九龍城正宗泰菜 小曼谷海鮮燒烤屋

M佬:香港邊到食泰國菜最正? A姐:梗係九龍城啦! M佬:跟得我多,真係醒咗喎! 九龍城一向都係好多正嘢食,尤其係泰國菜!今日我哋就去試下門口有個吹氣公仔郁嚟郁去嘅小曼谷海鮮燒烤屋!

Read more

新蒲崗蟹仙海鮮蒸氣鍋 蒸出海鮮鮮味

雖然我哋好鍾意打邊爐,不過打得多都熱氣啦,飲多涼茶廿四味都唔掂,所以我哋今晚決定食清啲。粥夠清啦,不過唔係普通嘅粥,係海鮮蒸氣鍋之後嘅粥,哈哈!經過明查暗訪,我哋去到新蒲崗蟹仙海鮮蒸氣鍋,只需HK$198一位 (星期五、六、日、公眾假期及前夕,每位加HK$28),就可以品嚐八款海鮮加有機蔬菜。

Read more

九龍城榕記車仔麵 連湯底都可以飲埋

日本人食拉麵會飲晒啲湯,代表嗰拉麵好好味,對廚師嘅讚賞。不過我哋喺香港同日本食咁多拉麵都無試過飲得晒嗰湯,太肥啦。不過我哋竟然喺九龍城榕記車仔麵食到飲晒嗰湯,全因嗰湯底真係太好味。

Read more

來自上海嘅上海婆婆 Shanghai Po Po

今晚去淘大食飯睇戲,點知呢個M佬放工塞車搞到遲大到,距離開場得番1個鐘,原本想打邊爐架,依家唔得啦,你開心啦!但點趕時間都好,我唔要食快餐店㗎!好彩,喺淘大花園都有唔少選擇,行過見到呢位上海婆婆,我嘅小籠包癮出晒嚟,今晚一於清清哋,食餐上海嘢啦。

Read more

驚喜之選 九龍城坤記牛腩

呢個M佬真係好大食㗎!啱啱食完聯發茶餐廳出嚟,仲回味佢個炒蛋有幾滑,佢就話聞到淡淡嘅牛腩清香,又話想食!有無搞錯呀!隔咗都無3分鐘,又話一場嚟到九龍城,又要去試埋坤記牛腩喇! 餐廳貼咗唔同嘅雜誌同報紙嘅報導,細心睇睇,原來呢度嘅牛腩係用新鮮嘅騸牯牛呀,係騸牯牛呀,其實姐係咩?我A姐真係唔識!但報導就話呢款牛係肥瘦均勻,肉味香濃!但因為供應唔多,各位想試騸牯牛真係要早啲嚟排隊喇!

Read more

最鍾意特餐 最喜歡常餐 最心愛茶餐 最欣賞九龍城侯王道聯發茶餐廳

M佬:唔該,我要一個特餐呀 A姐:特餐?特餐有咩食㗎? 店員:同早餐一樣囉 A姐:咁早餐係咩嚟㗎﹖ 店員:同茶餐咁上囉 A姐:咁茶餐又係咩嚟㗎﹖ 店員:唓,茶餐咪即係快餐 A姐:快餐食咩架﹖ 店員:快餐同特餐一樣㗎 (誤…wakaka)

Read more

九龍城Banh Mi Bakery越南麵包 必食越南法包

嚟到九龍城,邊個話定係食泰國嘢或者牛肉餅㗎!! 跟住我哋A姐M佬就梗係有新嘢介紹啦,今次試越南菜。 話說今年生日,A姐帶咗我去越南峴港,食過傳說中嘅越南法包,無諗過喺香港都有得食。見到嗰餐廳名 — 越南麵包 — 就知道越南法包出名啦!!!

Read more