睇到夜深又肚餓 銅鑼灣深宵食堂

今晚放工又要OT,之後就要趕去銅鑼灣同M佬睇戲 -《登月第一人》,所以求其咬咗個包就算,點知一路睇戲,我個肚就餓到咕咕聲,睇完2個半鐘嘅電影之後,都已經11點幾,我本身諗住食串燒賣就算,但M佬話返工咁辛苦,要帶我去食銅鑼灣深宵食堂。

Read more

當潮流愛新鮮 尖沙咀BARBE Bar & Grill

當潮流愛新鮮,尖沙咀K房都可以BBQ?呢間位於尖沙咀鬧市嘅BARBE Bar & Grill,除咗有得飲酒玩飛鏢,仲有兩間VIP房俾大家唱K,同一大個outdoor area俾大家可以BBQ,真係啱晒大家成班Friend去玩,或者同朋友去飲番杯吹吓水都得。今日我同A姐兩個人唔係去飲酒掉鏢,更加唔係唱K BBQ,我哋今日係Happy Hour食串燒!

Read more

少食多滋味 官塘鮮 • 港式串燒吧

各位姊妹,唔好話我A姐唔教你呀!大家一定要矜持,唔可以咁隨便,學識欲擒故縱,吊住佢條癮,咁樣先可食住你條仔!食嘢都係一樣,所謂「少食多滋味」,串燒一串多嗰幾粒,咁樣先矜貴,食落特別滋味!上次食完鮮•港式串燒吧,心郁郁又想食!

Read more

價錢親民兼份量十足 旺角女人街一燒窰

我哋兩條友仔出咗名好大食,所以每次食串燒都係食極都唔夠。不過又因為串燒香口,都會心痕想食。今次,我哋去咗旺角女人街一燒窰,價錢親民之餘,份量十足,四百錢就食得飽。

Read more

帶你的知心好友去鰂魚涌酒肉朋友

無論真心朋友定酒肉朋友,自從同咗A姐一齊之後,已經無時間見佢哋。難得今日A姐放我自由,我要同我班friend去happy吓先得!今日收工後就同班好耐無見嘅知心好友去到鰂魚涌嘅酒肉·朋友(Brothers Bar & Grill),一於邊食串燒邊傾計,好寫意呀!

Read more

串燒之夜 官塘駱駝漆大廈鮮 • 港式串燒吧

天生購物狅嘅A姐又去咗駱駝漆大廈掃貨,買呀買呀!好似想買起人哋間鋪頭咁。行行下突然聞到好香嘅燒烤味,原來係一間串燒鋪,講真又真係好耐無食過串燒啦,就係因為咁,我就入咗去鮮 • 港式串燒吧。

Read more

牛舌控居酒屋 銅鑼灣一杯屋

A姐未識我之前係所有內臟都唔食,但自從被我迫過佢食牛舌(佢堅稱牛舌都係內臟)之後,佢就深深愛上呢個食物,仲突然自稱係牛舌控!我哋今日就去到銅鑼灣逸園中心嘅一杯屋,重點當然係主打嘅仙台牛舌啦!聽講係好耐好耐之前……故事返到去二戰期間,美軍出晒名鍾意食牛肉,但牛舌就會被丟棄,不過,由於當時嘅日本糧食短缺,所以仙台人就會用炭火將牛舌燒熟,仲發覺原來咁好味,仲成為仙台嘅名物添!

Read more

灣仔拉麵天堂 初試新店幸屋

灣仔,大家會諗到咩?囍帖街?會展?我M佬就梗係諗起關於食啦,就係拉麵啦!點解?大家真係有所不知,灣仔真係有唔少拉麵店,好似每條小街巷仔都有一間,彷如拉麵天堂。今次決定去試新嘢,行到去機利臣街,見到呢間幸屋拉麵。出面嘅紅色燈籠同招牌,都有啲日風味。

Read more

嘆日式全餐 荃灣牛之鍋

今日返工好似打仗咁,我好想打邊爐氹吓自己;另一邊嘅A姐,今日返工好似攻心計咁,佢話想食放題放縱一下!兩者似乎不可能並存嘅日本嘢,因為工作嘅壓力,我哋今日都各不相讓,仲差啲大打出手添!到我話讓步喇,佢又話唔駛,話點敢喎!費事為咗食餐飯都傷感情,不如搵吓有無一間餐廳可以一次過滿足我哋所有嘅願望啦!特登走入嚟荃灣悅來酒店商場悅來坊嘅牛の鍋,聽講種類多之餘,食物品質都唔錯,即刻出發!由港島線再轉荃灣線,好彩只係2個站就氹掂我個A姐!呼……一額汗…… 好彩今日係平日,唔駛點等位就有得入座,而食物嘅款式真好多,除咗7張放題紙,仲有1張火鍋紙,同埋出面嘅火鍋配料Bar!如果想免費食到和牛?依家只要2個人like餐廳嘅Facebook就會送你澳洲和牛一碟;而4個人like餐廳嘅Facebook就會送多碟日本黑毛和牛俾你架喇!各就各位,120分鐘START!

Read more

OT食堂:旺角大門橫丁

尋日A姐畀老細卒到死,下午五點半先叫我Honey去準備聽日朝早九點半點開會用嘅Powerpoint。無事吖麻?原本約咗嘅飯局真係凍過水。為咗畀嗰驚喜A姐,我就去做咗陣Gym,等埋佢收工先去食野。好彩A姐叻女快手,九點半就搞掂。 咁夜去邊到食好呢?A姐咁鐘意蕃茄湯,就帶佢去食大門橫丁。十點仲有宵夜,大量串燒小食有特價,可以怒叫怒食,一雪心中之恨!

Read more