澳門3大期間限定 遊訪癲噹蠟筆小新同teamLab

又到聖誕,又要去玩喇!如果好似A姐M佬咁買唔到平機票嘅,不如就過大海啦!想做文青嘅,可以去氹仔舊城區藝術空間睇唐娜阿拉岡 (Ana Aragão)插圖展覽:「幻想世界」或者搵間Cafe嘆吓都唔錯架。之但係咁樣又點會滿足到A姐呢,所以最啱就帶佢去睇埋期間限定嘅《癲噹暢遊氹仔舊城區》、《蠟筆小新特展春日部大冒險》同《澳門teamLab藝術展:Learn & Play!Future Park》啦!

期間限定 1:《癲噹暢遊氹仔舊城區》

如果唔係A姐講開,我真係唔知癲噹原來係由香港動漫作者貓室創作,動漫裡面嘅癲噹係隻充滿正能量,又鍾意講笑話同扮鬼扮馬嘅貓咪,係香港漫畫經典角色之一。而癲噹今次就成為氹仔舊城區嘉年華嘅吉祥物喇。

今次嘅《癲噹暢遊氹仔舊城區》嘉年華喺氹仔北帝廟前地舉行,去開氹仔官也街shopping嘅,順便去搵癲噹影張相呃like啦。活動除咗有唔同嘅食物同手工創意攤位等你買吓手信之外,仲有人像速繪、臉部彩繪、魔術同互動遊戲,而癲噹仲會不時出現喺嘉年華中,同大家玩遊戲影吓相。

除咗有得玩,最重要嘅係,今次買嘢shopping嘅活動收益,喺扣除成本之後,將撥捐澳門救世軍作慈善用途,真係買都買得好有意義呀。

營業時間:2017年12月16至26日 14:00-18:00
地址:氹仔北帝廟前地
票價:免費入場

期間限定 2:《蠟筆小新特展春日部大冒險》

除咗癲噹嚟咗澳門,連由細睇到大嘅蠟筆小新同野原一家都搬咗去澳門百老匯呀!所以陪A姐睇完癲噹,就輪到佢陪我睇蠟筆小新喇!

今次嘅《蠟筆小新特展春日部大冒險》喺澳門百老匯二樓舉行,想買平飛嘅可以上Klook買,比門口價平足足$40架。

場內重現好多蠟筆小新嘅經典場面,融入蠟筆小新嘅卡通漫畫當中,仲可以影唔同嘅搞怪合照!而今次嘅展覽仲出現澳門限定嘅特色場景,真係獨一無二架!

成個展覽分為10個區:

動感冒險入口:蠟筆小新以動感超人裝扮歡迎你進入春日部大冒險。

澳門世遺限定區:同蠟筆小新一齊遊覽澳門景區,感受澳葡風情。

春日部野原家:探蠟筆小新又點可以唔去野原家呢?

春日部雙葉幼稚園:喺雙葉幼稚園見到好多蠟筆小新嘅同學仔同老大呀!

小新博物館:睇臼井儀人筆下嘅複製原畫同珍貴嘅電影海報!

除此之外,仲有璀璨夜景區、限定懷舊澳門街、動感超人區、春日部遊樂園同春日部雙葉堂!

營業時間:2017年12月16至2018年2月14日 14:00-21:00
地點:澳門百老匯二樓
票價:正價門票MOP$128、限定套票MOP$180(包含澳門限定版公仔)
Klook購買正價門票HKD$88

期間限定 3:《澳門teamLab藝術展:Learn & Play!Future Park》

連續兩年被意大利《Designboom》評選為全球 10 大必睇嘅藝術展teamLab,先後喺日本、美國、韓國、印尼、加拿大、新加坡、台灣等地舉辦展覽,上個月我哋就咗深圳睇teamLab嘅《舞動藝術展&未來遊樂園》,雖然今次澳門版無深圳咁大,但都有好多呃like位架!

想買平飛嘅可以上Klook買,比門口價平足足$31架。

營業時間:2017年12月1日至2018年2月28日 星期一至五13:30-22:00、星期六日及公眾假期 10:30-22:00
地點:澳門外港新填海區孫逸仙大馬路澳門美高梅展藝空間
票價:正價門票MOP$150、澳門市民優惠MOP$120
Klook購買正價門票HKD$119

Klook

Klook購買來回澳門船飛

Klook.com


網址:www.klook.com

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:keepintouch@aandmdiary.com

Leave a Reply

Your email address will not be published. Required fields are marked *