送禮送俾爸 首選福茗堂

就嚟父親節,諗咗買咩俾爸爸未呀?今日我同A姐就去咗行IFC,睇吓有咩啱買俾爸爸同未來外父啦。為免佢兩個好似上年咁呷醋,所以今年決定買一模一樣嘅,但要同時兩位父親大人都啱用,真係好難揀呀!行咗2個鐘,我哋都無共識,直到喺3樓經過福茗堂,好似突然”叮”咗一聲咁,不如買茶葉啦!

店內茶嘅選擇好多:龍井、大紅袍、普洱、烏龍、茉莉,仲有啲我哋聽都無聽過嘅烏崠單欉、銀針白毫等等,睇到我同A姐花多眼亂,店長提議不如試一試再決定啦。茶自古就係中國嘅傳統文化,博大精深,所以飲茶嘅學問真係好多,但我同A姐除咗認識道地烏龍茶之外,基本上係乜都唔識。好彩喺試茶過程中,店長教咗我哋好多茶道同飲茶嘅大學問,下次送禮俾未來外父,就可以扮吓嘢啦。

原來飲茶好似睇中醫咁,同樣要望、聞、問、切。首先就係要望一望茶嘅顏色,係未晶瑩透徹,所以茶具一定要用透明嘅茶壺同白色底嘅茶杯,咁就比較容易睇到茶嘅顏色;之後就要聞一聞茶嘅氣味,店長教我哋除咗聞杯蓋,仲可以喺杯嘅東,南、西、北四個方位,聞吓味道有無差異;最後嘅問同切,就係店長同每個客人對每款茶葉就口味濃淡上嘅了解。

店長話好多人都好鍾意將第一轉茶倒咗佢,其實如果茶嘅質素好,第一轉茶已經可以品賞,而好多賣茶嘅地方,店員推介品質一般嘅茶,都會靠洗茶將雜質洗走。而綠茶、紅茶、白茶同黃茶一般都可以泡三次;而黑茶同青茶就可以泡五次以上㗎。

龍井

龍井茶係綠茶嘅一種,香氣獨特、茶味濃醇、滋味鮮爽,夠晒解喝,仲可能對抗養化有幫助,A姐即刻心心眼啦!

安溪極品鐵觀音王

呢款鐵觀音王飲落幼滑細膩,又唔會太濃,但茶味好甘香,而最驚喜係呢款茶嘅after taste好正,回甘味道慢慢滲出。

茉莉花茶

茉莉花茶原來係無花架!因為茶葉喺製作過程中薰入茉莉香花,所以只見茶葉不見花,但估唔到花香味依然好清雅。

普洱(十五年)

普洱茶茶色偏深褐,但仍然係清澈見底,味道平實順喉,而經過較長時間發酵,所以香味濃厚。

最後我哋除咗買咗安溪極品鐵觀音王俾未來外父同未來老爺之外,連我哋自己都忍唔住買咗幾罐,哈哈。

福茗堂 Fook Ming Tong
地址:中環國際金融中心商場三樓3006店
營業時間:星期一至六 10:30 – 20:00、星期日及公眾假期 11:00 – 20:00
電話:+852 2295 0368

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:keepintouch@aandmdiary.com

Leave a Reply

Your email address will not be published. Required fields are marked *