影評 —《我的少女時代》Our Times 香港上映 90年代集體回憶

在座有無好似我M佬咁嘅台粉? 早喺8月,知道台灣上映《我的少女時代》,就好嬲香港點解唔一齊上映,仲曾經叫A姐陪我飛去台北睇!! 好彩皇天不負有心人,香港終於上映啦!

Our_times_taiwan_movie_2015_hk_我的少女時代_電影_香港_陳玉珊_宋芸樺_林真心_王大陸_徐太宇_李玉璽_歐陽非凡-1

(大家如果唔想知道劇情,就Skip咗呢段!!!!)《我的少女時代》講述平凡女高中生林真心(宋芸樺 飾)鐘意咗校草歐陽非凡(李玉璽 飾),為佢而神暈癲倒。故事用一封幸運信推展情節,令林真心認識到徐太宇(王大陸 飾)。因為喺清潔泳池時,唔小心聽到歐陽非凡同校花陶敏敏(簡廷芮 飾)嘅秘密,發現徐太宇暗戀陶敏敏,令林真心同徐太宇組成「失戀陣線聯盟」,計劃拆散二人,令大家都追到各自心上人。就喺兩個人不斷嘅計劃同撞板,日久生情。結局就留番大家自己去睇啦!

Our_times_taiwan_movie_2015_hk_我的少女時代_電影_香港_陳玉珊_宋芸樺_林真心_王大陸_徐太宇_李玉璽_歐陽非凡-4

Our_times_taiwan_movie_2015_hk_我的少女時代_電影_香港_陳玉珊_宋芸樺_林真心_王大陸_徐太宇_李玉璽_歐陽非凡-6

睇完套戲,總係覺得少咗啲電影感,林真心發現真相嘅喊位鋪墊唔算出色,不過我仍然覺得呢套戲可以勾起大家90年代集體回憶,令不少女仔有共鳴嘅電影(雖然我唔係女仔,但A姐睇到喊晒咁……)。

其實,《我的少女時代》可以話係女版《那些年》,同樣係以青春校園為背景,一樣係有遺憾嘅愛情,只係今次係以女仔嘅身份出發。香港市場就係缺乏咗呢種題材,最類似嘅已經係N年前嘅四葉草啦!

Our_times_taiwan_movie_2015_hk_我的少女時代_電影_香港_陳玉珊_宋芸樺_林真心_王大陸_徐太宇_李玉璽_歐陽非凡-5

電影嘅另一個亮點就係揀選咗九十年做背景,聽收音機,四大天王嘅日子,真係令人好懷念。呢套戲令我諗番起以前點樣喺沒有Whatsapp,沒有Facebook嘅年代度拍拖?

Our_times_taiwan_movie_2015_hk_我的少女時代_電影_香港_陳玉珊_宋芸樺_林真心_王大陸_徐太宇_李玉璽_歐陽非凡-7

電影由台灣偶像劇教母之稱嘅陳玉珊執導,所以啲情節都有啲偶像劇嘅影子,例如: 無限巧合嘅情節,壞學生變好等。

其實,好多朋友都話睇到喊,而A姐都係其中一個,不過我唔覺得套戲好催淚,反而我最欣賞嘅係一開始講現代林真心嘅部分。人大咗,真係會喺工作中迷失咗自己,做到隻牛咁,忘記咗人生在世係要開心。喺7仔被年輕下屬談論嗰part真係幾心酸,反而係最觸動我嘅情節。我真係唔要人生只係得工作同瞓覺,我會癲!!

有無朋友已經睇咗? 留言畀我哋,睇下你有咩睇法!

Our_times_taiwan_movie_2015_hk_我的少女時代_電影_香港_陳玉珊_宋芸樺_林真心_王大陸_徐太宇_李玉璽_歐陽非凡-2

《我的少女時代》(Our Times)
導演: 陳玉珊
演員: 宋芸樺 (飾演 林真心) ,王大陸 (飾演 徐太宇) ,李玉璽 (飾演 歐陽非凡)
Facebook: www.facebook.com/OurTimesOfficial

(記住Like同Share畀朋友)


想緊貼A姐M佬嘅吃喝玩樂資訊,快啲Follow埋下面嘅Channel啦!

Facebook:A姐M佬 玩樂日記
Instagram:AandMdiary
Pinterest:AandMDiary
Openrice:A姐M佬
報料或合作:aandmdiaryhk@gmail.com

Leave a Reply

Your email address will not be published. Required fields are marked *