全新懶人包!海洋公園哈囉喂全日祭Ocean Park Halloween 2016!今年玩「16禁」限制級鬼屋!

話咁快又一年啦,又係時候去玩海洋公園哈囉喂 (Ocean Park Halloween) 啦!!! 多謝朋友一早安排,我哋已經買咗飛啦!! 今年同樣係全日祭海洋公園哈囉喂,由朝玩到晚!! 今年以《捉鬼敢死隊》為主題,套戲就幾搞笑啦!! 最正係可以考下大家槍法,喺紐約地鐵同街頭捉鬼!!!

極級驚慌

海洋公園哈囉喂全日祭2016Ocean Park Halloween 2016極級驚慌

16禁 (*下午1時開放)

海洋公園哈囉喂全日祭2016Ocean Park Halloween 2016 - 16禁(11)

同之前兩年一樣,M佬期待最恐怖嘅極終鬼屋!! 今年係「16禁」限制級鬼屋,睇完條片,好有SM Feel!! 大家同朋友,由血腥心寒嘅恐怖場面挑戰你嘅底線﹗大家會先欣賞一場妖艷華麗嘅表演,不過之後就會一齊潛入一間間嘅陰森密室,有血腥嘅人體實驗品,耳邊仲會傳嚟陣陣淒厲慘叫,諗到都毛骨悚然﹗如果好似M佬夠晒大膽嘅話,就一定要嚟挑戰!!! 提提大家今年唔洗之前預約,去到排隊玩就可以啦!!!仲有呢個係限制級鬼屋,16歲或以上同能接受極度驚嚇人士先玩得,職員會係入鬼屋前大家出示身份證明文件,記住帶!!

屍立中學 (*下午1時開放)

海洋公園哈囉喂全日祭2016Ocean Park Halloween 2016 - 屍立中學 (10)

校園係好多年都會用嘅主題,今次係一間喺山上嘅荒廢校園,流傳住唔同嘅鬼故。學校走廊不時有鬼影、廁所嘅破鏡出現恐怖影像、傳說當年有學生神秘失蹤… 而一切謎團嘅答案就埋藏喺校園地底嘅墓園之中。

心慌血色吧 (*下午1時開放)

海洋公園哈囉喂全日祭2016Ocean Park Halloween 2016 -心慌血色吧 (9)

今年另一Selling point就係同唐禹哲D.T.合作!! 佢每晚在豪宅大開派對,這晚更特別邀請你一齊參加,大家可以透過立體投影技術同唐禹哲大開Party,同你Say Hi!! 不過喺狂歡之際,你誤闖秘密暗室,發現豪宅主人嘅神秘一面!! 他會神出鬼沒出現喺豪宅唔同嘅角落!! 記住唔好驚動沉睡中嘅殭屍呀!!

血祭宮殿 (*日夜大變身鬼屋,下午5時30分開放)

海洋公園哈囉喂全日祭2016Ocean Park Halloween 2016 - 血祭宮殿 (8)一到夜晚,華麗宮殿立即變成恐怖鬼域﹗牛魔王、蛇妖、蜘蛛精出嚟捉人,煉成長生不老的養顏補品﹗

捉鬼敢死隊Live! (*上午11時開放)

海洋公園哈囉喂全日祭2016Ocean Park Halloween 2016 - 捉鬼敢死隊Live!(7)今年哈囉喂以《捉鬼敢死隊》為主題,大家化身成為捉鬼敢死隊,會潛入鬧鬼大宅、凶靈地下鐵、紐約時代廣場等電影嘅真實場景,捉晒班搞搞震嘅妖魔鬼怪﹗

猛鬼巷 – 陰陽路

海洋公園哈囉喂全日祭2016Ocean Park Halloween 2016 - 猛鬼巷 - 陰陽路(6) 話說,當年呢條村有一個被逼婚嘅女子含恨而死,留下恐怖詛咒,從此村民陸續死於非命… 各位入去嘅時候,記住少啲…

猛鬼巷 – 屍家路

海洋公園哈囉喂全日祭2016Ocean Park Halloween 2016 - 猛鬼巷 - 屍家路(5)

大家入嚟呢度就要小心電鋸殺人狂嘅突襲,成條街一定有好多電鋸聲同驚叫聲…

開心萬聖

海洋公園哈囉喂全日祭2016Ocean Park Halloween 2016 開心萬聖 (2)

捉鬼敢死隊學堂 -「捉鬼敢死隊Live! 」之內 (*上午11時開放)

海洋公園哈囉喂全日祭2016Ocean Park Halloween 2016 捉鬼敢死隊學堂(4)如果驚鬼屋嘅朋友,可以試下「捉鬼敢死隊學堂」,親身探索消防局基地,仲會見到綠色為食鬼「史萊姆」﹗大家可以到捉鬼槍練靶場一展身手。

古惑糖果村 (*上午11時開放)

海洋公園哈囉喂全日祭2016Ocean Park Halloween 2016 古惑糖果村(3)

今年南瓜精靈打造全港最長的室外萬聖節遊樂徑,小朋友同大朋友可以一齊挑戰搗蛋小遊戲,成功闖關,就獎你糖果同朱古力餅﹗

照妖宮殿 (*日夜大變身鬼屋,上午11時至下午5時30分開放)

海洋公園哈囉喂全日祭2016Ocean Park Halloween 2016 照妖宮殿 (2) 大家將會踏入華麗堂皇嘅宮殿,探索傳說中神仙妖精嘅蹤影﹗開始之前記得一定要download「猛鬼獵人APP」同打開「攝靈天眼」,到時大家就可用AR以手機鏡頭對準特定「顯靈位」,一眾妖精即會現身螢幕中﹗記得與他們自拍留念!!

搞鬼動物小百科

海洋公園哈囉喂全日祭2016Ocean Park Halloween 2016 搞鬼動物小百科

公園嘅可愛動物都同大家慶祝萬聖節﹗海洋奇觀、尋鯊探秘、熱帶雨林等多個展館都換上充滿哈囉喂特色嘅動物展覽﹗

一醬攻城萬汁枯
大家記住去【一醬攻城萬汁枯】攤位嘅「卡夫亨氏萬聖節家族」3D背景前影相,挑戰「輪」迴遊戲(幸運輪),有機會贏取萬聖節別注版小禮品。

猛鬼獵人APP
今年,海洋公園為哈囉喂全日祭設計咗全新嘅流動應用程式 ,大家可以透過App嘅三大功能,贏取分數換領禮物,包括園內消費現金券、指定哈囉喂景點嘅限量特快通行證等。記住一定要Download定先入場啦!!

攝靈天眼 – 喺【照妖宮殿】內,大家只需要打開呢個功能,用手機鏡頭對準指定位置,就可以透過AR技術令一眾妖精無所遁形。更可以利用手機同妖精自拍留念。

捉鬼修煉場 – 大家可以喺排隊等候進入鬼屋嘅時間,玩哈囉喂小遊戲,賺取積分。

狩鬼羅庚 – 大家可以用羅庚追蹤遠至10米嘅嘩鬼同佢地合照。

票價

海洋公園門票
成人HK$385,小童(3至11歲)HK$193
買普通門票嘅朋友預咗要排隊,有可能玩唔晒啲鬼屋。

哈囉喂優越門票
網上訂購優惠價﹕成人HK$690,小童(3至11歲)HK$345
正價 (於海洋公園正門售票處購買):成人HK$730,小童(3至11歲)HK$365
唔想排隊嘅朋友可以買至尊飛,咁貴當然有好多特權!! 可以優先進入所有鬼屋同入場欣賞「魔界巨星花生騷」一次,仲可以獨家深入4間指定鬼屋嘅秘密暗室!!! 未完㗎!! 仲可享用「海洋快證」嘅特快通行待遇7次,兼有HK$200園內消費優惠券同精美紀念品。

學生嘩鬼特別優惠
成人HK$308,小童(3至11歲)HK$154
待遇跟普通門票一樣,但只適合持有有效學生證嘅學生哥使用,同埋只可以用於逢星期四同五嘅場次。

智紛全年入場證會員
憑有效嘅會員証就可入場,亦可以加以下價錢就可以升級至哈囉喂優越門票﹗
優越卡會員 – 成人HK$140,小童(3至11歲)HK$70
金卡及銀卡會員 – 成人HK$305,小童(3至11歲)HK$153

哈囉喂「屍」家極樂之旅
每團HK$8,888  (每團最多6人)
呢嗰團真係終極VIP,唔洗排隊、有極樂之旅大使安排最佳路線,玩到最多嘅景點同節目,可以深入4間指定鬼屋的秘密暗室!! 仲預留優越座位畀你欣賞「魔界巨星花生騷」,獨家參觀猛鬼化妝間,真係好高級。不過以上價錢係未包海洋公園入場門票,需另外購買。而智紛全年入場證會員可享「哈囉喂『屍』家極樂之旅」85折優惠。
導賞語言:廣東話、英語或普通話
報名方式:喺遊覽日至少4日前致電 +852 3923 2323或電郵至vip.premium.tour@oceanpark.com.hk報名同付款。

海洋公園哈囉喂全日祭2016 (Ocean Park Halloween 2016)
日期:10月2日, 7-10日, 14-16日, 20-23日, 27-31日(共17日)
時間:10:00 – 23:00 (平日於10:30開放)
門票:成人$385;小童(3至11歲) $193
網址:www.halloween.oceanpark.com.hk

(記住Like同Share畀朋友)


想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMdiary
Pinterest:AandMDiary
Openrice:A姐M佬
報料或合作:aandmdiaryhk@gmail.com

Leave a Reply

Your email address will not be published. Required fields are marked *