銅鑼灣抵食泰菜 小曼谷泰國美食站

下一站:泰國!坐火車去泰國,你試過未?其實我哋都未試過,但呢間位於銅鑼灣嘅小曼谷泰國美食站,一入門口就見到架大火車,真係好似去咗火車夜市咁呀!而每晚8點仲有駐場泰國歌手表演,邊食邊聽住泰國LIVE Music,真係好chill。

Read more

分分鐘需要你 銅鑼灣海皇粥店

天氣凍,除咗打邊爐或者食一碗熱辣辣嘅湯麵之外,粥又唔會係你嘅保暖選擇呢?今日同A姐去到銅鑼灣嘅海皇粥店,其實同自己鍾意嘅人一齊,簡簡單單食碗粥,真係鹹魚白粥已經好幸福。

Read more

銅鑼灣利寶閣 高質粵菜放題

有時去酒樓餐廳叫小菜,好多樣嘢都想叫,但得我同M佬兩個人,都唔叫得多,如果想一次過食好多款,小菜放題就啱晒!嚟到銅鑼灣嘅利寶閣嘆呢個兩小時高級粵菜放題,有超過50款食物,由晚上6時至晚上10時,入單起計兩小時。星期一至四,成人HK$238 ,小童HK$119;星期五、六、日同假日,成人HK$258,小童HK$129,附加茶芥同加一服務費。即刻試試。

Read more

精緻西餐他她食 銅鑼灣HeSheEat

今日喺銅鑼灣行街街,趁年尾做減價,M佬買咗對情侶鞋做我哋今年嘅聖誕禮物!真係刺激起我嘅購物慾,直情想入去啲鋪頭大叫一句,除咗呢樣同嗰樣之外,全部同我包起佢!好耐未試過買野買到咁爽,好幸福呀!行到好攰,嚟到銅鑼灣地帶嘅HeSheEat,食飽再買過。

Read more

天后美食集中地 維多利亞咖啡餐廳

清風街係港島其中一個美食集中地,今日我哋就嚟到搵食。M佬問我維港嘅全稱係咩?咪係維多利亞港囉!佢又問咁維餐呢?我反眼反到去到背脊,可能佢覺得好好笑啦,仲話呢啲係sweet?!Any肥,我哋今日嚟到清風街,揀咗維多利亞咖啡餐廳。

Read more

記住要著深色衫 銅鑼灣咖哩爸爸

打邊爐相信你都一定食過沙嗲湯底,但咖哩湯底真係相對少見!今日嚟到銅鑼灣嘅咖哩爸爸,一入門口就聞到好香好香嘅咖哩香味,好吸引呀!但A姐由食第一啖開始就好唔開心,黑晒面喇!點算呀?唔係因為服務差,亦唔係食物有咩問題。而係佢勁唔小心咁彈咗咖哩汁去佢最鍾意嘅粉紅色衛衣度,我今晚有排受罪喇。所以A姐深情提醒大家,記住著深色衫嚟食咖哩火鍋喇。而餐廳雖然有限時,但如果無人等位,係唔會截你單,夠晒貼心。

Read more

平行的時空 銅鑼灣十下

近呢半年,香港發生咗好多事,好多人都好似生活喺平行時空,對世事不理,仍然繼續享受所謂嘅生活。而我哋今日都去咗平行時空,但所謂嘅平行時空唔係畏縮,而係我哋去咗以香港復古懷舊為主題嘅餐廳,位於銅鑼灣嘅十下,喺呢度打邊爐就夠晒氣氛啦!「嗱,M哥仔,我 la 你去食火鍋,之後去荔園睇天奴!」

Read more

一嚐正宗印尼風味 銅鑼灣班蘭葉印尼美食

星期日嘅銅鑼灣糖街係印傭姐姐嘅聚腳地,所以嗰度都開咗印尼餐廳,聽講仲非常地道。今日就帶A姐去試下銅鑼灣班蘭葉印尼美食,食落同隔離枱傾計,原來佢哋係喺香港生活嘅印尼人,呢間餐廳有佢哋嘅家鄉味道。

Read more

驚喜大發現 銅鑼灣Kampoeng

同A姐喺IKEA買咗啲家庭用品,臨返屋企前去埋Kampoeng買蝦片先得!平時嚟Kampoeng主要係星期日,所以次次都係同成班印尼朋友一齊迫住買佢好出名嘅蝦片,但原來嚟咗咁多次,今次平日嚟到,先驚現原來下層係餐廳嚟架!所以行到好攰嘅我哋,決定入去食埋晚餐再返屋企啦。

Read more

簡單的Anniversary 銅鑼灣Ember

出咗幾日business trip,無見A姐幾日,返到嚟見到佢瘦晒真係心痛死我喇!放低行裝再梳洗吓,一於搵間餐廳同佢chill吓慶祝相見重遇日啦!嚟到銅鑼灣嘅Ember,呢度除咗係酒吧之外亦係一間餐廳,部份日子仲有駐場歌手唱歌添。見今日嚟到,同上次嘅menu又轉咗喎,有新意我鍾意,一於試試啦。

Read more