荔枝角工廈隱世火鍋店 相馬日式火鍋

話說,上次去D2 Place行完街,食完KOOL酷廚,行去地鐵站途中見到仼食180分鐘嘅火鍋店。嘩!三個鐘真係可以食到攬住嗰肚,所以我哋就決定嚟試一試!

Read more

想見多你幾面 長沙灣裕一品四川雲南米線

M佬:你知唔知點解我成日都話去食麵? A姐:因為你嗰人悶囉! M佬:其實我唔係想食麵,係想見多你幾面! 呢個A姐成日話我無心思,唔好話我唔𠱁你啦,見多你幾十年都得呀。今日就帶你去試下同我一樣咁長情,陪咗街坊17年嘅長沙灣裕一品四川雲南米線,老闆親力親為,食得出人情味。

Read more

血拼荔枝角D2 Place 去KOOL酷廚醫肚

A姐:嘩!呢樣又靚,嗰樣又靚,點揀好呢?(尾音拉長2秒) M佬:兩樣都咁襯你,買曬佢啦!(Model answer) 話說天生購物狂嘅A姐又病發,今次案發現場係D2 Place,嗰啲本地手作舖頭真係開正A姐嗰反,咩都啱。左手五袋,右手六袋,荷包大出血。 去到D2 Place Two,真係頂唔順,上到二樓,見到KOOL酷廚,即刻入去。百幾蚊一個套餐,有餐湯同牛角包。

Read more

如果你鍾意電影 或者你會愛上長沙灣瘋鳥

M佬:你有無睇過Begin Again? A姐:無喎,講咩㗎? M佬:套戲係由愛爾蘭導演John Carney執導,講女主角係酒吧自彈自唱嗰陣吸引咗一個失意嘅經理人…… 呢個M佬一講起電影就無停口,所以佢咁鍾意寫影評 (大家有無睇過先?)既然你咁鍾意電影,就等我帶你去長沙灣瘋鳥,裏面大把電影Poster,仲可以同老闆傾下電影經。

Read more

屋邨地道韓食 長沙灣新派韓食館Sister Korea Cafe

今日同A姐去元州邨探朋友嘅BB,離開嘅時候經過元州商場搵飯食。不過,屋邨商場通常都離不開各大連鎖快餐廳,直到A姐見到韓國餐廳,又報以一個好想食嘅眼神,我又點會唔融化呢?所以我幾時都話A姐鍾意食韓國菜㗎啦!入到去,望吓個menu,咁熟口面嘅!原來呢間餐廳,我哋上次喺大圍都食過㗎! 同大圍分店一樣,選址平民嘅屋邨商場,但店面佈置同食物質素一啲都唔馬虎,懷舊韓風格調,配以韓國音樂同韓國員工,其實都幾有feel!

Read more

茘枝角遇上長沙灣 街口轉角小Cafe – Chitose

無論係由茘枝角地鐵站出發嘅A姐,定係由長沙灣地鐵站出發嘅M佬,只要有緣份,總會喺街口轉角嘅小Cafe相遇!因為緣份令佢哋喺Chitose相遇,所以今日嘅晚餐就相信命運,開餐喇! 呢度嘅二人套餐已包2款頭盤小食、2個主菜同2杯飲品,都係HK$258,熱愛雞翼嘅A姐,仲要加多份香脆炸雞翼先得。晚餐嚟講免加一真係好抵食!

Read more