從心再次感受世界 美孚黑暗中對話體驗館Dialogue in the Dark

我摸到M佬有一個好高嘅鼻,瓜子臉,耳仔都幾大,仲有個薄薄嘅嘴唇;我聞到你今日用咗比較淡嘅香水;我仲聽到你個心今日跳得好快;仲有仲有,你捉得我好實,我Feel到你真係好愛我呀(或者可能係怕黑啦)!!!我哋做緊咩?我哋參加咗黑暗中對話體驗館 Dialogue in the Dark 嘅「出雙入對」情人之旅 Love in the Dark!

由細到大,都聽過「眼睛係靈魂之窗」,而我哋好多時候對每件事、每個人嘅第一印象都係由視覺先入為主,但今日我哋唔係去行街、睇戲、食飯,我哋去咗漆黑嘅公園散步、坐船……(仲有好多好多,不過唔劇透太多)!而喺過程中,左手拎住支白杖,右手就拖住M佬溫暖嘅手,我哋用盡我哋嘅聽覺、嗅覺、味覺、觸覺同感覺,去重新認識對方。

喺呢個漆黑嘅環境中,我哋要彼此信任對方,仲要考驗我哋對對方嘅認識。喺呢個活動入面,我哋可以將自己嘅感受分享,一直以嚟對雙方嘅包容體諒,縱使現實中大家有唔少磨擦,但其實都係著緊對方,好想用自己嘅愛去關懷對方!好感恩憑藉住呢個活動,我哋可以更加認識對方。

而活動中,除咗M佬同白杖,仲有一位導師,佢帶領我哋去感受呢個漆黑嘅世界,喺呢個黑暗過程中,我哋每步都小心翼翼,好驚撞到嘢,好驚跌親,好彩導師畀好多信心我哋,令我哋可以順利返回有色彩嘅世界!過程後,先知道導師原來係一個視障人仕,或者,佢唔會好似我哋咁好彩,有機會返回有色彩嘅嘅彩色世界,但我哋好佩服佢嘅自信,就算身體有缺陷,仍然活得精彩,我諗呢個先至係最色彩繽紛嘅地方!

希望大家都可以喺活動後,重新了解自己,認識對方同體諒視障人仕!

由即日起到2017年5月31日前,只需於官網預訂「出雙入對」情人之旅,即可享買1送1優惠(原價每位$280),二人同行一人價錢,記得喺機構欄填上優惠碼am

黑暗中對話體驗館 Dialogue in the Dark 
地址:九龍美孚景荔徑8號盈暉薈2樓215室
時間:星期二至日及公眾假期:上午10:00 – 下午7:30
門票:
黑暗中對話 – 平日成人$160、全日制學生、長者及殘疾人士$80;星期六日及公眾假期成人$180、全日制學生、長者及殘疾人士$90(成人生日月份半價優惠)
網址:www.dialogue-experience.com.hk

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!

Facebook:A姐M佬 玩樂日記
Instagram:AandMdiary
Pinterest:AandMDiary
Openrice:A姐M佬
報料或合作:aandmdiaryhk@gmail.com

Leave a Reply

Your email address will not be published. Required fields are marked *