走進中區警署建築群 中環大館打卡半天遊

今個weekend同A姐去邊度玩好呢?去行山又好似好熱;呢排去沙灘游水又驚落雨,都係搵啲室內活動玩啦。前排新聞介紹位於中環荷里活道嘅中區警署建築群,包括咗警察總部大樓、中央裁判司署同域多利監獄三個主要部分,經過活化後,改名為「大館」並於2018年5月29日起正式開放喇。如果你都想免費入場參觀,記住要先透過大館網站或apps預訂入場證喇。

預訂門飛嘅方法好簡單,只要上大館網站或apps預訂就得!

預約首先要登記同登入。
每次最多可為6人預約(包括申請者本人及BB亦作一人計算)
而每日只接受31日內嘅預約,預約以先到先得為原則,所以如果想星期六、日、公眾假期或特別日子出發,就要喺31日前上網預約參觀喇!
揀好日子再揀埋時間
再次確認預訂資料準確無錯,咁就可以confirm㗎喇
預約後就會收到入場門飛,記住喺入場時間入場參觀喇

Book好日子就期待參觀昔日殖物時期嘅建築物,同警署、法庭、囚倉嘅每個故事!

監倉

活化咗嘅域多利監獄保留咗當年嘅風貌,大家可以感受鐵窗韻味,甚至可以入去自我反省一吓。

 

F倉

F倉呢度就有介紹囚犯入冊過程,原來總共有10個步驟。而我入A姐冊就只有一個步驟。

洗衣梯

呢條當時俗稱嘅洗衣梯,依家係戶外表演嘅觀眾席。

連絡橋

呢條連絡橋係當時出入囚室與獄吏的通道。

監獄圍牆

由於域多利監獄建於中環市中心,所以呢塊高牆,正正係自由同失去自由嘅象徵。仲可以阻隔民居嘅視線。

大館一百面展覽

呢個展覽區位於警察總部大樓內,由五位本地藝術家以中環故事作骨幹,回顧中環歷史。而呢個招牌展區,就係影相熱點。

監獄操場

監獄操場以往係囚犯休息地方,依家就喺賽馬會藝方同、賽馬會立方、D倉同F倉之間,形成新舊對比。

警察總部大樓

警察總部前嘅芒果樹,相傳芒果樹每2、3年先結果一次,但每次結果都會有人升職或發生重大事件。

而活化咗嘅大樓仲有餐廳商店。

美術館旋轉樓梯

活化後仲有美術館,呢條旋轉樓梯就夠晒醒目喇。

夜遊大館

如果時間去可,不妨玩到入夜,雖然好多展館已經關門,但大館又有另一番感覺架。

開幕光影表演:創造未來的歷史

由本地藝術家林東鵬以大館和香港的歷史作為靈感,透過映像講述大館嘅故事,穿越過去、現在以至將來呈現喺營房大樓嘅外牆上。不過呢個活動係節日限定同有指定時間架。

日期:2018年5月29日 – 6月24日
時間:19:30、 21:30

世界各地/香港景點門票邊度買至平?
–> 詳情請睇:https://wp.me/p8vzXP-6G <–

大館 Tai Kwun
地址:香港中環荷李活道10號
門票:預約後免費入場
大館開放時間:11:00 – 23:00(有關展覧、演出、各商店及餐廳的開放時間,請參照網站內相關頁面)
網址:www.taikwun.hk

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:Keepintouch@aandmdiary.com

Leave a Reply

Your email address will not be published. Required fields are marked *