中西薈萃 大埔茶餐廳2.0

一個星期總有一日返娘家食飯,不過,A爸同A媽真係好極端,A爸就好鍾意食唐餐,但A媽就話平時屋企都煮唐餐啦,所以佢話出街就梗係唔好食中菜啦。今日去到大埔嘅茶餐廳2.0,款式夠多,優錢夠經濟實惠,佢兩個都好滿意。

Read more

大埔西餐 WM Café and Bar

自從同M佬搬咗去港島區,每逢weekend,我都會返去大埔娘家探吓屋企人,但前排大埔成為咗孤島,想返入去都唔容易,所以,我都好幾個星期無見過A媽喇,今日趁路面許可,我就入去大埔同佢食個lunch啦。今日嚟到WM Café and Bar同A媽食西餐。

Read more

大尾篤Ent Restaurant and Bar 感受墨西哥風情

上次去大尾篤Luca,見到開咗間新餐廳,叫Ent Restaurant and Bar,就打算去試下。原來係一間墨西哥泰國Fusion餐廳,裝修行東南亞風,戶外有好多藤椅。 一入去就見到長長嘅bar枱,室內一啲都唔侷促。我哋兩個見經理咁熱情推介啲招牌菜,好似全部都好正,決定全部嚟來一客,唔該!!

Read more

大尾篤Luca意大利餐廳 偷得浮生半日閒

一講起大尾篤,我會諗起中學旅行,踩單車同燒野食。咁啱我哋嗰日閒日放假,M佬話帶我去大尾篤覓食,去咗間叫Luca嘅東東。 雖然Luca有室內嘅冷氣雅座,但係我哋揀咗坐出面,貪佢嗰景觀都幾開揚,一望出去就見到藍天白雲再加綠樹,講真真係幾正,好似去咗外國咁,不過夏天就唔好搞。

Read more

山長水遠入大埔,Hea嘆Creamy煙三文魚黑松露野菌忌廉意粉

M佬樣樣都好,最唔好就係懶瞓。一到星期六日就係咁瞓,最誇張係試過瞓到六點,係下奏六點!! 作為偉大嘅女友,我總會幾個星期度去大埔搵M佬,多啲時間拍拖吖嘛,所以成日都會試大埔唔同嘅餐廳! 今次就去咗大埔太和中心新開嘅Cafe,叫做咖啡灣,餐廳十分Colourful。店中既裝潢可見曾花心思,每幅牆身都各有特色,有啲做左貼畫,有啲做左照片牆,好有青春氣息。令我諗番起上年同M佬去墾丁嘅sweet sweet回憶。

Read more

大埔成仔記 我細細嗰已經食佢

M佬雖然成日話自己唔浪漫,不過佢九唔九都真係幾sweet。今日,佢話要帶我去佢嘅成長地 – – 大埔,體驗一下佢細個嘅生活,行番佢以前行過嘅路。嘩!有無咁浪漫呀?!把口浪過油! M佬中學嗰陣為咗儲錢買波鞋,Lunch time就會走去食碗鮮蝦雲吞麵,有時加杯豆漿,咁就一餐。食過咁多間,都係最鐘意成仔記。

Read more