追隨浪漫嘅旋轉木馬 杏花邨Cafe Paradise

我A姐就最鍾意旋轉木馬,鍾意佢嘅優雅同姿態,隨住動人嘅樂聲自轉,木馬們好似活在自己嘅世界,不斷旋轉不停追逐,簡單而幸福。雖然佢哋從未遇上,但亦都無偏差!其實木馬們好浪漫,雖然佢哋唔係互相依偎,但佢哋同心而行,感受住同一個世界同一片天。一直看守住前面木馬嘅背影,已經心滿意足。喺杏花新城嘅Cafe Paradise就吸引到我喇!

Read more

暖笠笠一餐 筲箕灣潮丸

上個星期我出咗成個星期Trip,A姐就孤獨咁過咗一星期(我諗係,除非唔係),今日就輪到佢去咗荃灣同好姊妹傾心事,唔同我食飯!好叻咩!你識去荃灣,我都識去筲箕灣啦!筲箕灣東大街咁多好嘢食,今日就去潮丸簡簡單單食碗一啲都唔簡單嘅牛河啦。

Read more

西灣河沁沁麪 有質素小店

呢排趕Project,每日由朝早9點忙到無停,今晚仲OT到9點鐘,終於收工啦!就諗住喺公司附近搵間餐廳食嗰飯,返屋企早啲休息。行下行下,就見到呢間西灣河沁沁麪,見到幾多人食,就入去試下,點知又真係幾掂喎!

Read more

後巷至頹蛋包飯 西灣河華記士多

喺Open Rice打上西灣河,第一位兼獲得最優秀東區開飯熱店就係呢間華記士多,而華記最出名嘅就係蛋包飯喇。今日,我就一於同M佬去試一試,呢度嘅午餐稱為:是日頹飯(其實我哋好欣賞呢個名,因為勾起好多讀大學嘅回憶)。而頹飯選擇有咖哩蛋包飯、芝士咖哩蛋包飯同滷肉飯,值得一讚係頹飯免費奉送橙汁或檸檬特飲或各冷熱飲品。雖然我哋最支持區內小店,但發現呢間小店嘅名聲大於實際。而且,講求要好衛生嘅朋友,千祈唔好嚟,因為坐位設於後巷內。

Read more

秋風起火鍋 筲箕灣八沢

大概4個月前,我哋去過八沢嘅上環分店,今日同M佬路過筲箕灣,先知原來呢間先係總店,門口同樣係充滿大和風情,鍾意食烏冬嘅M佬話要encore一吓,咁一於入去try try啦! 點知入到去,火鍋怪嘅我哋見到石狩海鮮鍋,咁就由原本一人一個烏冬,變咗食火鍋+烏冬喇!

Read more

人氣手打漢堡 筲箕灣味口福

近期,因為紅磡嘅港式漢堡包店「裝修」停業,令港式漢堡包再次抬頭成為近期流行。不過,如果你都想食傳統港式手打漢堡包?我哋發現喺筲箕灣嘅味口福都係一個值得推薦嘅選擇!其實味口福都唔係咩新店推介,早係幾年前已經登陸太安樓,再到灣仔,今日就進駐到筲箕灣。

Read more

街坊上海小店 筲箕灣阿翁廚房

自從搬咗去西灣河之後,筲箕灣突然變得好近,搭叮叮10分鐘就到啦!亦都因為咁,我哋美食地圖就擴展到去平時比較少去嘅港島東筲箕灣,今日我哋又去咗試天悅廣場附近嘅阿翁廚房,試下呢間街坊上海小店。

Read more

新鮮還是蒸的好 西灣河蒸籠館

小蒸籠,大美味!今日同M佬嚟到西灣河嘅蒸籠館,諗住簡簡單單食蒸飯啦,點知,呢度嘅蒸飯一啲都唔簡單!原來竹蒸籠除咗用嚟蒸點心,仲可以配埋荷葉一齊嚟蒸飯。上枱嘅一刻,陣陣嘅荷香味同蒸飯嘅鮮香味,味道好吸引呀!

Read more