可以share嘅車仔麵 灣仔四爺車仔麵專門店

車仔麵呢樣嘢,我相信大家一定有食過,一碗熱辣辣嘅車仔麵,碗上面放滿3至4樣自己鍾意食嘅配料。而每次落單前,我都會同M佬夾好,你叫呢幾樣,我就叫嗰幾樣,務求食得最多款!但如果同朋友食,唔通食食吓先叉隻筷子去人哋嗰度咩?而呢間位於灣仔嘅四爺車仔麵專門店,就將麵同餸分開上,除咗方便大家share,我覺得更重要係每款配料都有唔同嘅味道,於埋一齊可能會怪怪的哦。

Read more

工業風cafe 灣仔NINETYs

曾經,有同事買咗杯咖啡番公司請我飲,咖啡味道濃厚有層次,仲有烘烤香味,再望一望個紙杯寫住NINETYs。NINETYs?不以為意。直到今日送咗A姐返工,喺灣仔行緊返公司,我同NINETYs再次遇上。原來NINETYs係嘅咖啡文化源自澳洲,設計以工業風為基礎,好有格調。

Read more

期間限定:晴王青提子撻 灣仔PdP Pies & Tarts

「…裱起婚紗照那道牆及一切美麗舊年華…」我A姐以前每次行過灣仔囍帖街總會同M佬講,第時婚禮要點點點,但都仲未嫁得出(諗吓都得掛?),其實囍帖街又點止得嫁妝禮餅吖,喺利東街仲有呢間人氣日系鮮果撻專門店 - PdP Pies & Tarts。選擇超多,有芒果、什果、什莓、提子、橙/西柚、栗子、士多啤梨等,嚟High-tea就啱晒。

Read more

舌尖上的辣得夠過癮 渝味曉宇重慶老火鍋

其實我哋無睇過《舌尖上的中國》,不過,朋友睇完同食完都極力推介,仲聽講列入埋重慶老火鍋50強,鍾意打邊爐嘅我哋,就嚟到位於灣仔嘅渝味曉宇重慶老火鍋朝聖一下。由一入門口,嗰陣辣味已經攻出嚟,怕辣嘅M佬差啲轉身走添。

Read more

期間限定:蠟筆小新放暑假 灣仔築地‧山貴水產市場

今日同M佬坐天星小輪由尖沙咀去灣仔食韓國炸雞,一落船就見到蠟筆小新喇!原來今個暑假,喺灣仔碼頭嘅築地‧山貴水產市場推出期間限定嘅「蠟筆小新放暑假」,見到M佬望到實一實!好啦,我今日就唔食韓國炸雞,陪佢食蠟筆小新啦!

Read more

越南菜至愛 灣仔越男仔

以前喺銅鑼灣返工,好鍾意去登龍街食越男仔,簡直係我A姐嘅飯堂呀,最鍾意佢個越南牛河!不過,自從佢搬離開咗銅鑼灣之後,我就無理過呢條越男仔,直到今日行過灣仔,原來佢搬咗嚟呢頭,今日就帶M佬見吓呢個第三者啦。

Read more

大阪拉麵過江龍 灣仔神虎麵商店

灣仔一向都有好多拉麵店,近期就有大阪過江龍神虎麺商店插旗,主打豚骨湯底,使用大量豚骨同蔬菜煲足8小時,非常濃郁!共有五款拉麵:元虎、神虎、黑虎、赤虎同海老虎。

Read more

灣仔廉記冰室 一嚐女人的浪漫

各位兄弟,你講有幾何會有女朋友肯同你食茶記,搵到嘅就記住唔好放手! 慶幸我家A姐賢良淑德又善解人意,帶佢去茶記絕對無問題。唔好話我M佬唔醒大家,灣仔廉記冰室有個女人的浪漫,有晒理由帶條女去試啦!

Read more

灣仔新竹源越南餐廳 簡單愛配簡單二人套餐

A姐:我哋總共去咗幾多次旅行呀? M佬:唔知喎。 A姐:我尋日數咗啦,我哋已經去咗26次旅行啦! M佬:喔。 A姐:你估下我今日Lunch食咗咩? M佬:唔知喎。 A姐:估下啦 M佬:日本嘢? A姐:你今日做咩對我咁冷淡?你係唔係唔愛我啦? 女人真係一個多疑嘅生物,人哋只係返工忙,用咗成日腦,放工想放鬆下姐。無心機諗今晚食咩,決定去下一個街口第二間餐廳食,就見到新竹源越南餐廳,即刻入去。唔想諗食咩,就叫個二人套餐啦!

Read more

合和都有夜茶嘆 灣仔薈麵館

灣仔嘅合和中心都算係區內嘅Signature Building,由我哋細細個已經記得佢特別嘅圓柱型外觀,依家再望望我隔離嘅M佬同背後嘅大廈,真係覺得歲月催人。講起合和中心,除咗返工放工,又點少得頂樓嘅旋轉餐廳呢?但今日我哋唔係食自助餐,反而係嘆夜茶。唔好以為喺合和中心呢啲商業區食飯就會好貴呀,呢個2-3人套餐都幾抵食架!

Read more