新幹線壽司純熟迅速送到 九龍灣Megabox九井壽司

我哋好鍾意去Megabox行街,因為有百貨公司嘅日式超市行、又有大型傢俬舖、仲有書店等等,但最緊要係有好多唔同餐廳,而呢間新開嘅‎九井壽司就好值得推介!而點滿4款食物,點餐嘅屏幕就會同大家玩小遊戲,贏咗就會獲得餐廳送出嘅美食添。

Read more

火鍋半價大割引 九龍灣麻布茶房

麻布茶房,我細細個就聽過呢個名喇!原來麻布茶房已經嚟到40週年,推出日式火鍋同雪糕甜品半價優惠,真係好平呀!!!所以今日同M佬嚟到九龍灣淘大商場嘅麻布茶房,試吓呢個超抵嘅火鍋set啦。

Read more

新派北海道札幌料理 九龍灣Domon居酒屋

我成日都話A姐唔係港女,明白事理兼大方得睇,仲會肯陪你食茶記同麥記,你話去邊到搵?不過A姐同好多港女一樣都好鍾意食日本菜!香港日本餐廳好多,但主打北海道札幌新派料理嘅就唔多,呢格位於九龍灣淘大商場嘅Domon居酒屋,主打「不時不吃」,採用時令食材!

Read more

邊爐癮發作 新蒲崗玫瑰餐廳陳儀興

近排A姐話自己肥咗,所以去咗新蒲崗學瑜伽(其實計我話小小肥先好攬架!吖,唔係,佢都無都肥過,都唔知減邊忽),佢話做得咁辛苦,嚟到weekend,要俾自己放肆吓!所以等佢放學後,我哋就去咗新蒲崗嘅玫瑰餐廳陳儀興,嘆番個雞煲獎勵一吓自己!不過,為免佢前功盡廢,所以今餐唔係叫咗好多嘢,估唔到有邊爐癮嘅A姐,今晚又咁忍得口。

Read more

又香又辣 必嘆青檸明爐蒸烏頭嘅九龍灣淘大亞萊泰Aroi Thai

我同M佬今日又去咗九龍灣淘大花園,據我哋非官方統計,淘大都算係我哋拍拖嘅常去地方,想捕獲我哋,就要多啲嚟淘大花園喇!但點解我哋咁鍾意去淘大花園呢,除咗有巴士直接返到屋企之外,餐廳選擇都唔少,而最吸引我哋嘅係市區少有嘅平價戲院!今日我哋就係睇戲前,食番個泰國菜 — 亞萊泰Aroi Thai!

Read more

九龍灣隱世高質邊爐 江南庭敘Congeodle

我哋兩個打邊爐怪,一諗唔到食咩,就去食打邊爐! 無他嘅,唔洗煩,烚下烚就食得啦! 不過今次真係食到好尖,去到新開嘅九龍灣高銀金融國際中心嘅江南庭敘!! 打開邊爐嘅朋友仔都知道嗰湯底真係好重要,會影響啲火鍋料嘅味道!!! 識叫當然叫鴛鴦鍋啦,一次過有兩種味!! 清湯牛腩湯底好足料,有幾多牛腩,啲蘿蔔仲好甜好淋 (清湯牛腩湯底已經有蘿蔔㗎啦,唔洗自己再嗌)。另一個我哋揀咗秘製沙嗲湯,比平時嘅沙嗲湯杰身,好濃好香,又唔會太辣蓋住啲料嘅鮮味!!

Read more

最長鬥最長之Kim’s Spoon 75cm 鐵板長「氣」大餐

M佬出名最長,係呀,長到我A姐都有時覺得頂唔順,好辛苦! Umm… Sorry呀大家,我係話佢長氣咋,成個阿伯咁!! 等我哋去試下Kim’s Spoon新出嘅 75cm 長嘅鐵板長「氣」大餐先。(戴番嗰頭盔先,人哋嗰名係75cm鐵板長器大餐)

Read more

港式晚餐:九龍灣聚點廚房茶餐廳叫餸食飯

M佬話男人嘅晚餐唔食飯好似總係掙咁啲,所以今日一於一切從簡,搵間茶餐廳叫餸食飯啦! 呢間茶餐廳雖然位于工廠區林立嘅九龍灣,但嘅室內設計又幾特別喎,係以懷舊嘅香港做主題,加上坐位寬闊,以格調環境嚟講,相當唔錯!

Read more

九龍灣韓國餐廳Kim’s Spoon 韓燒加部隊鍋 烤豬腩肉配辣海鮮鍋

嗱嗱嗱!我哋兩個出哂名鐘意打邊爐架啦,無論麻辣鍋、雞煲、日式和牛鍋……我哋一個星期至少都要打一次嘅!之但係,韓國嘅部隊鍋就真係好少食,因為M佬話嚟嚟去去都係得啲腸仔、火腿、餐肉、公仔麵,諗嚟諗去都係早餐一份,但就收我百幾二百蚊,所以每次經過,我都只可以喺門外面,偷偷昅吓啲大大隻嘅Oppa…吖,唔係,係偷偷聞吓啲部隊鍋!不過,有一日去開九龍灣拍拖行街街,路過呢間韓國餐廳 Kim’s Spoon,門口已經聞到好香,見到佢嗰豬腩肉配海鮮鍋又好似幾吸引喎,明明話唔鐘意Oppa嘅M佬就捉咗我入去試喇!

Read more