隱蔽藍色的茶餐室 上環榮華南洋冰室

星期日同A姐行吓上環,感受一吓老香港嘅生活同景象,令我哋回憶起香港從前嘅美好時光。行吓行吓,行到差館上街見到呢間藍色嘅建築,原來係以南洋風情為主打嘅榮華南洋冰室。餐廳設計用上南洋風情嘅瓦仔地板、木枱木凳,好有去咗旅行嘅感覺。

Read more

同A姐食好啲 上環La Parole

做善事又食到好好味嘅法國大餐,真係有意義得嚟,又食得好開心!請緊嘅係呢間位於上環嘅La Parole。呢間餐廳同社會企業合作,扣除成本開支後,全數撥捐非牟利機構: 庭恩兒童中心,以幫助低收入家庭有語言障礙嘅小朋友。

Read more

上環八沢 你知唔知道有人掛住你

你好,我係M佬!打嚟係想同你講,你知唔知道有人掛住你呀?佢話自從嗰次見完你就念念不忘,好想再咬下你搽咗忌廉Cream嘅幼滑肌膚,充滿彈性,同埋陣陣黑松露香水味。 邊個會用黑松露香水㗎?仲有邊個咁變態想咬人?嗰個變態嘅係A姐,不過佢只係想再去上環八沢食黑松露忌廉海鮮烏冬。

Read more

飲湯Lunch Style 上環蘇杭街Souprb

琴晚同M佬食完放題,我今日個lunch一定要簡單啲!之但係淨係咬個包,又唔係我A姐嘅style;食個沙律,下午茶見餓又唔知點算。所以簡單得嚟都要夠飽先得,路過上環見到呢間Souprb,店內設計簡潔明亮,真係我A姐嘅style;而且身為湯后嘅我,呢到主打西湯亦係我嘅賣飛佛!

Read more

拉麵小店 上環八沢

呢排大食咗,我又著唔落25腰牛仔褲喇,但我哋始終係為食之人,絕食同食少啲對我哋嚟講真係好困難,所以同M佬的起心肝去做Gym,做Gym之前當然要食少少少少少少嘢啦,一於簡簡單單食碗拉麵烏冬,再上Gym room努力狂跑啦!呢間位於上環新紀元廣場嘅拉麵小店八沢 Hachi Sawa,好味到令我哋又唔覺意食多咗喇。

Read more

上環煮道Uniboil 一人有一個火鍋

A姐:塊肥牛係我㗎! A姐:隻蝦係我㗎! A姐:粒墨魚滑係我㗎! A姐:件滑雞係我㗎! A姐:條烏冬都係我㗎! 所有嘢都係你,咁我飲湯算啦! 除非將肥牛寫名我先有得食,如果唔係A姐就係唔畀飽飯我食㗎!有見及此,今日一人一鍋唔駛爭!不過一人一鍋一直都係快餐店專利,而且一般人都覺得一人一鍋就等同無特色,所以上環煮道Uniboil就要改寫大眾嘅諗法,話畀大家知一人一鍋都可以好有市場地位!

Read more