有食就有還 荔枝角Allages

我同M佬成日都四圍覓食,食完最多散吓步,之後就返屋企坐睇《延禧攻略》啦,作為一個都市OT人,做運動真係無乜時間(M佬:藉口!)。直到有一日搭地鐵,竟然有人以為我大肚,讓咗關愛座俾我,而M佬就係隔離爆笑,我知我真係要做運動減肥,唔再係講吓嚇吓自己啲脂肪就算。但主張合約收費嘅Gym plan真係唔啱無乜恒心又唔太鍾意做機嘅我,所以今日同M佬就一齊去咗呢間位於荔枝角嘅Allages玩空中瑜珈同打泰拳喇。

Allages呢個名就係希望令所有年齡層嘅學員都可以享受運動所帶來嘅健康同樂趣,就如政府都有講「日日運動身體好 男女老幼做得到」。而Allages同一般健身室唔同,唔用合約收費,而最重要係有泰拳、瑜珈同跳舞等唔同課程,啱晒唔太鍾意做機嘅我。

泰拳
泰拳呢啲咁man嘅活動就留番俾M佬啦。泰拳除咗係一種帶氧運動,泰拳仲可以提升心肺功能、體能、耐力、意志,仲可以緩解工作壓力,起到發泄積蓄情緒嘅作用。

第一次打泰拳M佬,聽從教練指示先熱身,後打沙包,之後再對打。

熱身運動包括平板支撑、提腿、起坐等動作,主要加強腰部力量同靈活度,避免拉傷肌肉或弄傷根骨。

從打沙包不繼重覆練習,令肌肉同動作敏捷度都大大提升,教練由入門級嘅泰拳拳法、肘法、膝法、腿法,循序漸進。

練習完之後,再同教練對打,練習到閃避、防守同攻擊嘅技巧。

爆汗嘅M佬做完呢個全身運動之後,唔知幾時可以變到Tony Jaa咁大隻呢?

空中瑜珈
同樣係第一次玩空中瑜珈嘅我,真係要好多謝教練嘅細心教導,令我初嘗空中瑜珈嘅樂趣。

空中瑜珈其實係一個變化好多嘅運動,透過懸掛嘅hammock做出唔同動作,運用肌肉讓自己能穩定喺半空中。

教練由熱身,再教我基本嘅倒掛蝴蝶式同仙女散花。

教練每個動作都重覆示範,再從旁協助,令我喺毫無恐懼下完成咗倒掛蝴蝶式。

第一次嘗試嘅我,玩完覺得背部同大腿啲筋都無以前咁緊,不過好多位置同平衡點都未掌握好,倒吊後仲會暈陀陀,不過,教練都細心教我做番一啲舒緩動作。

空中瑜珈除咗可以舒緩壓力,仲可以雕塑身型、伸展筋骨、促進血液循環、改善平時不良姿勢同加強身體耐力與柔軟度。

平時睇落好似好靜態嘅運動,原來做完之後一樣讓你不停流汗㗎。

世界各地/香港景點門票邊度買至平?
–> 詳情請睇:https://wp.me/p8vzXP-6G <–

Allages
地點:荔枝角長裕街12號經達廣場27樓全層
電話:3521 6545
營業時間:星期一至五 12:00 – 22:00、星期六至日 11:00 – 18:00

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:Keepintouch@aandmdiary.com

Leave a Reply

Your email address will not be published. Required fields are marked *