中西薈萃 大埔茶餐廳2.0

一個星期總有一日返娘家食飯,不過,A爸同A媽真係好極端,A爸就好鍾意食唐餐,但A媽就話平時屋企都煮唐餐啦,所以佢話出街就梗係唔好食中菜啦。今日去到大埔嘅茶餐廳2.0,款式夠多,優錢夠經濟實惠,佢兩個都好滿意。

Read more

驚喜大發現 銅鑼灣Kampoeng

同A姐喺IKEA買咗啲家庭用品,臨返屋企前去埋Kampoeng買蝦片先得!平時嚟Kampoeng主要係星期日,所以次次都係同成班印尼朋友一齊迫住買佢好出名嘅蝦片,但原來嚟咗咁多次,今次平日嚟到,先驚現原來下層係餐廳嚟架!所以行到好攰嘅我哋,決定入去食埋晚餐再返屋企啦。

Read more

柴灣飯堂 麗香園冰室

近呢幾個月,公司有好多唔同流言蜚語,包括人事變動、工作調配,甚至係是是非非。同事由以前好friend,到依家都有唔同自保或自私嘅想法。不過,工作上嘅轉變,唔可以話無所謂,但除咗接受就係離開架啦。反而我對其中一位同事講過嘅說話好心痛,雖然部份係聽返嚟,但有部份係我親耳聽到同感受到,令我對佢嘅信任澈底破解,可能係我太上心,對人太真情,原來人地覺得我係咁廢,當我係nothing。由於工作上feel uncomfortable,見我無咩胃口嘅M佬,就帶咗我去食啲comfort food,原來食嘢真係會令人快樂。

Read more

懷舊風港式餐廳 尖沙咀光榮冰室

早幾年,香港嘅保育風氣盛行,大家都好珍惜懷舊嘅事物,哪怕是一磚一瓦都希望得以盛傳。仲記得,當時有好多冰室餐廳頂唔住財團加租,或退休引退,一時間香港嘅冰室買少見少,而同時又有另一鼓新勢力重開冰室,令到香港嘅冰室好參差,但呢間位於尖沙咀厚福街嘅光榮冰室就值得我哋推介。

Read more

不推介給遊客的你 銅鑼灣龍門冰室

好多外國或國內嘅朋友都問我哋,嚟到香港有無咩推介?被譽為美食天堂嘅香港,港式點心、菠蘿油、蛋撻等等都好有特色,至於想食茶檔或冰室嘅,今日我哋就嚟到銅鑼灣登龍街永光中心嘅龍門冰室,唔知又值唔值得推介俾遊客呢?

Read more

唔該一份常餐 柴灣民華餐廳

自從同M佬搬咗去港島區,去柴灣睇戲就成為咗我哋其中一個嘅娛樂節目。為咗趕睇7點半,想快嘅唔一定快餐嘅,常餐都唔錯架!喺柴灣地鐵站附近嘅民華餐廳,除咗常餐之外,仲有唔同嘅點心同蒸飯,充滿港式口味!而民華餐廳喺唔少地區都有分店,幾時想食常餐都好方別。

Read more

冰室的懷舊味道 銅鑼灣十字冰室

大家細細個一定飲過十字牌牛奶,咁以十字牌牛奶做主題嘅冰室餐廳又有無試過?十字冰室原來喺銅鑼灣都開咗分店,裝修走懷舊路線,手寫餐牌同霓虹招牌,靚相打卡都好靚!

Read more

經典冰室懷舊味道 老字號深水埗雪山冰廳

星期日約咗A姐同佢屋企人食早餐再去行嘉頓山,明明較好鬧鐘,點知起身已經12點!!!好彩佢屋企人體諒我近排返工忙,但係A姐就勁嬲,鬧爆話12點仲邊度有早餐食喎!唔通佢唔知有60幾年歷史,近期大翻新嘅深水埗雪山冰廳,逢假日早餐食到下午2點鐘?一於食飽飽再去行山啦。

Read more

一個肯陪你去茶檔嘅女人邊度搵 荃灣皇茶冰室

網上有人話過希望女朋友有劉心悠嘅面孔、陳法拉嘅笑容、雷凱欣嘅身材、何家淑女嘅後台……而我家嘅A姐當然就有齊以上嘅所有嘢喇,雖然後台就無何家咁勁,但都叫做有我M佬幫佢撐腰架!而更好嘅係去邊食飯佢都無所謂,就算叫佢陪我食茶餐廳快餐店大排檔,佢食嘢個樣都好滿足架(當然我就知佢最鍾意日韓菜啦),而今日我哋就去咗荃灣食皇茶冰室,試吓久違嘅港式味道。

Read more