親身試玩 與怪誕城之夜阿Jack日夜玩轉香港迪士尼樂園Halloween Time 2018

入場前想睇攻略?《怪誕城之夜阿Jack日夜玩轉香港迪士尼樂園Halloween Time 2018 入場前必睇攻略

萬聖節又嚟喇!想一家大細都啱玩,或者想過一個浪漫嘅萬聖節?今日我就帶A姐去迪士尼樂園玩Halloween Time 2018!今年主題係《怪誕城之夜》,喺迪士尼樂園重現多個經典同詭異情節,再跟阿Jack同一班迪士尼惡人反轉樂園,連一向乜都驚嘅A姐都大讚今年夠驚喜!

想用優惠價買迪士尼門飛,即上Klook啦!

成個迪士尼樂園已經充滿住萬聖節氣氛喇!

「怪誕城之旅」詭魅體驗館
第一站當然要先去全新打造,而且係期間限定嘅詭魅體驗館「怪誕城之旅」啦!旅程會由怪誕城嘅墓園開始,經過怪博士嘅恐怖陰森實驗室、市鎮會堂、森林同大壞蛋嘅巢穴等等,途中仲可以同Sally、阿Jack及大壞蛋惡巫先生Oogie Boogie進行互動。雖然我同A姐都無睇過《怪誕城之夜》呢套動畫,但入面嘅場景真係好靚,加上詭異嘅主題曲,令到呢個「怪誕城之旅」更加有氣氛!而A姐玩完呢個詭魅體驗館,竟然鍾意咗Oogie Boogie(明明上季仲鍾意緊勞蘇㗎)!

如果你係《怪誕城之夜》嘅Fans就一定唔可以錯過喇!

「米奇Halloween玩轉大街派對」日間巡遊
同樣係Halloween Time期間限定嘅「米奇Halloween玩轉大街派對」日間巡遊,又點可以錯過呢?同A姐提早去霸定靚位睇巡遊啦。巡遊嘅花車數量雖然唔算多,但就好有特色!米奇、米妮同高飛會分別喺三架唔同嘅南瓜花車出現,聯同著上Halloween服飾嘅唐老鴨、黛斯、Duffy、ShelieMay等等,教我哋一齊跳詭趣舞步,一齊狂歡!

「Halloween詭趣花園」
嚟到「Halloween詭趣花園」,A姐就最開心,朝早就見到一班著住萬聖節新裝嘅迪士尼朋友。

入黑就可以同一班迪士尼惡人打卡影相!今日我哋就見到黑毛婆、虎克船長、庫伊拉、孚羅洛等等,佢哋仲會突然嚇你一驚。

另外,喺詭趣花園,大家仲可以發揮創意,DIY一個屬於你嘅Trick-or-Treat袋子或詭怪面具,之後,記住講Trick-or-Treat,將糖果放滿你個Trick-or-Treat袋子。

南瓜王阿Jack與好友怪誕聚會

如果想同阿Jack、Sally、Oogie Boogie見面,就要去到美國小鎮大街嘅會客室。阿Jack真係又高又有型㗎!

節慶添詭「味」
玩咗咁耐,當然要試吓萬聖節限定嘅美食啦!喺樂園同酒店各個餐廳,將會有唔同造型搞鬼嘅精選餐飲同美食,好似「阿積之夜」、「巫師南瓜杯」同「萬聖節米奇麵包圈」等等,如果想食曬每一款,咁就要去勻唔同嘅餐廳先得喇。而喺河景餐廳消費滿指定金額,仲可享免費嘅臉部彩繪服務。A姐就畫到成隻鬼……火咁靚嘅美人啦。

仲可以去到幻想世界嘅皇室宴會廳參加「自製阿積曲奇工作坊」,點解我整嘅阿Jack曲奇,隻眼反轉方向嘅?

「迪士尼惡人大出巡3.0」夜間巡遊
玩咗咁耐,記住要睇清楚個Time Guide,唔好錯過最精彩嘅「迪士尼惡人大出巡3.0」夜間巡遊呀!喺呢個夜間巡遊,黑巫婆再次施展黑暗力量,聯同一眾惡名昭彰嘅迪士尼惡人,包括:海女巫烏蘇拉、邪惡皇后、巫師賈方、紅心皇后、撲克牌士兵、虎克船長同猙獰海盜等等,一齊狂歡,慶祝反轉美國小鎮大街!想一次過見到成班迪士尼惡人,就一定要霸定靚位睇巡遊啦。

萬聖節限定詭趣精品
玩到尾聲,又係A姐嘅shopping TIME!A姐特別推介夜光服飾同萬聖節限定版Tsum Tsum迷你雙面毛公仔!當然唔少得,首次參加Disney Halloween Time嘅Duffy新朋友Cookie嘅各樣精品啦!仲有就係《怪誕城之夜》系列嘅型格禮物……「A姐,我哋走得未呀?」……我嘅Halloween Time依家先正式開始。

世界各地/香港景點門票邊度買至平?
–> 詳情請睇:https://wp.me/p8vzXP-6G <–

香港迪士尼樂園Halloween Time 2018 (Hong Kong Disneyland Halloween Time 2018)
日期:9月13日至10月31日
門票:成人HK $619;小童(3至11歲) HK $458
經Klook買迪士尼樂園Disney Halloween Time門飛:成人HK $583
另外,港人專享「雙重節日優惠」,只需以HK $669,即可兩度入園,玩盡萬聖節同聖誕節。
網址:www.hongkongdisneyland.com

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:Keepintouch@aandmdiary.com

Leave a Reply

Your email address will not be published. Required fields are marked *