與威威共晉自助晚餐 香港海洋公園萬豪酒店

今個weekend同A姐去玩去癲,仲去住埋香港海洋公園萬豪酒店,玩咗2日1夜!既然有得玩、有得癲,又有得住,咁食呢?所以晚餐就近近哋,試埋酒店內嘅海灣餐廳及海灣咖啡室主打嘅buffet啦!呢度食物選擇非常多,海鮮仲係WWF指認嘅「環保海鮮」!而逢星期六、日及指定日子,一班海洋公園吉祥物仲會同我哋見面同影相添!

Read more

慶祝Valentine 觀塘Deer Kitchen

情人節就到喇,梗係要搵間西餐廳,再食生蠔旺一旺佢啦!雖然花就無預備到,不過就預備咗好多隻鹿喇。鹿?係呀,呢間位於觀塘嘅Deer Kitchen,以鹿為設計,好有歐陸feel㗎。

Read more

維港靚景西餐 天后A La Umai

望住維港靚景再嘆個Semi Buffet,實好貴啦,邊個話㗎?呢間位於天后嘅A La Umai,就係我哋嘅秘密小餐廳,除咗價錢合理,食物質素唔錯,最重要就係呢個價值百萬嘅270度維港靚景,同A姐食真係夠晒浪漫啦!

Read more

長沙灣美食廣場創食薈 環球美食共冶一爐

A姐成日都話我無主見,次次都話唔知食咩,其實人哋都係諗住就你之嘛!既然唔領情,新一年,新作風,就等我有主見,話食日本菜,點知A姐就話想食中菜,最正係另外兩位朋友話想食西餐…… 無主見又話人煩,依家各持己見又係煩。既然係咁,食Food Court就啱晒,自己想食咩就食咩!長沙灣創食薈Food Creative有中、港、西、日、韓、東南亞等10間餐廳,總有一款啱你!

Read more

北區西餐之選 上水孖寶小館

喺上水讀書嘅A姐,因為今日係校友重聚日,所以我就陪佢返去佢嘅母校,了解佢少女時期嘅校園生活。參觀完之後,佢話要帶我去回味以前嘅味道,跟住佢去尋味,點知好多餐廳都已經無咗喇,或者呢啲只可以喺記憶中回味。行到去呢間孖寶小館,裝修設計都唔錯,一於試試!

Read more

高質隱蔽西餐廳 銅鑼灣阿麥廚房

M佬今日早咗收工,所以佢去銅鑼灣行吓街,順便搵定食咩,搵好位再等我嚟。結果就send咗個地址同餐廳名俾我,原來今晚去銅鑼灣加路連山道9號食阿麥廚房,行到去加路連山道兜嚟嚟去都見唔到阿麥廚房嘅,原來我已經路過幾次,佢店面以Mackie Kitchen示人,想去食嘅朋友要留意喇。餐廳設計幾靚,好有情調,而晚餐嘅Dinner set有前菜、湯、主菜同飲品。

Read more

運動為主題 銅鑼灣The Stadium

每日都食好嘢,一定要做運動,如果唔係我就變咗肥A!如果可以一路食一路做運動,唔知又會唔會特別效果呢?呢間位於銅鑼灣嘅The Stadium,以運動為主題,入面有桌球枱,仲有跑步道。不過,嘢食都係要趁熱食,食咗再算。

Read more

銅鑼灣生蠔海鮮之夜 Casa Fina Seafood & Oyster Bar

Casa Pennington上次食過,M佬對佢嘅生蠔念念不忘,本身諗住今日返去encore,點知話full booking,唔洗失望嘅,行過隔離街,就有同集團嘅Casa Fina Seafood & Oyster Bar,味道一樣咁好,環境夠晒舒服,鍾意Fine Dine就啱晒!當然如果慶祝紀念日或邊食邊傾計都係唔錯選擇。

Read more

食漢堡聽音樂 旺角朗豪坊Texas Burger

呢個M佬食完就瞓,瞓完就食,同隻豬有咩分別?成日都咁懶瞓,星期六又瞓到十二點幾先起身,浪費咗成個上午,打亂我Plan好嘅行程,好嬲呀!成程車我都無同嗰死佬講嘢,等佢下個星期仲敢唔敢! 唉!平時返工都已經要早起身,我都係想星期六日訓到自然醒啫…..好啦,即刻上網搵間餐廳同A姐食返嗰Brunch,就去朗豪坊12樓新開嘅Texas burger,環境開揚舒服,仲咁啱隔離有朗豪坊Live Band表演,啲音樂可以緩和彊硬嘅氣氛!

Read more

半山親民價午餐 Marco’s Oyster Bar & Grill

今日帶A姐沿中環至半山自動扶手電梯系統上半山,睇吓我哋未來,如果中六合彩頭獎,仲要一注獨得,前面嗰座呢,最高頂層嘅複式單位就會係我哋嘅家。面既然一場上到嚟半山區,就食餐飯先再返我哋嘅蝸居啦。呢間位於半山區嘅,原來午餐唔係豪宅價,仲好親民價添。

Read more