讓藝術融入生活 國際匠人協會 – 典亞藝博2018

聽日就係long weekend,大家諗到去邊度玩未?如果好似A姐咁鍾意睇吓藝術展品,可以趁今個假期去到香港會議展覽中心參觀典亞藝博2018。場內有唔同嘅藝術展品,除咗可以欣賞嚟自世界各地唔同嘅展品,仲可以買啲返屋企,讓藝術融入你嘅生活當中。而場內,最吸引到我哋嘅就係國際匠人協會嘅作品喇。

香港嘅傳統文化逐漸失傳,所以國際匠人協會嘅成立係為咗統一國際匠人同有效咁宣揚工匠文化,了解匠人嘅創作過程同經驗分享。協會仲希望透過唔同嘅品牌活動、藝術展、專題訪問、工匠培訓,為香港文化發展同工匠產業傳承落去。今年喺典亞藝博 2018展覽入面,協會邀請到嚟自日本、香港以及中國嘅匠人展出作品,令協會更全面推動匠人精神。

國家級非物質文化遺產:花絲鑲嵌
喺展區入面能夠了解到國家級非物質文化遺產,歷史上起源於春秋戰國時期,皇家御用嘅花絲鑲嵌。花絲鑲嵌工藝相當繁複,以堆疊編織等技法,點翠鑲嵌,呈現金碧輝煌嘅效果。

佛像雕塑
當代雕塑大師徐彬覺先年,以佛本無相,明心見性為題,打破百多年來工藝品對佛像嘅慣有形像,重塑佛像慈悲藝術嘅美。

樹脂畫
將木加上樹脂膠,製作出多種獨一無二嘅樹脂畫,作品以唔同嘅流向、流動、構圖、用色同形態,製作成年活中嘅藝術品。每個作品嘅線條同圖案都唔一樣,極具特色。設計師Rolland藉住品牌Agape,希望分享「藝術其實係對人嘅調劑品,佢會令到你喺呢個咁緊張嘅社會中得到平衡。我想令大家慢慢認識,原來藝術唔離地, 唔係高消費群先support到。」

手工玻璃燒製藝術
玻璃燒製匠人Klas Lui透過Klass Glass品牌,讓大家了解手工玻璃藝術。其作品由玻璃燒製而成,再喺玻璃當中加入蛋白石,睇落就好似一個星球咁,夠晒虛幻。

樹脂飾品
樹脂飾品工藝師Monique就以天、地、人概念,提醒自己要珍惜以及緊握幸福。每一個香座以宇宙為基礎,寓以無邊框無邊際,進入深層次嘅境界。以檀香清醇幽雅嘅氣味,令人心怡神悅。

茶香水
茶嘅文化源遠流長,但以香水呈現真係相當少見!採用台灣特有嘅金萱茶以及多種樹種等天然材料,打造無性別嘅特色香水。氣味清幽,過咗一陣,仲有梔子奶香,配合唔同人嘅體溫,從而會有各種唔同嘅獨特效果。

天目茶碗
源於中國宋朝嘅古典茶碗,經當時日本僧人將寺院學習到嘅茶禮、茶儀同茶器帶返日本,命名為天目碗。天目承載「茶」嘅精神同往昔光榮嘅回顧。而陶藝師以現今嘅燒製技術,令茶碗帶有其喜歡嘅宇宙色彩。

世界各地/香港景點門票邊度買至平?
–> 詳情請睇:https://wp.me/p8vzXP-6G <–

「典亞藝博 2018」- 國際匠人協會展覽 Fine Art Asia 2018
地點:香港會議展覽中心 3 號展覽廳 (G5, G7, G8, G10)
日期:2018年9月29日 – 2018年10月2日
時間:11:00-19:00 (9月29日至10月1日)、11:00-18:00 (10月2日)

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:Keepintouch@aandmdiary.com

Leave a Reply

Your email address will not be published. Required fields are marked *