周末好去處:10,000呎全新香港藝術館

3年喇!你知唔知我等咗你3年喇!由2015年8月同你講咗bye bye,我哋就無再見面喇,今日見返你,你變咗好多,又高咗又靚咗,我差啲唔認得你呀!講緊嘅而係位於尖沙咀嘅香港藝術館(HKMOA),經過翻新工程同擴建工程後,已經喺2019年11月30日再次開放。11個展覽展出多項收藏品,仲加入咗好多香港元素!

5層樓高嘅博物館,分為唔同展區,分別有「虛白齋藏中國書畫館 – 虛室生白」、「至樂樓藏中國書畫館-眾樂樂」、「至樂樓藏中國書畫館 – 從糞筐到餐車」、「吳冠中誕辰一百周年展」,以及戶外部份嘅「自在風景」等等。

小題大作──香港藝術館的故事
展區內展出中國文物、中國書畫、外銷藝術、現代及香港嘅星級藝術藏品,分享每件經典作品背後耐人尋味嘅故事,以及由開館至今,五十七年嚟嘅點滴傳奇。係全個博物館,最值得大家花最多時間去欣賞。

香港經驗.香港實驗
展出以逾半世紀不斷積累嘅館藏,追溯藝術家喺唔同時代嘅經驗同實驗所製作出嘅藝術品。

觀景.景觀── 從泰納到霍克尼
由康樂及文化事務署同英國泰特美術館聯合主辦,細說由十七世紀至當代嘅英國風景畫嘅發展同對歐洲藝壇嘅影響,而鎮店之寶就有大衛.霍克尼以50幅油彩畫拼成闊4.6米 x長12.2米嘅作品。

公私兩全 ── 中國文物館藏與捐贈
透過搜購同熱心人士嘅捐贈,展出逾三百件特選歷代文物藝術珍品。

失而復得── 遮打藏品的守護
展示於戰時被匿藏、散佚及拯救嘅藏品故事,從藝術品中重現充滿人文精神嘅歷史。

原典變奏 ── 香港視點
展覽將透過「14位香港藝術家 X 14件精選館藏」嘅對話形式,和應「小題大作——香港藝術館的故事」展示嘅四大館藏,注入嶄新元素,追蹤藏品背後嘅人物同故事,讓經典藏品引發藝術家嘅無窮想像,尋找新嘅創作可能;並由香港視點出發,訴說屬於香港的成長故事。

提提你:隨身物品必須通過安檢。而館方以「提供舒適嘅參觀體驗」為由,開幕初期以「分段式入場方式」,每半小時入場一次,務求平均分佈參觀者的入場時間。公眾可於網上預約時段參觀,再憑電子門票入場。已預約的參觀人士可保證在預約時段內進場。而館方亦會視乎館内人流,開放即場公眾登記名額。

世界各地/香港景點門票邊度買至平?
–> 詳情請睇:https://wp.me/p8vzXP-6G <–

香港藝術館 Hong Kong Museum of Art
開放時間:星期一至三、五 10:00am – 6:00pm;星期六、日及公眾假期 10:00am – 7:00pm;聖誕前夕及農曆新年除夕 10:00am – 5:00pm;星期四(公眾假期除外)、農曆年初一及二休館
地點:香港九龍尖沙咀梳士巴利道10號
網址:hk.art.museum

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:Keepintouch@aandmdiary.com

Leave a Reply

Your email address will not be published. Required fields are marked *