高水準日式小店 鰂魚涌太古坊旭屋水產

上星期六同M佬去太古城探新居入伙嘅朋友,由朝玩到旯,又要搵食喇。雖然太古城嘅選擇好多,但等位嘅人更多,而且價錢貴又唔好味,所以我哋4個人決定行多幾步再去搵食啦!行到去太古坊一帶,因為Office林立,所以真係好多餐廳選擇,而且間間都係誠意小店。由茶餐廳小炒、輕型三文治,到台式餐廳、星馬菜館等。不過,喺大熱天時最啱就係食日本菜,所以經過呢間位於芬尼街新開嘅旭屋水產,二話不說,我哋就入去開餐喇。 餐廳嘅設計簡約,入到去已經見到好多櫻花設計,好有日本feel呀!店員仲好好笑容咁向我哋推介,我哋再望望餐牌,價錢又唔貴喎,唔知質素又點呢?

Read more

鰂魚涌太古坊真鮮之味 鯛魚魚湯專門店Snapper

天氣開始熱,我同M佬近排都無乜胃口,所以今日就清清哋食個湯飯啦!特登去到呢間位於鰂魚涌太古坊附近嘅日式鯛魚魚湯專門店,主打鯛魚魚湯,聽講鯛魚魚湯係低脂、高蛋白質仲好養顏,所以姊妹們想食得健康同越食越靚,就要早啲嚟排隊先得呀,因為呢度真係好full㗎!

Read more

尋找兒時祖樂比 味道不同快樂蜂Jollibee

細個嘅時候,因為住喺沙田,A媽間唔時就會帶我去新城市食祖樂比Jollibee!麥當奴就有大大隻麥當奴叔叔,而祖樂比就有大大隻祖樂比蜜蜂!仲記得,當年佢嘅炸雞同意粉係好好味㗎!10年前去菲律賓旅行,仲會突登去祖樂比食lunch。到3年前,經過中環,路過當年祖樂比最後一間分店,興致勃勃入去食隻熱狗下午茶,雖然感受到異國風情,但味道真係……唔會有下次囉!

Read more

弘大至熱選 Kim’s Spoon

鍾意食韓國菜嘅A姐,不知不覺間已經當咗 Kim’s Spoon 係佢嘅 canteen,得閒行過見到(其實落巴士實見到),如果有新Menu,佢就會心思思想入去食。結果…今日就係咁……畀佢見到全新Menu: 弘大至熱選,我哋又去Kim’s Spoon喇! 弘大至熱選套餐包括:美國肩胛翼板牛肉、甜辣炸雞、忌廉香辣炒年糕、芝士漢堡泡菜炒飯、麵包、沙律同薯條。上枱真係好佩服Kim’s Spoon,因為每次有新Menu都會有新嘅Container,真係次次都唔同㗎喎。今次就係長長嘅木板,我同A姐都係度諗,成本都唔少!

Read more

親民價食蠔 抵食北角意蠔屋

身為男朋友,梗係要隨傳隨到,管接送啦!今日A姐要去到北角OT做嘢,一於等我帶接佢收工啦! 嚟到北角,原來選擇真係好多!不過,A姐搞到成9點先走得,好彩意蠔屋仲未關門,一於食番幾隻生蠔補補身,再滿足吓呢位A小姐先! 呢度嘅套餐,$98就有湯、生蠔2隻、主菜同餐飲!抵呀!最感動係A姐從來無介意我帶佢食大排檔呀、快餐店呀,貴又好平又好,佢都會陪伴我左近!

Read more

年糕主題晚餐,份量大滿足!北角Kim’s Spoon的小確幸

近日,Facebook都被Big Bang洗版,連A姐每日都停不了咁唱《謊言》,仲日煲夜煲套《鬼怪》,話孔劉煮年糕湯好有型喎!為咗滿足A姐呢個突如其來嘅韓國狂迷,過年就等我帶佢去食韓式年糕啦! 唔講唔知,原來韓國嘅新年傳統,食年糕代表又大一歲,所以A姐,你食完就正式步入中女之列喇(好彩唔係剩女之列咋)!

Read more

北角渣華道街市東寶小館 地道美食配戰鬥碗

唔好睇呢碟嘢黑monk monk,就以為佢係衰嘢!! 眼利嘅朋友仔,見到後面嘅戰鬥碗,就會估到呢個係東寶嘅墨汁墨魚麵。嗰啲墨汁真係勁香同好厚身,沾晒落啲意粉度。嗰啲墨魚多到呢,食極都有,以為係五餅二魚!!! 仲要係煮得啱啱好,唔會太韌。 我哋仲叫咗黄金蝦,外面蛋黄嘅黃金外層香到一放低,就聞到黄蛋味!!!! 一咬落口個殼好鬆脆,蝦肉實淨,好明顯隻蝦係好新鮮。有好嘢食,膽固醇就梗係唔理啦。

Read more