率先試玩 香港迪士尼樂園A Disney Christmas 2019聖誕攻略 讓歡樂相傳

就到聖誕節喇!要數香港最浪漫嘅地方,又點少得迪士尼樂園呢?因為今年聖誕節要出business trip,為免A姐過Lonely Christmas,所以今日率先帶A姐去迪士尼提早過聖誕啦!由即日起至2020年1月1日,迪士尼推出「A Disney Christmas」,一連串聖誕慶祝活動,除咗巨型聖誕樹、聖誕裝飾同燈飾之外,仲有聖誕飄雪舞會以及期間限定嘅魔雪奇緣小鎮,唱住Let it go同小鎮內嘅小白OLAF、ANNA、ELSA影相喇!而米奇、米妮等迪士尼朋友亦換上聖誕新裝同大家見面,記住將相機叉足電呀。


經Klook買迪士尼樂園A Disney Christmas 2019門票:成人HK $570

聖誕心願慈善明信片
聖誕節咁開心,梗係要將祝福send俾朋友啦!大家可以喺美國小鎮大街嘅商店買聖誕心願慈善明信片,再寫上祝福語句,放入小鎮大街市鎮會堂外嘅聖誕心願郵筒,迪士尼就會幫你寄出,更會將今次義賣所得嘅款項不扣除成本,將全數撥捐「愛心聖誕大行動」,真係好有意義!

聖誕米奇樂暢聚
今個聖誕節,米奇換上聖誕裝束,大家可以去到美國小鎮大街會客室同聖誕米奇合照,溫馨十足!

夢想花園《魔雪奇緣》小鎮
今個聖誕節,夢想花園變身成為《魔雪奇緣》小鎮,大家好似置身喺阿德爾王國,一邊聽住《魔雪奇緣》,睇住飄雪,同換上《魔雪奇緣2》全新造型嘅安娜同愛莎影相!當然仲有小白啦!

與聖誕史迪仔見面
今個聖誕節,史迪仔首次換上聖誕老人裝束,會喺明日世界衛星餐廳出面不時出現,大家記住認住佢頂聖誕帽,捉住佢影相啦!

米奇與好友聖誕舞會
聖誕節一向都係最開心嘅節日,米奇同迪士尼朋友邀請大家出席喺城堡廣場舞台嘅聖誕舞會,大家會見到米奇、米妮、唐老鴨、黛絲、高飛、布魯托、鋼牙奇奇、大鼻帝帝、Duffy、ShellieMay、StellaLou同CookieAnn!

社區妙韻樂飄揚
香港迪士尼樂園特別邀請九對本地社區合唱團,喺指定日子係米奇與好友聖誕舞會前,為大家唱出節日歌曲,用歌聲分享喜悅同愛。

與迪士尼朋友見面分享聖誕喜悅
係聖誕期間,樂園嘅迪士尼朋友都換上全新聖誕裝束,米奇、米妮、唐老鴨、黛絲、高飛、布魯托、鋼牙奇奇同大鼻帝帝會不時喺小鎮廣場同幻想世界同大家見面!另外,Duffy、ShellieMay、StellaLou同CookieAnn都換上全新Keep me warm系列,記住去小鎮影院「我與Duffy遊歷之旅」影相呀!

《魔雪奇緣》飄雪時刻
到咗夜晚黑,香港迪士尼將會帶大家去到《魔雪奇緣》阿德爾王國,將會見到安娜、小白同愛莎,更會施展魔法,帶嚟漫天飄雪,增添冬日聖誕感覺!

夢想成真聖誕樹亮燈禮
美國小鎮大街嘅聖誕樹一定係大家嘅影相位,到咗夜晚記住睇埋夢想成真聖誕樹亮燈禮,有現場聖誕歌曲同漫天飄雪,好有聖誕氣氛!

迪士尼聖誕精品
今個聖誕節,米妮為賓客帶來金光閃閃嘅「米妮星願耳朵」,大家每購買一隻「米妮星願耳朵」,香港迪士尼就會捐出港幣$50俾願望成真基金,分享聖誕佳節嘅愛!

仲有各款聖誕主題嘅包裝糖果餅乾,換上聖誕裝束嘅迪士尼朋友公仔同Tsum Tsum。

除此之外,嚟自日本全新nuiMOs系列商品,公仔嘅頭部手腳都可以郁動,仲可以同佢換衫添;《魔雪奇緣2》系列嘅精品都非常吸引。

聖誕美食盛宴
香港迪士尼都準備咗一系列特色聖誕美食,其中包括:大街餅店嘅流沙雪人、聖誕米奇同聖誕米妮,賣相非常吸引!A姐一見到三眼仔炮谷筒,就愛不釋手,真係好得意!

世界各地/香港景點門票邊度買至平?
–> 詳情請睇:https://wp.me/p8vzXP-6G <–

香港迪士尼樂園A Disney Christmas 2019 Happy Disney Wishmas (Hong Kong Disneyland A Disney Christmas 2019 Happy Disney Wishmas)
日期:2019年11月14日至2020年1月15日
門票:成人HK $639;小童(3至11歲) HK $475;長者門票(65歲或以上)HK $100
經Klook買迪士尼樂園A Disney Christmas 2019門票:成人HK $570
網址:www.hongkongdisneyland.com

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
Youtube:A姐M佬玩樂日記
報料或合作:Keepintouch@aandmdiary.com

Leave a Reply

Your email address will not be published. Required fields are marked *