辦公室都可以好好玩 黃埔嘉里酒店Kafnu

如果返工做到腦閉塞,可以有個無邊際泳池俾我游吓水,有個gym room俾我望住維港跑吓步,仲有手工啤酒飲吓同打吓機,返工都會返得開心啲,做嘢都醒神啲啦。(A姐:咁仲有時間做嘢嘅?)今日去紅磡嘉里酒店見客,見識呢個天堂般嘅辦公室就係Kafnu。

「Kafnu」取名自喜馬拉雅山嘅大本營,意思即係希望喺大本營內凝聚唔同有共同方向嘅人士,互相交流,彼此支持,再一齊去到目標。

其實香港依家有好多Coworking Spaces,都係想結合社群大眾,各自喺科技、設計、文創同媒體等唔同介別,各取長處,共享經濟嘅概念。而Kafnu除咗工作空間、會議室、小型展覽室,仲有好多玩樂同休憩嘅地方,等大家喺工作之餘,都有放鬆嘅一刻。

共享工作空間
呢度有好多張辦公檯,每張檯都有獨立嘅充電插頭同USB,當然全個辦公室範圍都有免費WIFI。而最驚喜係每張檯都可以調高較低,食飽想企一陣做住嘢都得!另外,係全日24小時開放!

共享會議空間
呢度有各大大小小嘅會議室,要見客或有內部會議都可以租用。

私人電話亭
喺共享空間,要講電話就要去到私人電話亭喇!

認識新朋友
喺共享空間返工,認識新朋友新伙伴係最重要,所以Kafnu每星期都會舉辦唔同嘅講座,甚至係瑜珈或電影會,等大家除咗享受工作,仲可以放放鬆。

娛樂設施
喺Kafnu做到悶悶哋,可以去到遊戲機房玩Switch,俾自己鬆鬆。想再鬆啲?可以用埋嘉里酒店嘅無邊際泳池或者係gym room望住維港跑吓步,再唔係做個桑拿或steam都唔錯。

任飲手工啤酒
呢度嘅pantry有小食同飲品無限供應,仲可以叫酒店嘅room service添。而最大賣點係有2款手工啤酒任飲,味道相當唔錯。

Kafnu嘅最低入場費係每小時$70,真係入去飲幾杯手工啤酒,條數都喺番度。當然佢仲有唔同嘅月費Plan,想初嘗老板滋味嘅,可以去到Kafnu大展鴻圖,同志同道合嘅朋友互相交流,激發更多創意火花,進而賺第一筒金喇。

Kafnu
地址:香港九龍紅磡灣紅鸞道38號嘉里酒店2/F
網址:www.kafnu.com

(記住Like同Share畀朋友)

想緊貼A姐M佬嘅吃喝玩樂資訊,快啲Follow埋下面嘅Channel啦!
Facebook:A姐M佬 玩樂日記
Instagram:AandMDiary
Openrice:A姐M佬
報料或合作:keepintouch@aandmdiary.com

Leave a Reply

Your email address will not be published. Required fields are marked *