推介給遊客的你 銅鑼灣龍門冰室

好多外國或國內嘅朋友都問我哋,嚟到香港有無咩推介?被譽為美食天堂嘅香港,港式點心、菠蘿油、蛋撻等等都好有特色,至於想食茶檔或冰室嘅,今日我哋就嚟到銅鑼灣登龍街永光中心嘅龍門冰室,唔知又值唔值得推介俾遊客呢?

Read more

食到一肚氣 大坑肉骨皇

每日返屋企都會路過大坑浣紗街嘅肉骨皇,而每次同M佬行過都會被佢嘅香味所吸引,但每次都係食飽先行番屋企,所以一直都未有機會入去試試。今日我哋特登bookmark定日子,餓住個肚行返屋企,但當一踏入餐廳,就feel到嗰度嘅氣場不妙!個女店員(或者係老闆)口黑面黑,勁無禮貌咁叫我哋「坐啦」!亦由呢句「坐啦」開始呢餐飯!

Read more

杏花邨新店 Oyster Princess

趁我哋嘅周年紀念日買返對情侶波鞋,所以今個weekend去到主打運動Outlet嘅杏花新城睇吓有無心水啦!買完嘢又係時候醫肚喇,杏花新城嘅餐廳唔少,但好多都係連鎖經營,難得見到呢間新開嘅Oyster Princess,門口仲有雪櫃售賣啲high quality嘅凍肉、海鮮同紅酒,一於試試。

Read more

貼地肉骨茶真係咁正? 銅鑼灣兩草

肉骨茶可以話係星馬嘅平民美食,但當肉骨茶嚟到香港,就變咗上等菜(同泰國船麵一樣),貴得嚟味道仲要好參差。今日同M佬去到位於大坑,由舖搬到去大舖嘅人氣排隊餐廳兩草,餐牌選擇雖然唔多,但價錢大眾化,主菜由$20起跳,驚喜係連胡椒肉骨茶都只係$35,價錢就夠晒貼地,唔知味道又點呢?

Read more

男孩火車風 北角小城鎮

我相信每個男仔都會有一個火車夢,特別係蒸汽火車,砵砵…砵砵…至少我就有呢個火車夢喇!坐住火車,望住車外嘅風景,慢慢又到下一站喇。呢間位於北角嘅小城鎮,我相信老闆同我M佬一樣都有火車夢,因為店內放咗好多火車模型,仲有一個懷舊嘅票務處,好有feel!但係講真食物就麻麻。

Read more

點解大排長龍 銅鑼灣老虎堂

人人都要排隊,你估我M佬真係想排隊咩。但A姐見到班姊妹日日都放銅鑼灣老虎堂嘅珍奶上Facebook厄like,佢日日都話想試,終於見今日少咗人幫襯,我決定做廿四孝陪佢排隊,結果排咗20分鐘,終於見到家鄉喇。結果總結係超甜!

Read more

後巷至頹蛋包飯 西灣河華記士多

喺Open Rice打上西灣河,第一位兼獲得最優秀東區開飯熱店就係呢間華記士多,而華記最出名嘅就係蛋包飯喇。今日,我就一於同M佬去試一試,呢度嘅午餐稱為:是日頹飯(其實我哋好欣賞呢個名,因為勾起好多讀大學嘅回憶)。而頹飯選擇有咖哩蛋包飯、芝士咖哩蛋包飯同滷肉飯,值得一讚係頹飯免費奉送橙汁或檸檬特飲或各冷熱飲品。雖然我哋最支持區內小店,但發現呢間小店嘅名聲大於實際。而且,講求要好衛生嘅朋友,千祈唔好嚟,因為坐位設於後巷內。

Read more

早餐由一個劣食開始 北角渣華道協成粥品

夜晚嘅渣華道市政大廈,真係有邊個唔識東寶吖!咁朝早呢? 朝早點可以唔食早餐吖!我同M佬上去熟食中心睇吓有無茶檔,諗住食番碗沙嗲牛肉麵,點知,原來朝早嘅渣華道市政大廈選擇有三:1間粥店、再1間粥店同1間食中式點心嘅餐廳。行過見到呢間粥店嘅婆婆負責拉腸粉,大女煮緊粥,細女就處理樓面工作,仲有唔同嘅女工負責唔同嘅部份。當我哋經過協成粥店時,佢哋都好落力叫我哋坐低,有粥有飯有麵,結果,感受到佢哋嘅熱情同人情味之後,我哋決定一試!結果……

Read more

尋找兒時祖樂比 味道不同快樂蜂Jollibee

細個嘅時候,因為住喺沙田,A媽間唔時就會帶我去新城市食祖樂比Jollibee!麥當奴就有大大隻麥當奴叔叔,而祖樂比就有大大隻祖樂比蜜蜂!仲記得,當年佢嘅炸雞同意粉係好好味㗎!10年前去菲律賓旅行,仲會突登去祖樂比食lunch。到3年前,經過中環,路過當年祖樂比最後一間分店,興致勃勃入去食隻熱狗下午茶,雖然感受到異國風情,但味道真係……唔會有下次囉!

Read more