香港迪士尼樂園10周年 升級煙花加《魔法書房》新表演及童話園林新景點

話時話,原來A姐M佬都曾經喺香港迪士尼樂園 (Hong Kong Disneyland)做過,只係大家唔同期。諗番起都幾開心,可以成日入Park玩。唔經唔覺,香港迪士尼樂園已經踏入10周年啦,10歲大壽就梗係有啲新搞作!!

Hong-Kong-Disneyland-10th-Anniversary-fireworks-Mickey and the Wondrous Book-Fairy Tale Forest-香港迪士尼樂園10周年-煙花-迪士尼魔法書房-童話園林-1

第一個驚喜係「星夢奇緣」煙花表演 (“Disney in the Stars” Fireworks) 升級版。樂園每日壓軸嘅煙花表演由開幕到依家都無轉過,做咗十年都喺時候轉下啦!!

Hong-Kong-Disneyland-10th-Anniversary-fireworks-Mickey and the Wondrous Book-Fairy Tale Forest-香港迪士尼樂園10周年-煙花-迪士尼魔法書房-童話園林-2

不過背景音樂照舊,煙花效果都轉咗少少,最大嘅改變係有新投影效果。新投影片加入咗好多新嘅迪士尼朋友,有《玩轉腦朋友》(Inside Out) 嘅阿樂阿愁,《大英雄聯盟》(Big Hero 6) 嘅阿廣 同Bixmax,《魔雪奇緣》(Frozen) 嘅Elsa同Anna。哈!! 攬住M佬睇應該會好sweet sweet。 Hong-Kong-Disneyland-10th-Anniversary-fireworks-Mickey and the Wondrous Book-Fairy Tale Forest-香港迪士尼樂園10周年-煙花-迪士尼魔法書房-童話園林-3 Hong-Kong-Disneyland-10th-Anniversary-fireworks-Mickey and the Wondrous Book-Fairy Tale Forest-香港迪士尼樂園10周年-煙花-迪士尼魔法書房-童話園林-4

心水清嘅朋友應該仲記得喺幻想世界嘅「米奇金像獎」(Golden Mickey) 表演已經光榮隱退。之前都有諗過叫M佬同我入去聽多次Bebe把靚聲,睇多次泰山啲肌肉。

Hong-Kong-Disneyland-10th-Anniversary-fireworks-Mickey and the Wondrous Book-Fairy Tale Forest-香港迪士尼樂園10周年-煙花-迪士尼魔法書房-童話園林-8

取以代之嘅係全新音樂劇《迪士尼魔法書房》(Mickey and the Wondrous Book) ,全劇25分鐘。一聽嗰名就覺得好迪士尼,聽講故事喺發生於一個魔法書房裏面,米奇同好高飛玩嘅時候,發現咗一本可以將故事成真嘅魔法書,將《魔雪奇緣》(Frozen) 嘅雪人小白 Olaf 帶到現實。好似米奇金像獎咁,《迪士尼魔法書房》串燒咗唔同嘅迪士尼故仔,有《小泰山》(The Jungle Book)、《小魚仙》(The Little Mermaid)、《魔髮奇緣》(Tangled)、《勇敢傳說之幻險森林》(Brave)、《阿拉丁》(Aladdin)、《公主與青蛙》(The Princess and the Frog) 同《魔雪奇緣》(Frozen) 。

Hong-Kong-Disneyland-10th-Anniversary-fireworks-Mickey and the Wondrous Book-Fairy Tale Forest-香港迪士尼樂園10周年-煙花-迪士尼魔法書房-童話園林-9 Hong-Kong-Disneyland-10th-Anniversary-fireworks-Mickey and the Wondrous Book-Fairy Tale Forest-香港迪士尼樂園10周年-煙花-迪士尼魔法書房-童話園林-10 Hong-Kong-Disneyland-10th-Anniversary-fireworks-Mickey and the Wondrous Book-Fairy Tale Forest-香港迪士尼樂園10周年-煙花-迪士尼魔法書房-童話園林-11

另外,《迪士尼魔法書房》嘅主題曲係Happily Ever After,亦係慶祝香港迪士尼樂園10 周年嘅主題曲。講咗咁耐,究竟幾時有得睇? 2015年11月17日就上演啦!!

考下大家,之前去迪士尼有無見到邊度起緊新景點? 今年12月有新景點啦!! 不過唔係明日世界嘅Ironman,係幻想世界嘅「童話園林」(Fairy Tale Forest) ,喺米奇幻想曲3D電影對面。

Hong-Kong-Disneyland-10th-Anniversary-fireworks-Mickey and the Wondrous Book-Fairy Tale Forest-香港迪士尼樂園10周年-煙花-迪士尼魔法書房-童話園林-5

不過M佬應該對「童話園林」無咩興趣,因為成個景點由多個縮小故事場景同主題音樂盒組成,好明顯係for女仔。裏面有6個迪士尼故事場景,包括: 《魔髮奇緣》(Tangled)、《雪姑七友》(Snow White and the Seven Dwarfs)、《美女與野獸》(Beauty and the Beast)、《仙履奇緣》(Cinderella) 及《小魚仙》(The Little Mermaid)。講真,呢個景點唔係非常吸引,同隔離嘅夢想花園 (Fantasy Garden) 差唔多,都係排下隊,影下相。

Hong-Kong-Disneyland-10th-Anniversary-fireworks-Mickey and the Wondrous Book-Fairy Tale Forest-香港迪士尼樂園10周年-煙花-迪士尼魔法書房-童話園林-6Hong-Kong-Disneyland-10th-Anniversary-fireworks-Mickey and the Wondrous Book-Fairy Tale Forest-香港迪士尼樂園10周年-煙花-迪士尼魔法書房-童話園林-7

講咗咁耐,搞到人哋勁想去,快啲到11月啦!!! (M佬,你咁叻豬,一定識做嘅!!!!)

*圖片轉載自《大街小報》

香港迪士尼樂園 Hong Kong Disneyland
電話:+852 1-830-830
網址:www.hongkongdisneyland.com

(記得Like同Share畀朋友)


想緊貼A姐M佬嘅吃喝玩樂資訊,快啲Follow埋下面嘅Channel啦!

Facebook:A姐M佬 玩樂日記
Instagram:AandMDiary
Pinterest:AandMDiary
Openrice:A姐M佬
報料或合作:aandmdiaryhk@gmail.com

Leave a Reply

Your email address will not be published. Required fields are marked *