影評 — 《國定殺戮日:屠亡前傳》當世界只餘下罪惡

當世界只餘下罪惡,咁仲可以有咩?突然唱起呢首好舊好舊嘅歌:難為正邪定分界 ♪ ♬ ……嚟到《國定殺戮日》第四集,今次嘅主題係:《屠亡前傳》。我同M佬雖然無睇過前三集,不過今集係前傳,所以完全無問題。

故事講述第一次嘅「國定殺戮日」即將喺美國紐約史泰登島開始,殺戮日期間容許國民喺限定嘅12小時内,可享有合法殺人嘅權利,宣洩一年落嚟,所積累嘅傷痛、暴力同不安情緒,殺死你所憎恨嘅人、或者素昧平生嘅人嚟洗滌心靈。

「國定殺戮日」表面係一個社會測驗,准許所有犯罪活動:殺人、搶劫、放火……,而節日授權參加者自由使用任何武器(四級以上武器除外)。參加者為咗殺戮,為咗求存,了解社會嘅矛盾同可承受嘅臨界點。雖然好多人認為呢個個活動可以用嚟宣洩社會壓力,甚至可以剷除除無法自保、對社會無用嘅敗類。但都有一小部分人認為呢個活動只會打破界限、做出絕事……

背後目的
電影以男主角發現軍隊,輕鬆交代「國定殺戮日」嘅背後目的:因為美國進入新時代,政府面臨經濟逐漸崩潰、失業率上升同犯罪率情況失控下,政府趁機清除貧窮、失業同老弱傷殘嘅人口,咁就可以剷除領取對社會無貢獻,只領取政府福利嘅人,從以改善經濟。

普世價值
「國定殺戮日」嚴重違反普世價值,但故事好寫實性,反映世界嘅極端想法。雖然現實中應該無可能發生,但北京都有驅逐低端人口嘅行動,為咗解決經濟問題,可以唔介意普世價值觀,實在十分恐怖。但喺呢12小時嘅「國定殺戮日」都有人性善良同互助嘅一面。

血腥虐殺
故事裡面雖然有唔少殺戮情節,但都係點到即止,M佬就略嫌唔夠血腥。當劇情講到佢哋番屋企躲避,見到地下嘅血漬時,仲以為骷髏已潛入屋中,但最後只係我自己虛驚一場。

人物造型
電影嘅其中一個吸引之處就係殺戮者嘅造型,其中兩位推住手推車嘅婆婆殺手,做型超可愛!而參加者喺市內開party一幕,每個人都好獨特。當然唔少得骷髏啦,次次出場都心寒㗎。

原諒別人
當國家賦予我哋權利嘅時候,同時我哋都有義務。如果你嘅權利可以殺掉你痛恨嘅人,定係你會學識原諒別人才是放過自己?

國定殺戮日:屠亡前傳 The First Purge
導演:傑拉德·麥米瑞
演員:瓦蘭·諾埃爾、萊克斯·史葛·戴維斯、喬伊文·韋德、露娜·勞倫·維萊斯、瑪麗莎·杜美
片長:1小時48分
級別:IIB
語言:英語 (中文字幕)
上映:30.8.2018 (公映)

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:keepintouch@aandmdiary.com

Leave a Reply

Your email address will not be published. Required fields are marked *