一碗幸福的拉麵 尖沙咀海港城蔦

有好多人覺得拉麵係簡單醫肚嘅選擇,但呢間位於尖沙咀海港城嘅蔦,就一啲唔簡單,因為佢係日本東京過江龍,係有名嘅「米芝蓮」一星食店。喺忙碌嘅工作之後,可以同A姐食碗暖笠笠又係期間限定嘅雞白湯底拉麵,我真係覺得自己好幸福呀!

Read more

白桃季節 尖沙咀Nishiyama Farm Fruit House

大家去日本旅行會唔會買水果返香港做手信呢?而近期最當做嘅水果一定係爆甜爆汁嘅白桃,仲有我A姐頭號最愛嘅香印提子啦!好羨慕大家可以飛到日本食最新鮮嘅水果呀!同A姐一樣無得飛日本,但又想食到日本直送嘅水果?今日我哋就喺尖沙咀天星碼頭見到日本品牌嘅Nishiyama Farm Fruit House,除咗可以食到嚟自日本水果製成嘅甜品之外,估唔到連沙冰都係嚟自日本呀。

Read more

對自己好啲 圓方McSorley’s Brewhouse & Grill

A姐:不如我哋搬去凱旋門! M佬:嘩!發夢無咁早! A姐:咩喎,你唔可以Sweet啲咁話:「好呀,傻豬!我會畀心機做嘢賺錢!」 M佬:「好呀,傻豬!我會畀心機做嘢賺錢!」 話說,我哋今晚去咗Elements圓方Civic Square新開嘅McSorley’s Brewhouse & Grill,A姐就成晚望住餐廳窗外嘅凱旋門,我就唔客氣咁係咁食,哈!

Read more

又到白桃季節 尖沙咀百味堂

每年嘅6月尾到8月都係白桃季,諗起香甜又多汁嘅白桃,我A姐就流晒口水!今日行過尖沙咀K11嘅韓國牛奶甜品店:百味堂,發現佢哋推出期間限定嘅日本山梨縣白桃牛奶雪糕,行到熱辣辣,唔食返杯真係對唔住自己啦!

Read more

維港靚景嘆拉麵 尖沙咀一幻拉麵

日本嘅知名拉麵品牌,喺香港越開越多,鍾意食拉麵嘅M佬每次知道有新開嘅拉麵店,都會第一時間帶我去潮聖。而呢間位於北海道札幌嘅人氣拉麵店:一幻拉麵,主打濃郁甜蝦湯底,次次喺新千歲機場都要食番碗先捨得返香港!其實早喺今年4月,一幻拉麵已經登陸灣仔,依家喺尖沙咀海港城開設第二間分店。除咗有全球限定嘅特濃蝦汁叉燒伴麵,最正係望住個維港靚景,令一碗明明應該係速食嘅拉麵,變得好享受。

Read more

星級打邊爐 尖沙咀醉胡爐

嘩!你睇下係閔大人謝東閔! 嘩!係蘇民峰呀!唔知佢哋喺間房講咩呢? 大家唔好以為我哋去咗TVB電視城,我哋只係去咗尖沙咀醉胡爐!明星都嚟嘅星級火鍋店!

Read more

當小籠包遇上Häagen-Dazs雪糕

開心會食雪糕,唔開心又會食雪糕!雪糕呢樣嘢,除咗小朋友鍾意食,好多大人同我A姐一樣,見到Häagen-Dazs嘅雪糕,都會心心眼架,而且,近排天氣咁熱,一杯雪糕真係令人熔化晒!加上,今日係契女M嘅生日,應承過要同佢食雪糕,獎勵佢今年唔係考第尾,所以就去Häagen-Dazs專門店慢慢嘆吓呢個全新Menu啦!想食到呢個全新Menu就要去到太古城中心、皇室堡、圓方或屯門V City呢四間指定堂食專門店喇!(記住睇到最尾,有夏日特飲買一送一優惠!)

Read more

驚喜法國菜 尖沙咀Odelice!

細個時曾經覺得法國係一個遙不可及嘅地方;又曾經覺得法國大餐係一個無法觸及嘅味道。原來想食法國餐都有親民價㗎,呢間位於尖沙咀The One嘅Odelice!都係一個性價比高嘅選擇。其實Odelice!喺灣仔嘅分店都幾有名氣,今次就帶A姐去到尖沙咀分店試試,但要留意呢度嘅店員係講英文㗎。

Read more

尖沙咀翠林辣蟹舫 必食避風塘炒辣蟹

各位姊妹,相信大家都覺得蟹好好食,鮮味十足,避風塘炒辣蟹就更加惹味!不過剝蟹殻就真係好麻煩,你都知㗎啦,會整壞我哋啲Gel甲。好彩我家M佬好鍾意食蟹,又會肯剝埋餵我食。係呀,我係港女一名!但呢啲係愛呀,哈利!今日我哋就去到尖沙咀食翠林辣蟹舫,見證我哋嘅愛。

Read more

海港城海景情調泰菜 尖沙咀藍象泰國餐廳

喺香港食泰國菜通常都係去九龍城架啦,但想食得架勢啲,又有海景做background嘅,今日M佬就帶我去咗尖沙咀海港城食泰國菜!望住個無敵海景,咁有情調,真係好有feel。

Read more