咁多放題揀邊一間 旺角神輿日本料理

放題周街都係,M佬今次就帶我去到位於旺角嘅神輿日本料理。一入門口我已好鍾意,除咗好有日本既感覺之外,最鍾意係空間感十足,唔似一般擠迫感十足嘅放題店。坐低後就更驚喜,本點菜紙仲厚過一本牛津字典,選擇都算多,包括刺身、卷物、手卷、壽司、一品料理、炸物、天婦羅、鍋物、主食、小食、爐端燒同埋甜品,即刻落order!

Read more

泰式打邊爐 旺角泰邊爐

港式邊爐,食過!台式邊爐,食過!韓式邊爐,食過!日式邊爐,食過!鍾情打邊爐嘅我哋,真係咩款式嘅邊爐都食勻,但泰式邊爐真係比較少。今日行過瓊華中心,派傳單姐姐好落力咁推介我哋試泰邊爐,仲話轉咗新Menu,見佢咁有試意,咁就上去試試泰式打邊爐啦。一入門口仲有好多水晶晶嘅店員同你講sawadee ka!

Read more

愛上潮州打冷 旺角明記潮館

粵菜菜系之一嘅潮州菜,一向都係我M佬嘅所愛,記得以前喺冬菇亭大排檔食住打冷,再同成班兄弟手足嘆住啤酒,吹吓水,真係男人嘅享受。但隨住冬菇亭被式微,我都有好一段時間無食過潮州打冷,直到遇上位於旺角嘅明記潮館,連少食打冷嘅A姐都話得。

Read more

日日都是星期五 旺角Mini Friday

細細個嗰陣,唔明白點解啲大人咁期待星期五,什麼TGIF!到自己出嚟做嘢,真係好想快啲到星期五!雖然今日只係星期三,不過我哋就去旺角銀城廣場嘅Mini Friday,充充電!

Read more

上海超強人氣過江龍 旺角朗豪坊桃園眷村

上次同M佬去上海迪士尼玩之前就係去咗桃園眷村食早餐,好難忘佢嘅台式古早味早餐三寶:油炸鬼、豆漿同燒餅,仲有簡約嘅文青裝修。自從桃園眷村上年發陸香港嘅旺角朗豪坊之後,一直都想再次回味呢份早餐,見到今日無咁多人排隊,就即刻試吓!

Read more

在獅子山下High Tea 旺角帝京酒店Lion Rock

香港除咗維港,另一個精神象徵又點少得獅子山呢?所以今日同好姊妹試完裙之後,就去到旺角帝京酒店嘅Lion Rock High Tea,而最近帝京酒店同時與美國彩妝品牌bareMinerals合作,以星空主題推出呢個夢幻星塵下午茶,一邊嘆一邊望住呢個獅子山靚景,真係夠晒嘆!原來凡惠顧兩位夢幻星塵下午茶套餐,仲可以獲得由bareMinerals送出嘅礦物活肌彩妝禮品包,所以食飽飽又係時候扮靚靚喇。

Read more

紅葉蟹逅AR秋滋味自助餐 旺角帝京酒店花月庭

M佬出名係蟹痴,無蟹不歡,所以嚟到我同M佬嘅第126,144,000秒紀念日,我哋就去食帝京酒店花月庭近期全新推出嘅「當紅葉『蟹』逅AR 秋滋味.紅葉祭自助晚餐」,海鮮選擇除咗主打嘅蟹之外,連即開生蠔都有,食物種類超多,性價比超高!價錢仲分為唔同時段收費,最平每位大人只係$528,10月31日前用Openrice嘅優惠券,首50位客人仲有優惠添,最平每位大人只係$398。如果你係第51位客人,就記住用恒生信用卡埋單即享低至65折優惠。

Read more

與Monchhichi嘆個TEA 旺角T.O.P山下菓子

期間限定嘅Monchhichi主題嚟到山下菓子旺角T.O.P分店,除咗招牌嘅Cremia雪糕同梳乎厘班戟等甜品之外,連熱食都有唔少選擇。難得今個weekend M佬約咗朋友釣魚,我就一於約Monchhichi嘆個Tea啦。

Read more

旺角堅韓牛 1++頂級韓牛韓燒火鍋雙放題

細細嗰陣,有得出街食飯就已經好開心;人大咗,睇嘅嘢多咗,去嘅地方多咗,人嘅要求自然高咗。所以A姐成日都話「樣樣都咁隨便,邊到會有人畀面」。為咗滿足高要求嘅A姐,特登安排今日去旺角堅韓牛放題,食1++頂級韓牛,有韓燒同火鍋兩食。

Read more

尋回港式美味 葵芳文華冰廳

今日A姐話想去葵芳買嘢,我諗我只係負責幫佢拎嘢架啦,所以我先去新都會廣場食住等佢,見到大排長龍嘅原來係文華冰廳!其實冰室都係香港嘅本土傳統文化,仲記唔記得細過去冰廳食西多士、菠蘿包、蛋撻同紅豆冰呢?諗起都想食!而A姐真係計啱時間,一排到我,佢就拎住一袋二袋嚟到,同我一齊三點三。

Read more