燒雞翼我鍾意食 屯門富泰燒烤樂園

今年嘅香港好似唔見咗冬天,日日都好鬼熱,難得今個weekend凍咗少少,咁就去燒吓嘢食啦!不過,假期燒嘢食最怕霸唔到爐,仲要拎住一袋二袋,所以我哋去到屯門嘅富泰燒烤樂園,由兆康站行過去約15分鐘,如果揸車嚟,仲可以你免費泊車,都算幾方便架。

Read more

飲品至強放題店 葵芳夢工房西日料理

講起葵芳,好多人都會諗起去葵廣掃街。不過,出名大食嘅M佬,掃街又點會滿足到佢嘅黑洞胃呢?所以我哋就去到葵芳花園好爵中心商場嘅夢工房西日料理食放題,估唔到午餐嘅選擇都唔少,選擇同晚餐只係差少少,但價錢就差一大截喇。

Read more

高質燒肉放題 荃灣牛太Gyuta

住港島嘅朋友成日都話唔想過海,好遠好長路程。A姐,有咩驅使你要特登過海嚟荃灣?係愛定責仼?係因為荃灣牛太新派燒肉放題!話說某一天,A姐同姊妹們High Tea,就講起喺荃灣嘅牛太,有幾好味,我哋就特登由太古去到荃灣!HK$288一位嘅華美清馥燒肉放題,有73款食物仼食!

Read more

元朗鹵家新店 一嚐食神叉燒

兩年前,因為A姐化妝扮靚遲咗出門口,食唔到元朗鹵家嘅鎮店之寶— 食神叉燒。今日,我哋決定再戰元朗鹵家,誓要食到食神叉燒!點知上網check下,發現昔日只有十個位嘅小店搬咗大舖,闊落好多!

Read more

台式麻辣火鍋 將軍澳養心殿

有人話星期三特別難捱,經過兩日煩重嘅工作,去到卡住喺中間嘅星期三,仲有兩日先到weekend,好難捱。為咗令星期三無咁難捱,我哋兩個決定嚟一個「味覺出走」,選咗主打台式火鍋嘅將軍澳養心殿台式養生鍋,邊聽周杰倫嘅歌,邊食台式麻辣火鍋,特別有Feel!

Read more

北區西餐之選 上水孖寶小館

喺上水讀書嘅A姐,因為今日係校友重聚日,所以我就陪佢返去佢嘅母校,了解佢少女時期嘅校園生活。參觀完之後,佢話要帶我去回味以前嘅味道,跟住佢去尋味,點知好多餐廳都已經無咗喇,或者呢啲只可以喺記憶中回味。行到去呢間孖寶小館,裝修設計都唔錯,一於試試!

Read more

秋日郊遊BBQ 屯門小欖燒烤樂園

秋涼天氣最啱就係去郊遊,做吓戶外活動,行吓山咁!玩完成日,又點少得重點嘅燒嘢食環節呢?今日我同M佬就去到屯門嘅小欖燒烤樂園,咩都唔駛預備,就可以輕輕鬆鬆BBQ!而呢度仲有小朋友最鍾意嘅充氣嘉年華、小型賽車、夾公仔機同兒童攤位等,而大人都可以打吓麻雀同玩吓飛標,如果就啱日落時間,仲可以去沙灘睇吓日落,真係唔止BBQ咁簡單!

Read more

少男心都爆發 將軍澳咖啡灣

喺將軍澳做完嘢,諗住坐地鐵返公司,路經新都城二期嘅咖啡灣,記得之前同A姐食過大埔分店,餐廳好Colourful,裝修設計充滿童話風格,吸引到好多少女同好似A姐呢啲中女心打卡。但我今日嘅少男心都俾佢門口嘅Lego城堡同Lego摩天輪吸引住,望吓望吓,不如坐低食埋個lunch先啦。

Read more

餐後一點甜 將軍澳樂糖

特登走入將軍澳探朋友,佢請我哋食飯,我哋就請佢食甜品啦。不過,我哋對將軍澳唔熟,對唔熱衷嘅甜品就更加無idea,所以都係朋友帶路,帶我哋去到位於天晉嘅樂糖。餐廳以彩色氣球作佈置,色彩繽紛。除咗甜品,原來仲有意粉、薄餅同輕食。

Read more

荃灣豐富海鮮buffet 如心海景酒店Café Circles

依家啲酒店buffet,間間都主打魚生同海鮮㗎啦,仲主打貴添!不過拍拖紀念日、相識紀念日、第1000日紀念日、第3344秒紀念日、第一次熱吻紀念日,定係呀爸呀媽老爺奶奶生日,香港人都好鍾意去食buffet慶祝,而呢間位於荃灣如心海景酒店嘅Café Circles近期就推出「亞太海鮮盛宴自助晚餐」,海鮮選擇夠晒多,價錢仲要好吸引,星期一至四每位大人$428,而星期五至日同公眾假期每位大人$478。記住用HSBC信用卡埋單即享85折優惠,或用Openrice嘅優惠券享有最多7折優惠添。

Read more