周末好去處:10,000呎全新香港藝術館

3年喇!你知唔知我等咗你3年喇!由2015年8月同你講咗bye bye,我哋就無再見面喇,今日見返你,你變咗好多,又高咗又靚咗,我差啲唔認得你呀!講緊嘅而係位於尖沙咀嘅香港藝術館(HKMOA),經過翻新工程同擴建工程後,已經喺2019年11月30日再次開放。11個展覽展出多項收藏品,仲加入咗好多香港元素!

Read more

禁區再培慾 沙頭角中英街一天遊

一年多前,我哋入咗沙頭角禁區探朋友,順便四圍遊走,了解一吓呢個邊境禁區(禁區培慾 沙頭角一天遊,詳情:https://wp.me/p8vzXP-2KI),但上次因為只有沙頭角禁區紙,而未有中英街禁區紙,所以未有去到中英街而有少少遺憾,事隔一年,終於搵到一位持有當地禁區證嘅居民做我哋嘅擔保人喇!而申請禁區證嘅詳細資料,可參考香港警務處網頁。 如果無人做你嘅擔保人,又想入中英街,點算?除咗睇我哋以下嘅分享,嚟一次眼睛去旅行之外。原來仲有方法,只要喺深圳中英街旁邊嘅旅行社辦理特許通行證,或者參加一天團,就可以嚟到中英街喇。(提提你:由深圳入中英街,就要由深圳離開,只有持有香港身份證及沙頭角禁區紙,方可進入香港沙頭角;相反,由香港入中英街,就要由香港離開)

Read more

周末輕鬆離島遊 塔門東平洲雙島遊

又到weekend,又要諗吓同A姐去邊度玩喇!呢啲天氣最啱就係去郊遊,今次我哋去遠少少,嚟到塔門同東平洲,想一次過玩晒兩個島,其實有兩個方法,一係你就有架私人遊艇,一係就好似我哋咁,跟本地旅行團,咩都唔洗諗,簡單輕鬆一天遊。當然,如果想玩得再hea啲,分開兩日玩,自由行想點玩都得啦。

Read more

率先試玩 香港迪士尼樂園A Disney Christmas 2019聖誕攻略 讓歡樂相傳

就到聖誕節喇!要數香港最浪漫嘅地方,又點少得迪士尼樂園呢?因為今年聖誕節要出business trip,為免A姐過Lonely Christmas,所以今日率先帶A姐去迪士尼提早過聖誕啦!由即日起至2020年1月1日,迪士尼推出「A Disney Christmas」,一連串聖誕慶祝活動,除咗巨型聖誕樹、聖誕裝飾同燈飾之外,仲有聖誕飄雪舞會以及期間限定嘅魔雪奇緣小鎮,唱住Let it go同小鎮內嘅小白OLAF、ANNA、ELSA影相喇!而米奇、米妮等迪士尼朋友亦換上聖誕新裝同大家見面,記住將相機叉足電呀。

Read more

週末遊長洲 四大美食推介

嚟緊嘅weekend,唔知你地plan咗邊度玩呢?長洲又會唔會係你嘅選擇呢?其實,我哋都好多年無去過長洲喇,因為上次去長洲發覺仲多人過去旺角,“長洲賓客人數多” 呢句說話真係名不虛傳。但嚟長洲,除咗食大魚蛋、芒果糯米糍,又或者紅豆餅、手卷,其實仲有咩推介呢?今次,A姐同M佬各自推介兩個必食推介,由午餐食到晚餐!

Read more

週末好去處 The Gaarden X 賞想文創節

賞想文創節返嚟喇!今個weekend Hoegaarden再次回歸中環海濱活動空間,於8月23日同8月25日舉辦「The Gaarden X 賞想文創節」,有成300個攤位嘅手作市集、DIY環保工作坊、草地音樂會,最重要係免費入場,快啲約埋朋友去玩啦!

Read more

尖沙咀週末巿集The Market @ House 1881 食、視、聽三重享受

一到星期六日,又要諗同A姐去邊度拍拖。我想講真係無咁多套戲睇,無咁多街行,無咁多Brunch食,點算好?!如果各位兄弟好似我咁都遇到呢個問題,一定唔可以錯過「The Market @ House 1881」週末巿集,有得食,有得買,有得聽,正!

Read more

約埋班friend去玩 葵涌Black Oasis VR Party Room

A姐去咗旅行,我就即刻約埋班兄弟去《大丈夫》啦(可能千禧後已經無睇過呢套戲添),真係「唔賭唔知時運高,唔 “打” 唔知身體好」!哈哈,作反喇!大家唔好諗多咗,我只係約咗班兄弟去打機、篤波、唱K、玩VR同玩Board Game姐!呢間位於葵涌嘅Black Oasis – VR Party Room勁多嘢玩,下次酉要帶埋A姐嚟表現地獄式Overcooked。

Read more

土地問題 周末住好啲 香港海洋公園萬豪酒店

除咗去玩、去癲嚟Ocean Park之外,依家去住都可以嚟Ocean Park喇!今個星期嘅Happy Weekend活動就同A姐去到海洋公園新開無耐嘅海洋公園萬豪酒店,雖然依家天氣涼浸浸無得游水,但住吓新酒店再試埋個buffet,一樣可以玩得好開心。(A姐話要等泳池開返再嚟過)

Read more

海洋公園Jazz World Live Series 又食又飲再睇埋Halie Loren

除咗去玩去癲嚟 Ocean Park,聽有質素嘅JAZZ同美酒佳餚都可以嚟 Ocean Park!M佬今日就買咗「海洋公園 x Jazz World Live Series 爵士音樂系列 2018-19」嘅門飛,同我去聽國際爵士音樂界享負盛名嘅創作歌手 Halie Loren!

Read more