日本大阪環球影城Universal Studio Japan 無Express Pass地上最強攻略一日遊

我哋喺買唔到Express Pass嘅情況下,玩咗:2次哈利波特禁忌之旅、2次飛天翼龍、1次蜘蛛俠驚魂歷險記、1次荷里活美夢、1次大白鯊、1次侏羅紀公園乘船遊、1次哥斯拉 THE REAL 4D(15周年限定,前身為史力加4D)、1次新世紀福音戰士 XR飛車(15周年限定,前身為太空幻想列車)再睇埋日本環球影城 RE-BOOOOOOOORN 大巡遊。

今次我哋A姐M佬唔係同你講有咩好玩,有幾好玩,我哋係希望將我哋嘅小小心得同大家分享,從而製作呢份地上最強嘅攻略!希望大家都可以喺日本環球影城,玩得最多!

預備好未?即刻送上A姐M佬無買Express Pass嘅日本環球影城攻略:

自從2014年7月哈利波特魔法世界進駐日本環球影城,而The Flying Dinosaur又係2016年開幕之後,身為哈利迷嘅A姐同侏羅迷嘅M佬,講想去都講咗成年,我哋終於就到時間出發喇!

出發去環球影城前,梗係要做足功課啦!

行前預備篇

由於每日嘅開放時間都唔同,記住出發前一晚,睇定第二日嘅開門時間,再早啲瞓,咁就萬無一失啦!
而我哋去環球影城嗰日係開朝早08:30,所以我哋06:00就起身去食早餐,一早去環球片場喇。
營業時間

預啱時間都要了解吓去影城嘅交通方法,就以我哋今次住心齋橋為例:
心齋橋地鐵站->梅田地鐵站 (行2分鐘)->大阪JR站(環狀線)->西九条JR站(櫻島線)->影城站
睇落好似轉好多次車,其實40分鐘內就到喇!
交通方法

日本環球影城共有9個園區:紐約區、好萊塢區、環球奇境、親善村、水世界、侏羅紀公園、舊金山區、哈利波特魔法世界、及於2017年4月開幕嘅迷你兵團。
如果你唔知有咩想玩或有咩啱玩,咁就喺出發前先睇睇環球影城嘅地圖,了解一吓行程上嘅安排。
如果想知有乜推介,記住睇埋我哋嘅必玩推介!
環球影城遊樂設施地圖

係出發前一晚,不妨睇睇環球影城嘅人流預報,等自己喺心理上做好準備。For你哋參考,我哋當日去係大混!
估計人流狀況

最後,最重要!就係我哋強烈建議一早買定飛先,咁就唔駛排長龍等買飛啦!


至於喺邊度買飛?我哋就提議喺Klook買飛,幾分鐘就收到電子門飛,到時去到門口,唔駛同人迫餐食買飛麻!

Express Pass買好定唔買好?

我哋本身都諗住買Express Pass,令1日嘅行程更精采。不過,始終覺得Express Pass仲貴過一張門飛,好似好唔抵,加上我哋無預先經Klook買Express Pass,去到門口排隊發現Express Pass已售罄,真係有錢想買都無得買!

所以如果你決心度好低,咁你就不妨買啦。但買之前,記住睇睇邊個Pass最適合你,同門飛一樣,記住一早經Klook買定呀!

日本環球影城快速通行券 4標準:HK$967
• A:哈利波特禁忌之旅
• B:小小兵瘋狂乘車遊
• C:蜘蛛俠驚魂歷險記 or 侏羅紀公園乘船遊
• D:大白鯊 or 魔鬼終結者 or 浴火赤子情

日本環球影城快速通行券 4飛天翼龍:HK$967
• A:哈利波特禁忌之旅
• B:飛天翼龍
• C:蜘蛛俠驚魂歷險記 or 荷里活美夢
• D:大白鯊 or 魔鬼終結者 or 浴火赤子情

日本環球影城快速通行券 4迷你兵團乘車遊:HK$967
• A:迷你兵團瘋狂乘車遊
• B:蜘蛛俠驚魂歷險記
• C:侏羅紀公園乘船遊
• D:魔鬼終結者 or 浴火赤子情

日本環球影城快速通行券 4XR乘車遊:HK$967
• A:迷你兵團瘋狂乘車遊
• B:新世紀福音戰士XR飛車
• C:荷里活美夢
• D:侏羅紀公園乘船遊 or 魔鬼終結者 or 浴火赤子情

日本環球影城快速通行券 7標準:HK$1,589
• A:哈利波特禁忌之旅
• B:鷹馬的飛行
• C:迷你兵團瘋狂乘車遊
• D:飛天翼龍
• E:蜘蛛俠驚魂歷險記 or 大白鯊
• F:荷里活美夢 or 浴火赤子情
• G:侏羅紀公園乘船遊 or 魔鬼終結者

日本環球影城快速通行券 7逆轉世界:HK$1,589
• A:哈利波特禁忌之旅
• B:鷹馬的飛行
• C:迷你兵團瘋狂乘車遊
• D:荷里活美夢逆轉世界
• E:蜘蛛俠驚魂歷險記 or 大白鯊
• F:荷里活美夢 or 浴火赤子情
• G:侏羅紀公園乘船遊 or 魔鬼終結者

最後,如果你真係買咗Express Pass,咁下面嘅攻略你已經唔駛再睇落去,因為你已經用錢解決咗你嘅問題喇!Bye Bye!

哈利波特魔法世界攻略!

自從2014年7月哈利波特魔法世界正式開幕,人流從未有減少過,每日都有數萬個麻瓜希望了解一下魔法世界,所以呢個絕對係去環球影城嘅大多數人目標!

我哋入園當日迷你兵團仍未對外開放,不過,估計迷地兵團園區開咗之後,應該可以舒緩一吓哈利波特魔法世界嘅人流壓力!

攻略1:早起身
我哋當日環球影城開放時間係08:30至21:00,我哋08:15到環球影城,已經有一堆人排緊隊入場,我哋最終08:45先順利入到園(M佬已經不停鬧我,話我遲起身呀),所以如果你真係想玩晒目標嘅遊樂設施,又唔捨得買Express Pass,咁你一定要早起身!

攻略2:直衝目標
一入園,你望吓你身邊嘅人,個個都跑呀,你無理由唔跑!但跑去邊呢?

選擇 1:領取入場確定券

派一位跑得最快嘅朋友,收齊你哋嘅門飛直接去到中央公園攞哈利波特魔法世界嘅入場確定券!
好處:跑得慢嘅唔怕累街坊、同肯定入到園區!
壞處:越晏園區嘅排隊人數只會越嚟越多,如果你領取嘅時間係中午後,排哈利波特禁忌之旅可能要3小時或以上!

選擇2:直奔哈利波特魔法世界

如果你係開園時間後1.5小時內入場,建議你直接跑去哈利波特魔法世界!
好處:早入園區人流唔多,而且買Express Pass嘅人仕未完全入場,基本上30-45分鐘就可以玩到哈利波特禁忌之旅!
壞處:如果跑得慢真係好攰,如果跑慢咗,可能人多到封園,咁就攰死又失望喇!

結果我哋選擇直接跑去哈利波特魔法世界,即刻排隊玩哈利波特禁忌之旅,每次排隊約30-45分鐘。

哈利波特禁忌之旅
4D為主嘅室內遊樂設施,唔驚,無離心力,但好好玩好值得玩,所以我哋玩咗2次!

鷹馬的飛行
一家大細都啱玩嘅過山車,但我哋無玩到喇。

玩完2次哈利波特禁忌之旅,再喺活米村飲奶油啤酒、行惡作劇專門店、奧利凡德商店。

手信之強烈建議,寄一張魔法世界嘅post card去麻瓜世界!唔貴亦係一個好有價值嘅手信!

其他景區攻略!

玩到12點,我哋就離開哈利波特魔法世界,提議你即刻趕去全新嘅迷你兵團園區(我哋入園當日迷你兵團仍未對外開放,所以未能提供任何建議)!

想去其他園區,不如做定功課睇睇想玩咩先啦:

紐約區
蜘蛛俠驚魂歷險記:4D遊樂設施,必玩


魔鬼終結者 2 : 3D遊樂設施,除非時間充足或好鍾意呢套電影,如果唔係可以放棄

好萊塢區
好玩好萊塢美夢:配合自選音樂嘅過山車,驚險度中
刺激好萊塢美夢 – 逆轉過山車:配合自選音樂嘅過山車,逆轉而行,驚險度高
好玩史瑞克 4-D 歷險記:因15周年變成哥斯拉、 最正係哥斯拉會帶你破壞全大阪同…

環球奇境


飛天史努比:坐住Snoopy氹氹轉


史努比過山車:有驚喜嘅兒童過山車
Hello Kitty夢幻蛋糕杯:咖啡杯Kitty版


Elmo GO-GO滑板:兒童版海盜船
Moppy熱氣球之旅:坐住熱氣球氹氹轉
芝麻街大兜風:兒童版方高卡車


Big Bird大頂篷馬戲團:旋轉木馬

親善村
大白鯊:大白鯊版嘅森林河流之旅,唔會濕身,值得一玩

水世界
水世界:精采嘅水世界表演

侏羅紀公園


侏羅紀公園:坐船再遇險,之後你估到啦!


飛天翼龍:俾翼龍捉住嘅感覺係點,呢架過山車話你知

舊金山區
好玩浴火赤子情:了解火災嘅拍攝情況

巡遊
15週年限定日本環球影城・RE-BOOOOOOOORN・巡遊:一個好互動嘅巡遊活動,值得一睇。唯一失望係花車數量少。

最佳欣賞巡遊位置,係出場嘅第一個轉彎位,除咗夠快睇完再去玩,仲係第一個互動位,睇完巡遊即去蜘蛛俠驚魂歷險記都夠晒近!

星光大遊行:15週年期間暫停,育是一個夜晚嘅燈光花車巡遊
迷你兵團特別表演:迷你兵團同你見吓面

15週年限定活動(至2017.6.25)
新世紀福音戰士 XR飛車:VR版過山車
哥斯拉 THE REAL 4D: 最正係哥斯拉會帶你破壞全大阪同…


進擊的巨人THE REAL 4D:同樣係real 4D!
名偵探柯南:密室解迷遊戲
魔物獵人THE REAL:打怪物嘅立體影院

好喇,如果你決定好,就即刻將你想去嘅遊樂設施分為3級:「最想去(1-2個)」,「好想去(3-5個)」同「都想去」。

攻略之最終回

我哋建議大家,除咗一早出發,直入哈利波特魔法世界,玩完之後,就先去你嘅其中一個「最想去」,預計都會好多人排隊,但為免玩唔到,點都要排架啦!之後就一連串跟據地圖嘅方位去「好想去」嘅設施,玩完仲有時間就去「都想去」嘅地方,等到夜晚6點半後,影城嘅人流開始少,先再去另一個「最想去」嘅地方,到時排隊時間大減!

至於我哋嘅路線圖就係咁:(影城開放時間08:30-21:00,人流估計大混)
直入哈利波特魔法世界連玩2次哈利波特禁忌之旅(排隊時間約30-45分鐘)->
荷里活美夢(大部份人都去咗影城較深入嘅地方,門口部份人流大減,排隊時間約30分鐘)->
環球影城 RE-BOOOOOOOORN 大巡遊(揀選上文之最佳位置,方便睇完第一時間去玩蜘蛛俠)->
蜘蛛俠驚魂歷險記(大部份人仲睇緊巡遊,所以排隊人流大減,排隊時間約55分鐘)->
第1次飛天翼龍(因為午餐時間,排隊人流相對較少,排隊時間約75分鐘)->
午餐->
大白鯊(不是熱門景點,所以人流唔多,排隊時間約30分鐘)->
哥斯拉 THE REAL 4D(場次較密,留意播映時間表時,排隊時間約30分鐘)->
新世紀福音戰士 XR飛車(開始入黑,樂園人流略減,排隊時間約60分鐘)->
侏羅紀公園乘船遊(玩到咁夜,濕身都唔怕,排隊時間3分鐘)->
第2次飛天翼龍(隔離影城關門尚餘30分鐘,侏羅紀公園園區人流極少,排隊時間3分鐘)

以上攻略只供大家參考,希望大家可以喺影城有一個充實的旅程!

日本環球影城 Universal Studios Japan
地址:大阪府大阪市此花區
時間:每日開放時間不同,請留意官方網站
門票:成人約$532、小童約$357、長者約$477

網址:www.usj.co.jp

Klook
Klook購買日本環球影城門飛

Klook.com


網址:www.klook.com

想緊貼A姐M佬嘅吃喝玩樂資訊,快啲Follow埋下面嘅Channel啦!

Facebook:A姐M佬 玩樂日記
Instagram:AandMdiary
Pinterest:AandMDiary
Openrice:A姐M佬
報料或合作:aandmdiaryhk@gmail.com

Leave a Reply

Your email address will not be published. Required fields are marked *