金宵大廈 中環何蘭正

近期大熱劇集《金宵大廈》,唔知大家有無睇呢?好耐無睇大台嘅我哋,都被佢嘅前世今生主題所吸引。故事嘅前世大概發生喺六十年代,雖然六十年代對我哋嚟講係好遙遠,但係想懷舊一吓都有辦法嘅。今日,我哋就嚟到中環蘇豪嘅何蘭正,酒吧設計主打懷舊唐樓風,而餐廳嘅用具以至店員的服都配合主題,好有地道香港feel,玩味好重。

Read more

如何回到當時 上水適雅餐廳

小學喺粉嶺讀書嘅A姐,佢成日同我話說當年。當年聯和墟街市仲未搬,呢個墟市車水馬龍,而適雅餐廳就有好多佢嘅回憶。當時嘅適雅餐廳喺北區絕對係名店,價錢一啲都唔平,只有考得好成績,A媽先會帶佢去食個lunch,慶祝一吓。時移世易,聯和墟嘅適雅餐廳搬咗去上水石湖墟,價錢仲好大眾化,今日就同佢回味一吓啦。

Read more

車仔麵新星 銅鑼灣麵尊

去銅鑼灣食車仔麵離不開呢間同嗰間,終於有上環嘅過江龍殺入銅鑼灣喇!呢間嚟自上環嘅麵尊,我A姐以前喺上環返工成日食,但自從離開咗上環,我真係N年無食過喇。知道佢嚟咗銅鑼灣登龍街嘅V Point開分店,今日再去回味吓啦!

Read more

灣仔大叔的愛 千樂燒味餐室

港式點心、雲吞麵同燒臘飯,真係世界各地都唔及香港嘅好味!M佬話如果豆腐火腩飯係男人嘅浪漫,咁燒臘飯就絕對係大叔的愛!咩呀?我A姐都好鍾意食叉燒飯,絕對係我嘅comfort food!今日我哋嚟到灣仔嘅千樂燒味餐室,試試佢嘅燒味飯啦。

Read more

「懲罰」同路小店 博多拉麵別天神

如果你想「懲罰」同路嘅良心小店,推介你哋去食銅鑼灣嘅博多拉麵別天神啦。其實,我同M佬啱啱認識嘅時候,我哋已經成日嚟食架喇(竟然帶我食拉麵,而唔係浪漫燭光晚餐囉),因為佢嘅豬骨湯底真係超濃厚,但最重要都係嗰份人情味。

Read more

A姐的Birthday Dinner 銅鑼灣Babbo Trattoria

呢一日比情人節、相識紀念日、拍拖紀念日更重要,就算係我嘅生日都顯得毫不重要,講緊嘅就係A姐嘅生日。一向鍾意食日韓菜嘅佢,話生日就梗係要食有情調嘅西餐,嚟到銅鑼灣主打意大利菜嘅Babbo Trattoria,呢度有個大酒櫃同半開放式廚房。A姐大致上都好滿意,但俾完錢後,佢就勁嬲……因為我唔記得咗買蛋糕俾佢切,點算?奴才該死。

Read more

人氣壽司店 佐敦壽司郎

兩個月前嘅某一天星期日早上,A姐見到網上有人介紹日本過江龍壽司店 – 壽司郎,就驚喜大叫,而當時仲瞓緊覺嘅我,就被9秒9拍醒,即刻換衫同佢去佐敦彌敦道嘅壽司郎朝聖喇。未夠12點就到佐敦站,當我仲諗緊早餐都無食,直接食生野會唔會肚痛嘅時候,餐廳已貼上全日已滿嘅告示,仲提醒我哋可以用apps訂位架!WHAT!有無咁誇張呀!A姐嬲爆爆咁,即刻downloads apps,但想預約平日晚餐或weekend?時間選擇唔多,仲要係2個月後……由於時間關係,2個月後……我哋終於重臨壽司郎,大量食客塞滿門口,由於我哋係預約時間前到達,所以等咗1分鐘,就可以直接入餐廳面聖喇。

Read more

蒲燒鰻魚兩食 銅鑼灣鰻工房

唔知大家有無聽過「土用丑之日」呢?呢個日子係日本食鰻魚嘅大日子呀!而秋天嘅鰻魚係最肥美嘅季節,所以話鍾意食鰻魚嘅你,真係日日都可以係「土用丑之日」!今日M佬就帶咗我嚟到銅鑼灣嘅鰻工房,一齊去同鰻魚飯拍拖啦。餐廳店面面積雖然唔大,但以日式為設計,好有氣氛。

Read more

名人飯堂 佐敦新新酒樓

小時候,總會跟住M媽去佐敦探公公婆婆,而佢哋就最鍾意去新樂酒店嘅新樂酒家嘆吓一盅兩件,話咩水滾茶靚喎,小時候嘅我,仲記得食住蝦餃睇兒童周刊,成家人坐埋一齊,傾吓計,呢啲就係我嘅回憶。記得先前新樂酒店進行大裝修,一度以為新樂酒家會成為我嘅記憶,但原來新樂酒家嘅原班人馬喺莊士倫敦廣場,重新打造咗新新酒樓,新新酒樓屹立半世紀,係唔少名人嘅飯堂,今日就同A姐去尋找那些年的原味道。

Read more

銅鑼灣辣到跳起 湯火功夫麻辣燙

開始步入秋涼,想食辣嘢暖吓身?唔駛去咁遠嘅,近近哋銅鑼灣都有介紹!呢間湯火功夫主打麻辣燙,辣度麻度都可以自己揀,如果完全唔辣得,都仲有其他湯底選擇,今晚一於簡簡單單,同A姐食番碗麻辣燙啦。

Read more