影評 — 《玩轉極樂園》Coco 夢想與家庭的決擇

A姐:我哋死咗會唔會無人記得㗎?我唔想灰飛煙滅……
M佬:傻豬,唔好諗啲咁嘅嘢!

話說我哋去睇《玩轉極樂園》Coco (可可夜總會 / 尋夢環遊記),離開戲院嗰陣,A姐喊到傻咗,成包紙巾都用晒,都未喊完……女人真係用水造。有無咁感動?

故事以墨西哥亡靈節為背景,講述熱愛音樂嘅米哥 (Miguel) 唔理屋企人嘅強烈反對,立志要成為同偶像曲神 (Ernesto de la Cruz) 一樣咁厲害嘅音樂巨星!

為咗參加歌唱比賽,米哥冒險潛入曲神嘅墓穴,借用其結他,因而闖入神秘的「極樂園」,遇上離世親人。米哥為咗繼續玩音樂,必須找到太太公曲神,返回人間。喺途中,米哥遇到頹廢音樂人阿德,展開尋根嘅冒險之旅。

追夢只屬切入點

故事以夢想同家庭強烈衝突而展開,話說米高嘅太太公為咗音樂拋棄家庭,所以成家都視音樂係詛咒,避而不談。不過米哥卻熱愛音樂,屋企人一直都阻止佢接觸音樂,發現米哥秘密收埋結他,就一下子將結他整爛。不過追夢只係導火線,速使米哥偷曲神結他,從而誤闖「極樂園」。電影再推展落去不難發現真正嘅主題係講家庭觀念,追夢只係切入點。當米哥喺「極樂園」尋根之際,讓佢明白到家人無論生死,都會互相扶持。世世代代嘅祭祀並非儀式,而係對祖先嘅愛,令佢哋不再經驗第二次死亡。

截然不同的三個追夢者

電影講述三個追夢者,三個不同人生。

阿德原為曲神拍檔,選擇拋妻棄女,開創音樂事業,點知被曲神毒害,客死異鄉。

曲神不擇手段,為咗成名,毒死阿德,更偷走阿德嘅歌。雖然佢贏得名譽,不過最後都被揭發。

米哥當然都係一個追夢者,就係因為佢追夢先原有呢個故事。不過佢算係最幸運嘅一個,最後都得到家人嘅支持,可以玩音樂。

追夢,確實唔容易。

童眼下的「極樂園」

死後世界經常被渲染成黑暗恐怖,迪士尼同Pixar描繪嘅「極樂園」打破傳統,裏面充滿可愛嘅骷髏骨,同在生嘅人一樣有感情,有人情味,一啲都唔恐怖。另外,「極樂園」色彩繽紛,充滿歡笑。特別欣賞連接人間同「極樂園」嘅橋,由橙色嘅萬壽菊建成,真係好靚。

玩轉極樂園 Coco
導演:李安克里治 (Lee Unkrich)
演員:Alanna Ubach, Benjamin Bratt, Jaime Camil
片長:2小時5分
級別:I 級
語言:英語/粵語 (中英文字幕)
上映:28.12.2017 (公映)

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:Keepintouch@aandmdiary.com

Leave a Reply

Your email address will not be published. Required fields are marked *