香港仔街坊泰菜 舊大街緬泰皇宮

家住香港仔嘅A姐Y表妹,今日介紹我哋去舊大街食緬泰皇宮,仲話喺佢由細食到大嘅街坊名店,但再三提醒我哋一定要訂台,真係有無咁誇張呀!不過,我哋都乖乖聽話,一早訂定六位,同埋Y表妹一家食飯啦。到達餐廳,真係好多人,就算訂咗枱都要稍等,不過,啲嘢食真係好香,搞到我哋越等越肚餓喇。

Read more

新加坡過江龍 天天海南雞飯

去新加坡旅行,又點少得去到牛車水嘅麥士威熟食中心(Maxwell Food Centre)食吓平民必吃美食嘅天天海南雞飯呢?依家想食天天唔駛飛去新加坡,近近哋銅鑼灣都有!但港版嘅天天海南雞,唔係行大排檔風味,反而主打fine dine,仲有米芝蓮加冕,相當有保證!

Read more

復仇者聯盟後傳 銅鑼灣火鍋英雄

唔聽呀!唔睇Facebook呀!唔好同我劇透呀!就係咁,終於嚟到我哋睇《復仇者聯盟4:終局之戰》嘅大日子!要數我A姐最鍾意嘅就一定係雷神啦!佢真係好charm,仲要成身肌肉,真係好鬼正啊!仲有顏值爆標又爆肌嘅美國隊長……睇完戲出到嚟,M佬見到我超興奮(佢完全係滴汗mode),問我有無留意到有個超級英雄喺我附近,原來佢指住對面嘅火鍋英雄。係喎,我哋仲未食飯架喎,即刻同呢位火鍋英雄交吓手先得!

Read more

佐敦抵食任食火鍋 好味煌海鮮火鍋專門店

莊士倫敦廣場成棟都係餐廳,今日約咗成班姊妹出嚟聚舊,順便講吓啲男人壞話。但食飯傾計就最怕傾傾吓俾人趕走,今日去到好味煌海鮮火鍋專門店,2個半鐘任飲任食打邊爐就啱晒啦!而好味煌海鮮火鍋專門店以價錢實惠取勝,十分抵食。

Read more

人生交叉點邊爐與韓燒 荃灣校長燒肉日韓料理

近期A姐又唔知睇咗邊套電視劇,問埋啲假設性問題:如果我同M媽跌落海,你會救邊個先?(當然A姐問得‘更’有深度啦:佢問如果我想食韓燒,M媽想食打邊爐,你會揀邊一個?)呢啲係咩問題嚟架?點解要迫人去人生交叉點?一次過食晒兩樣,大家都開心唔好咩?今日嚟到人氣強勁嘅,位於荃灣嘅校長燒肉日韓料理,有人龍嘅支持,食物一定夠新鮮啦。

Read more

尖沙咀蒸出鮮味來 有蒸氣海鮮石鍋專門店

海鮮點樣整係最好味?重口味嘅朋友可能會鍾意避風塘炒又或者薑蔥炒;淡口味嘅可能會揀白灼!我哋A姐M佬一定話係蒸海鮮,咁先食到海鮮本身嘅鮮味,諗起都正!今晚一於就係食蒸海鮮,揀咗尖沙咀嘅有蒸氣海鮮石鍋專門店,有唔同嘅套餐選擇,我哋就揀咗每位HK$328嘅有蒸氣石鍋海鮮餐,海鮮新鮮高質!

Read more

食到一肚氣 大坑肉骨皇

每日返屋企都會路過大坑浣紗街嘅肉骨皇,而每次同M佬行過都會被佢嘅香味所吸引,但每次都係食飽先行番屋企,所以一直都未有機會入去試試。今日我哋特登bookmark定日子,餓住個肚行返屋企,但當一踏入餐廳,就feel到嗰度嘅氣場不妙!個女店員(或者係老闆)口黑面黑,勁無禮貌咁叫我哋「坐啦」!亦由呢句「坐啦」開始呢餐飯!

Read more

灣仔川流 新派川菜

作為中國四大菜系之一嘅川菜,善用花椒、胡椒、辣椒、薑、蔥、蒜等調味料,以麻、辣、鮮、香為特色。灣仔川流將傳統川菜加入現代元素,令大家耳目一新,餐廳裝修雅致,以黑色為主,更有吧枱,玩味十足!

Read more

上環名氣打冷店 陳勤記鹵鵝飯店

其實我好鍾意食潮州打冷,不過,A姐成日都話打冷好麻甩,又要坐街邊,又要隊啤酒,佢話佢係淑女,有形象喎。其實,嘆住啤酒,同班friend吹吓水,真係男人的浪漫。但講真,邊個話打冷就一定係大排檔?嚟到上環陳勤記鹵鵝飯店,有米芝蓮嘅推介,坐得夠舒服,連A姐都好鍾意。

Read more

A姐太古坊的飯堂 鰂魚涌一葉台灣料理

近日有人話Lunch Time嘅太古坊好似動物大遷徙,等𨋢都等成半個鐘,等埋位再order埋又等上菜,分分鐘得番5分鐘去鯨吞盒飯。好彩我A姐嘅公司有成個半鐘食飯,如果準時12:30落樓,仲有好多餐廳有選擇,今日就去到鰂魚涌嘅一葉台灣料理,同F同事試吓台灣菜。

Read more