貌。


苦難昭南:以大量文物、照片同幸存者嘅聲帶,重現當時艱難嘅生活。


成長歲月:新加坡爭取自治獨立嘅人民生活。


多元聲音:介紹獨立後蓬勃發展嘅本地文化,以文化角度奠定新加坡人嘅身份認同。

常設展館側重歷史面貌,M佬睇到入晒神,我就反而鍾意另外兩個展館。熟悉新加坡嘅朋友都知道李光耀喺1960年代訂下Garden City啲遠景,到2003年更改為City in a Garden,綠化係新加坡嘅一大特色,所以呢兩展館都係同植物有關。

森林的故事 (Story of the Forest)
真心推介呢個同teamLab合作嘅互動展覽。同其他teamLab展覽類似,利用多媒體投射技術,讓大家可走入威廉•法誇爾《自然圖集》嘅69幅畫作。最鍾意最後可以瞓喺地下望住啲花瓣同樹葉跌落嚟,好Relax。

新加坡•老樹 (Singapore, Very Old Tree)
鍾意攝影嘅朋友啱晒,呢個展覽透過新加坡藝術家趙仁輝嘅17幅老樹照片,展現大自然同人類嘅關係同新加坡不同時期嘅發展面貌。

新加坡國家博物館 National Museum of Singapore
地址:93 Stamford Road, Singapore 178897
營業時間:星期一至日 10:00-19:00 (玻璃圓樓及其他展廳最後入場時間分別為18:15及18:30)
電話:+65 6332 3659
常設展廳票價:成人SGD15(約HK$87)、60歲或以上及學生SGD10(約HK$58)
Klook購買正價門票HKD$81
網站:http://nationalmuseum.sg

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:keepintouch@aandmdiary.com

Leave a Reply

Your email address will not be published. Required fields are marked *